Luku 17:2 - LAWA A BOO SONBORE

² Bɛ̀ maǹ wii lɔ ǹ gii yii ǹ dɛnaa bɔlɔ-a ǹ zũ yìsi mu gole li, bɛ á soɛ ǹ dɛnaa ganaa, á la nɛnyaanan kɛn goon toto a nyanaa a da sii baraa-n nɛ.

LAWA A BOO SONBORE 2011

² Bɛ̀ maǹ wii lɔ ǹ gii yii ǹ dɛnaa bɔlɔ-a ǹ zũ yìsi mu gole li, bɛ á soɛ ǹ dɛnaa ganaa, á la nɛnyaanan kɛn goon toto a nyanaa a da sii baraa-n nɛ.

Luku 17:2 Iomraidhean Croise

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Matiə 17:27

Sɛnɛ, màn mɛn bɛ́ toɛ, wɔ baran minin kɛn lɛn mìi ziziɛ̃ wa, wo tà lɛ-a, n koɛ̀ɛ̃n kɔ. A bɛ́ re zɔ̀ bibinaa mɛn kuĩ, bɛ lɛ bɔ n na a lɛ bũ. N tá re wɔrɔ we goon yii a nɛ màn mɛn tá wɔsɛn dinin min paa a nyin giɔ̀mɔ boe. A bɔ n wo wɔsɛn nyin giɔ̀mɔ lɛ saraa nɛ.»

Matiə 18:10

«Ka n dinin kũ, ka nyan toa ka golee masɛ li wole tiin kɛn kɔn yii puusə kɔ wa. A giala masɛ n pii ka nɛ, ǹ lon a dia dí-a wolen tá n toɛ̃ ka ǹ mìi gɔ́ɔ̃ ǹ sii ni baraabaraa masɛ Di lon a Lawa yɔrɔ-a. [

Matiə 18:14

A n miɛ̃, kaa Díi Lawa ba li golee masɛ li wole tiin kɛn lɛn kɔ́n nə papaã wa.

Matiə 26:24

Min a Nɛgiĩ á re giɛ̃, ka a bɛ́ á n kiɛ̃ a wɔ gɔn la Lawa a boo-n lɔn. Sɛnɛ, min mɛn bɛ́ re Min a Nɛgiĩ we a zɔ́ɔn gɔn, bɛa dɛnaa wɔ n ka bɔ̀n nɛ! Bɛ̀ n dɛnaa din na a yɛ wa, bɛ á soɛ a ganaa!»

Marki 9:42

Nɛnyaanan kɛn golee-n masɛ li, bɛ̀ bɛn goon a mɛnaa ǹ giala bɔ min mɛn li, á soɛ bɛa dɛnaa ganaa ǹ gii dan kaara yii a bɔlɔ ganaa, ǹ nyanaa ǹ da yìsi mu gole li.

Zaã a sɛ́wɔ 21:15

Ǹ bɛ́ ǹ nə́ màn bii ǹ nə́ nya, Yezu pɛ Piɛrɛ nɛ: «ZAÃ a nɛgiĩ Simɔn, n tá masɛ narɛ á la kɛn manɛ?» A ná a lɛ si: «Hiĩ, Dɛnaa, n din tá doɛ̃ mà ma tá n narɛ.» Yezu tɔ́n pɛ nɛ: «Ga maa sère nɛn lɛn walan.»

Korɛnti1 9:15

Sɛnɛ, masɛ tɔn bɛ miã màn kɛ kɔ́n yɛ ka li wa, ma bie sɛ́wɔ kɛ diɛ ka la, ma á nɔ̀n dɔ diɛ li wa. Bɛ̀ má gã gɔrɔ bɛ á soɛ! Min kɔ́n ba re boe la, a bɛa din-koa ǹ gɔn kɛ si ma la wa.

Korɛnti1 9:22

Má goleemali boɛɛndɛnan sii si ma ganaa kunun ǹ ni, màn mɛn bɛ́ toɛ, ma gɔn dɔ ǹ ganaa. Man má zɛnaa miɛ̃ min tumaa nɛ, má lɛ kɔ sii din tɔrɔ tumaa ganaa, màn mɛn bɛ́ toɛ ma min tɛnɛn kirisibaa sonbore.