Luku 17:16 - LAWA A BOO SONBORE

¹⁶ Á daa kaa tán Yezu giulun, á n yɔrɔ kɔ tán lɛ, á barka da Yezu ni. Bɛa giĩ kɛ lɛ na á goã Samarii gána min lɛa.

LAWA A BOO SONBORE 2011

¹⁶ Á daa kaa tán Yezu giulun, á n yɔrɔ kɔ tán lɛ, á barka da Yezu ni. Bɛa giĩ kɛ lɛ na á goã Samarii gána min lɛa.

Luku 17:16 Iomraidhean Croise

Siin Giala 17:3

Abramu na á kaa tán, á n mìi kuməə. Lawa boo da nɛ á pɛ:

Matiə 10:5

Yezu na á doroon kɛn kɔ bɛa min fulupaa lɛ la, á ǹ dia á pɛ ǹ nɛ: – Zuifun bɛ́ ǹ ba gánan mɛnɛn nɛ wa, ka nyan toa ka wo walan wa. Ka nyan wo Samarii kiwin kɛn dɔn nɛ wa.

Matiə 2:11

Ǹ nə́ wɔ kion lɛ nɛ, ǹ nə́ nɛ lɛ laanka ǹ dan Mariya yɛ. Ǹ nə́ kaa tán-a, ǹ nə́ nɛ lɛ guguru kɔ. Bɛ kio, ǹ nə́ ǹ mànan lɛ bũ ǹ nə́ gɔ ka sana nɛ, ka da yon gìĩ kɔɔ̃n laanka *miíri nyɔɔ gìĩ kɔɔ̃n nɛ, ǹ tumaa giɔ̀mɔ n kaka parsiini.

Marki 5:33

Lɔ lɛ gɔ̀nɔn na á goã bìn diɛ nyɛ́ɛ gɔn, a giala sii mɛn bɛ́ á n zɛnaa nɛ a din dɔ̃. Bɛ lɛ nɛ, á woo n duwəə tán Yezu giulun, á sonbore din tumaa pɛ nɛ.

Luku 17:17

Yezu tɔ́n pɛ mà ǹ fùmaa lɛ tumaa a busu bie á nya wa ya? Sɛnɛ, mà manangɔrɔ kɛ na á woo maa?

Luku 5:8

Simɔn Piɛrɛ bɛ́ á bɛ yɛ, á kaa tán Yezu giulun, á pɛ: «Dɛnaa, n zɔ̃ n nə n bɔ masɛ ganaa, a giala masɛ n sii baraa-zɛnaali lɛa.»

Zaã a sɛ́wɔ 4:9

Samariin lɔ lɛ tɔ́n pɛ-n kɛnɛn: «A n siɛ lɔn nsɛ Zuifu kɛ n mu nyankoe masɛ din Samarii min kɛ la?» (Sonbore ne, Zuifun ba lɛ koe Samarii minin ganaa wa.)

Zaã a sɛ́wɔ 5:23

màn mɛn bɛ́ toɛ, min tumaa Nɛgiĩ lɛ guguru kɔ, ka ǹ bɛ́ a Díi guguru koe lɔn. Bɛ̀ min mɛn ba Nɛgiĩ lɛ guguru koe wa, a Díi mɛn dia, bɛa dɛnaa na a ba bɛ dɔ guguru koe wa.

Zaã a sɛ́wɔ 8:48

Zuifun nə́ tɔ́n pɛ Yezu ni mà Sonbore tá ǹsɛn lon ǹsɛn nə pɛ, mà á baraa ka Samarii min bɛ́ lɔn, mà mànan man a ganaa.

Nya ǹ dín 1:8

Sɛnɛ, bɛ̀ Lawa a Yiri Fu gisĩ ka la ǹ mɛn waáraa, ka á re pàã yii. Bɛa biikoo li, ka á re maa siéren biɛ, ka masɛ boo da Zeruzalɛmu kiwi, Zudee gána din tumaa nɛ ka Samarii gána nɛ, yǎa ka woe doe kanaa paǹ din tumaa ganaa.»

Korɛnti1 14:25

Sii-durii mɛn bɛ́ a foo ne, bɛ á re yii kanaa. Á re n mìi kumii tán, a Lawa guguru kɔ, a pɛ: «Lawa á ka bii taãn-taãnɛ.»

Sii-nyaan 19:10

Má kaa tán lon a dia dí-a wole lɛ giulun, máa ma na a guguru koe. Sɛnɛ, á pɛ ma nɛ: «N nyan toa n bɛ zɛnaa wa! Lawa din sɔɔ̃ guguru kɔ. Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃nɔn mɛnɛn bɛ́ Yezu boo taãn nyaa ǹ nɛ, a nə́ ǹ gɔn.» Yezu boo taãn mɛn nyaa, a din ni Yiri Fu nyaa Lawa a boo gii-dalin dɔn manɛ.

Sii-nyaan 4:10

min golen fuəwensii mɛnɛn bɛ́ ǹ tan, bɛn man yui ǹ kaa tán, kii dankan dɛnaa lɛ yɔrɔ-a. Min mɛn bɛ́ a tan yǎa duduu, maǹ bɛ guguru koe. Maǹ nə́ ǹ kii bafolon waa ǹ nə́ ǹ zũ tán kii dankan lɛ yɔrɔ-a, ǹ nə́ pii:

Sii-nyaan 5:14

Màn yiikoonaa pàãdɛnaa sii kɛ na á goã ǹ lɛ sii: «Taarɛ. A n miɛ̃!» Min golen kɛn dɔn nə́ kaa tán-a ǹ nə́ ǹ guguru koe.