Luku 16:26 - LAWA A BOO SONBORE

²⁶ Ka bɛ dɔ-n doo, nyankɔrɔ gole tá ka laanka wɔsɛn bii. Bɛa yɔrɔ lɛ la, min mɛnɛn bɛ́ giɛ li ǹ bɔ wɔsɛn li ǹ wo ka li, bɛn baran boo la wa, min dɔ baran boo la a bɔ ka dɔn li a da wɔsɛn li wa.»

LAWA A BOO SONBORE 2011

²⁶ Ka bɛ dɔ-n doo, nyankɔrɔ gole tá ka laanka wɔsɛn bii. Bɛa yɔrɔ lɛ la, min mɛnɛn bɛ́ giɛ li ǹ bɔ wɔsɛn li ǹ wo ka li, bɛn baran boo la wa, min dɔ baran boo la a bɔ ka dɔn li a da wɔsɛn li wa.»

Luku 16:26 Iomraidhean Croise

Loen 49:14

Min mɛnɛn bɛ́ n foo doɛ ǹ dinin ganaa ka kaka, boo-diɛ n kɔɔ̃nɛ ǹ ganaa ka wàa baa, bɛn sii bɛ́ re n biɛ lɔn biɛ̃, á ke. *Doa

Loen 50:22

Kasɛn mɛnɛn yiri bɛ́ boe ka Lawa nɛ, ka toa ka bɛ giala ma. Bɛ bie wa, man die ka kuĩ, ma ka wɔwoɛ̃ kɔn, min dɔ ná a die yii a ka si wa.

Ezekieli 28:24

Bɛ kio, nyan ba re Izirayeli minin kɛn toɛ̃ doo wa, nyan ba re ǹ gòã foɛ̃ doo wa, min mɛnɛn dɔn bɛ́ ǹ lɛnpɛnɛ, bɛn kɔn dɔ a re ǹ puusə koe doo wa. Ǹ tá re doɛ̃ ka bɛ lɛ-n kəni, mà masɛ din nə Dɛnaa Lawa gole lɛa.

Malakii 3:18

Tɔtɔbaa mɛn bɛ́ min sonbore laanka min baraa niɛ̃ kɔn, min mɛnɛn bɛ́ Lawa guguru koe, ka min mɛnɛn bɛ́ ǹ ba a guguru koe wa, ka á re bɛ yii doo.

Matiə 25:46

Bǎã mɛn bɛ́ a nɔmaa ná a ba nyɛɛ wa, bɛn tá re woe walan, min peperen tá re nyin nyabaã yii.

Luku 12:59

N ba n boe a-n wa, yǎa n bɛa dɛnaa kɛ lɛ a giɔ̀mɔ lɛ yii sarɛɛ lenlen.»

Luku 16:25

Abrahamu pɛ nɛ: Maa nɛ, n yiri gisĩ a nɛ, ń gɔn màn gigiã yɛ kanaa, Lazaarɛ sɛ na á goã á nɔmaa gole yɛ. Sisia Lazaarɛ dɔ na a yii-nyɛɛ ǹ bǎã nɛ, bɛ̀ n dɔ á fuu yii.

Luku 16:27

Pàãma lɛ mà Díi ganaa, mà asɛ na a nyankoe, a Lazaarɛ dia asɛ di kion.

Zaã a sɛ́wɔ 3:36

Bɛ̀ min mɛn golee a Nɛgiĩ lɛ li, nyin nyabaã n bɛa dɛnaa lon; bɛ̀ min mɛn na a bɔlɔ si wa, bɛa dɛnaa a die yiikoonaabaa yii wa, sɛnɛ, Lawa foo n goɛ̃ busii-n bɛ li.

Sii-nyaan 20:10

Bɛ ganaa, ǹ nə́ nɔ̀ɔn babaraan kiã kɛ kũ, ǹ nə́ zũ kiribi tɛ panapana kɛ nɛ, ǹ goã ǹ nə́ Tɔɔ kɛ laanka a boo gii-dali soɛ-bɔle kɛ zũ bǎã mɛn nɛ ke lɛn. Ǹ tá re nɔmaa ǹ fuu yii walan baayɛlɛ ka tèlò ne yǎa duduu.

Sii-nyaan 22:11

Bɛ̀ min mɛn tá kɔkɔrɔ, bɛ goã kɔkɔrɔ, min mɛn bɛ́ gɔgɔrɛ, bɛ dɔ goã gɔgɔrɛ. Sɛnɛ, min mɛn bɛ́ pepere, bɛ goã pepere, min mɛn dɔ bɛ́ min sonbore lɛa, bɛ dɔ goã min sonbore lɛa.»

Samayeli1 25:36

Abigayili nə́ n bɔyaa á daa Naabaali li, bɛ̀ a bɛ́ kiin zɔ́n tɔrɔ zɛnɛɛ a piɛ. Naabaali foo goã kɔɔ̃nɛ. Yɔ goã a yii ganaa taãn-taãnɛ. Abigayili boo kɔn pɛ-n wa, yǎa lɛ̀ waa.