Luku 16:25 - LAWA A BOO SONBORE

²⁵ Abrahamu pɛ nɛ: Maa nɛ, n yiri gisĩ a nɛ, ń gɔn màn gigiã yɛ kanaa, Lazaarɛ sɛ na á goã á nɔmaa gole yɛ. Sisia Lazaarɛ dɔ na a yii-nyɛɛ ǹ bǎã nɛ, bɛ̀ n dɔ á fuu yii.

LAWA A BOO SONBORE 2011

²⁵ Abrahamu pɛ nɛ: «Maa nɛ, n yiri gisĩ a nɛ, ń gɔn màn gigiã yɛ kanaa, Lazaarɛ sɛ na á goã á nɔmaa gole yɛ. Sisia Lazaarɛ dɔ na a yii-nyɛɛ ǹ bǎã nɛ, bɛ̀ n dɔ á fuu yii.

Luku 16:25 Iomraidhean Croise

Zɔbu 22:18

A da yaa a din lɛ dɔ ná a ǹ kionən pã ka yii-nyɛɛ nɛ. Lawa die a min baraan taasiɛ kɛ wɔlɔ lui masɛ ganaa.

Loen 17:14

Dɛnaa Lawa, n din gɔn ma kirisibaa kanaa minbuiinin kɛn ganaa! Ǹsɛn wɔ gii n ka kanaa kɛ nɛ. N màn mɛn koa, maǹ nə n nɔ̀ piɛ̃ ka bɛ lɛ nɛ. Ǹ nɛnyaanan dɔn man kiɛ̃ ka bɛ lɛ nɛ, man a gialakun din koɛ ǹ nɔ̀ɔnɔn manɛ.

Loen 49:11

Á ke, yiridɛnan dinin nə́ giɛ̃, ǹ nə́ bɔ̀n biɛ kun ka gàãnaan laanka baãnaan nɛ, ǹ nə́ ǹ gɔn mànan toɛ walan min kɔsɔn nɛ.

Loen 73:7

A laanɛ ǹ tá kasiɛ̃ nɛ, bɛ̀ ǹ yii bɔ màn li, ǹ gɔ́ɔ̃ n piɛ̃-n ka taasiɛ baraa nɛ.

Busii pɛ 1:7

Kanna, sìi bɛ́ Zeruzalɛmu ganaa, woo ǹ bǎã ná a ba la wa, a yiri gisĩ a lɛlɛ ǹ màn giɔ̀mɔ kakan kɛn tumaa nɛ. A zɔ́ɔn gɔn bɛ́ á dɔ a zaman ganaa ǹ mɛn waáraa, min kɔn yɛ á daa a gu ganaa wa. A zɔ́ɔn man giɛ a ganaa ǹ nə́ yaa we, a giala, mà á ziziɛ̃.

Matiə 27:63

ǹ nə́ pɛ: «Goledɛnaa, wɔsɛn yiri tá a nɛ minin yiri-sãli kɛ lɛ pɛ, bɛ̀ a yii bɛ́ tɔn koo mà asɛ a gɛ̀ lɛawaa sɔɔ, mà asɛ yii á die kiɛ.

Marki 9:45

Bɛ̀ n gòã goon tá n diɛ sii baraa nɛ, a kuru n bɔ n ganaa. A giala, n goã n yii n koo ka n gòã goon ne Lawa a piɛ, bɛ á soɛ n nə n gòãn paanan toa n ganaa n wo ǹ ne tɛ-n. [

Luku 16:20

Giĩ doobaa goon dɔ́ goã a tɔ n Lazaarɛ. Baayɛrɛ goã a paǹ tumaa ganaa. A na á goã wɛɛ tán pàãma lɛ a kiɛnlɛ-a.

Luku 16:23

Pàãma lɛ bɛ́ yii wɔ̃ ǹ bǎã-n geren piɛ, á n yii saa lon á Abrahamu yɛ sɔsɔɔ, Lazaarɛ ná a genli.»

Luku 16:26

Ka bɛ dɔ-n doo, nyankɔrɔ gole tá ka laanka wɔsɛn bii. Bɛa yɔrɔ lɛ la, min mɛnɛn bɛ́ giɛ li ǹ bɔ wɔsɛn li ǹ wo ka li, bɛn baran boo la wa, min dɔ baran boo la a bɔ ka dɔn li a da wɔsɛn li wa.»

Luku 6:24

Sɛnɛ, gɔn màndɛnan, bɔ̀ndɛnan man ka kasɛn nɛ, a giala ka kaa là yii bii gɔrɔ, ka a re kɔsɔ yii doo wa.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Rɔmu minin 8:7

Min mɛnɛn taasiɛ bɛ́ doa-n gɔ̀nɔn foo siin ganaa, bɛn man Lawa a zɔ́ɔn lɛa. A giala, ǹ ba Lawa a dí-pɛn bɔlɔ sii wa, ǹ ba boe la dinin ǹ bɛ zɛnaa wa.

Timəə dí-pɛn 28:17

Ka a re kɛsɛn laanka dɔǹɔn piɛ̃ yii wa.

Filipi minin 3:19

Ǹ giala-nyɔmɔɔ á re ziziɛ̃, a giala, mà ǹ gɔ̀nɔn foo sii mànan manə ǹ Lawa lɛa. Sii mɛn doamaa bɛ́ a sìi da ǹ ganaa, manə n dinin koɛ ka bɛ nɛ, ǹ nə́ taasiɛ we kanaa kɛ a mànan dininsɔɔ̃nɔn ganaa.

Tesaloniki1 3:3

màn mɛn bɛ́ toɛ, ka kɔ́n gɔ̀nɔn baran bìn da sisia a fuun kɛn gɔ́ɔ̃-n wa. A giala, ka á doɛ̃ mà bɛ lɛ na á n da wɔ dɔn mìi ni.

Ebrəə 11:25

A din na á bɔ, mà asɛ fuu yɛ kun ka Lawa a zaman kɛ nɛ, mà bɛ á soɛ asɛ nə n nyɛnyɛɛ sii baraa nɛ, biikoo boɛɛn gɔ́ɔ̃ nɛ.

Zaã1 2:15

Ka nyan kanaa laanka a gɔn màn kɔ́n narɛ wa. Bɛ̀ min mɛn tá kanaa narɛ, Díi Lawa narɛɛ ba ǹ dɛnaa gɔ́ɔ̃-n wa.

Sii-nyaan 7:14

Má tɔ́n pɛ nɛ: «Giĩ gole, n din tá doɛ̃!» Á tɔ́n pɛ ma nɛ: «Maǹ boe damagɔ́ɔ̃li a fuu yɛ ǹ bǎã gole kɛ nɛ. Maǹ nə́ ǹ dɔnkɛn lɛn pii ka Sère Nɛ kɛ mà nɛ, ǹ nə́ fu kɔ.