Luku 16:24 - LAWA A BOO SONBORE

²⁴ Á tɔ́n nə n lɛ dɛ á pɛ: «Abrahamu, masɛ din a díi, makara bɔ ma ganaa, n Lazaarɛ dia a wo n gòon nyin sã mu li a da da masɛ lɛwɔn la, màn mɛn bɛ́ toɛ, ma bɔlɔ yala basã. A giala, ma á nɔmaa-n tɛ kɛ nɛ á la yii ni.

LAWA A BOO SONBORE 2011

²⁴ Á tɔ́n nə n lɛ dɛ á pɛ: «Abrahamu, masɛ din a díi, makara bɔ ma ganaa, n Lazaarɛ dia a wo n gòon nyin sã mu li a da da masɛ lɛwɔn la, màn mɛn bɛ́ toɛ, ma bɔlɔ yala basã. A giala, ma á nɔmaa-n tɛ kɛ nɛ á la yii ni.»

Luku 16:24 Iomraidhean Croise

Zɔbu 20:21

A kuruubaa lɛ taman yii, màn kɔn goã liɛ la wa. Sɛnɛ, a yii-nyɛɛ lɛ a re beleboe wa.

Izayii 27:11

Bɛ̀ bɛa da bisinin lɛn gùrù laa, maǹ die ǹ yiɛ, lɔn nə tɛ da ǹ ganaa. Tɔrɔ kɛa sii kɔn giala miɛ wa. Bɛ lɛ na á toa, min mɛn zɛnaa, ǹ dɛnaa a makara boe a ganaa wa. Min mɛn yɛ á da kanaa, ǹ dɛnaa a bǐɛ̃ koe a ganaa wa.

Izayii 66:24

Bɛ̀ ǹ tá soe kiwi lɛ nɛ, min mɛnɛn nə goã ǹ nə́ n gòã dii ma ganaa, ǹ tá re bɛn gere yii tán. Nyuunun mɛnɛn bɛ́ ǹ soɛ̃, bɛn ba re giɛ̃ duduu wa. Tɛ mɛn bɛ́ ǹ kuĩ, bɛa nimi wa. Bɛ ǹ die goɛ̃ sii bɔbɔnɛɛ lɛa minbuiin nɛ tumaa ganaa.

Zakarii 14:12

Tɔrɔn mɛnɛn nə wo Zeruzalɛmu zia baa, Dɛnaa Lawa bɛ́ re koe mɛn diɛ ǹ mìi ni, á ke: Ǹ gɔ̀nɔn siĩ á re boɛ̃, a ǹ toa ǹ yii n koo. Ǹ yiin tá re boɛ̃ ǹ yii yalan nɛ, ǹ lɛwɔn nə bɔɔ̃ ǹ lɛ-n.

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Matiə 3:9

Ka n taasɛ mà Abrahamu bɛ́ ka digolo lɛa, mà sii kɔ́n ba boe la a kasɛn yɛ wa. Ka baran n dinin bebele wa dɛ! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

Matiə 5:22

Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.

Luku 16:30

Pàãma lɛ mà Díi Abrahamu ganaa, mà bɛa sii lɛ a boe wa. Sɛnɛ, mà bɛ̀ min yii kaa á bɔ geren bii á woo ǹ li, mà bɛa waáraa mà ǹ tá re wusii ǹ sii baraan kio ǹ golee Lawa li.

Luku 19:9

Yezu pɛ nɛ: «Pelo n din laanka n kion minin nə́ kirisibaa yɛ, a giala, n dɔ́ n Abrahamu tɔrɔ lɛa.

Luku 3:8

Ka zɛnaa ǹ siin zɛnaa, ǹ mɛnɛn bɛ́ nyɛɛ mà ka kaa giã ǹ gɔn bɔyaa. Ka ǹ taasɛ mà Abrahamu bɛ́ ka digolo lɛa, mà sii kɔ́n ba boe la a ka yɛ wa. Ka baran n dinin bebele wa! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

Zaã a sɛ́wɔ 4:10

Yezu tɔ́n pɛ nɛ: «Bɛ̀ ma n Lawa a minin gɔ ǹ màn kɛ doɛ̃, ka masɛ mɛn dɔ bɛ́ má pɛ n nɛ máa n mu kɔ ma mi, bɛ̀ n din kɛ lɛ n die nɔ̀n diɛ masɛ la ka mu ni; bɛ̀ man die mu koe n la n mi, mu mɛn bɛ́ yiikoonaabaa koe min la.»

Zaã a sɛ́wɔ 4:14

sɛnɛ, masɛ bɛ́ re mu koe min mɛn la a mi, mu boro a bɛa dɛnaa kuĩ doo duduu wa. Ma bɛ́ re mu mɛn koe la a mi, bɛ lɛ n die n biɛ ka mu yala bɛ́ lɔn, nyin nyabaã n boe a nɛ.»

Zaã a sɛ́wɔ 7:37

Zɔ́n lɛ a nya pinaa, a din pinaa lɛ dɔ n zɔ́n lɛ a kɔɔ̃nbaa pinaa lɛa, Yezu yoo á golee lon á pɛ ka lɛn gole-n kɛnɛn: «Bɛ̀ mu boro tá min mɛn ganaa, ǹ dɛnaa da masɛ li a mu mi.

Rɔmu minin 4:12

Sonbore, Abrahamu n kurii wolen lɛn dɔn díi lɛa. Sɛnɛ, kurii wole kɛ tumaa bie Abrahamu a nɛ lɛa wa. Min mɛnɛn bɛ́ a lɛa, bɛn man ke, golee Lawa li wolen dininsɔɔ̃nɔn, ka wɔ di Abrahamu din bɛ́ á zɛnaa lɔn, bɛ̀ a ná a tɔn nə n kuru wa.

Tesaloniki2 1:8

A n die die tɛ buə̃ bii, min mɛnɛn bɛ́ ǹ nə́ n piã ka Lawa doɛ̃ nɛ, ǹ nə́ n piã ka wɔa Dɛnaa Yezu a Boo Tii Kɔɔ̃n kɛ dɔ nɛ, a dɔlɔ bɔ bɛn ganaa.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.

Zaaki 3:6

Lɛwɔn nə goon ka tɛ nɛ. Màn baraa nɛ. Wɔ gɔ̀nɔn paǹ goon ne, a din lɛ dɔ n gɔ̀nɔn gialakun kɛ tumaa diɛ sii ni, bɛa tɛ lɛ n bɔ̀n da ǹ tɛ gole lɛa.

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.

Sii-nyaan 20:15

Min mɛnɛn tumaa tɔ bɛ́ a yɛ yiikoonaabaa ǹ sɛ́wɔ lɛ-n wa, ǹ nə́ bɛn tumaa zũ tɛ panapana lɛ nɛ.

Sii-nyaan 22:1

Lon a dia dí-a wole lɛ tɔn yiikoonaabaa ǹ tà mu lɛ nyaa ma nɛ, tɛ pii ka gɛ̀fu mɛn bɛ́ yii n wɔlɔ yii a nɛ. Bɛa mu lɛ na á goã soe Lawa laanka Sère Nɛ a kii dankan paǹ li.

Samayeli1 28:16

Samayeli tɔ́n pɛ nɛ: «Sɛnɛ, wàa na á baa n tá nɔ̀n diɛ masɛ la n din dɔn doɛ̃ mà Dɛnaa Lawa nə́ n bɔ n li, á n baa a zɔ́ɔ lɛa.