Luku 16:23 - LAWA A BOO SONBORE

²³ Pàãma lɛ bɛ́ yii wɔ̃ ǹ bǎã-n geren piɛ, á n yii saa lon á Abrahamu yɛ sɔsɔɔ, Lazaarɛ ná a genli.»

LAWA A BOO SONBORE 2011

²³ Pàãma lɛ bɛ́ yii wɔ̃ ǹ bǎã-n geren piɛ, á n yii saa lon á Abrahamu yɛ sɔsɔɔ, Lazaarɛ ná a genli.

Luku 16:23 Iomraidhean Croise

Loen 16:10

A giala, n ba re ma toɛ gɛ̀ gɔn wa, n ba re n din a min sonbore kɛ toɛ yala-n wa.

Loen 49:15

Maǹ nə́ ǹ lui ka tɔɔn bɛ́ lɔn, ǹ nə́ woe ǹ ne geren piɛ. Gɛ̀ nə ǹ lɛduə̃li lɛa. A lɛawaa, min peperen man tɔ we ǹ yalan la ǹ kiɛ̃. Ǹ siĩnbaa tumaa n ziziɛ̃ geren piɛ, ǹ wɔlɔ n lui ni ǹ kion dadaran kɛn ganaa.

Loen 86:13

A giala, mà n kɔn-narɛɛ á gole maa wɔ paǹ li, ń ma si gɛ̀ a bǎã babaraa zuzulu kɛ la.

Loen 9:17

Dɛnaa Lawa nə́ n din nyaa, á kiri kuru. Á min baraa kũ a din a kan nɛ. Ka tùtu wuu gisĩ. *Doa.

Suusun 15:24

Zii mɛn bɛ́ woe yiikoonaabaa ganaa, sii-dɔ̃li n koe bɛ lɛ. Ǹ mɛn bɛ́ woe gɛ̀ ganaa, a nə n nyɛnɛɛ bɛ nɛ.

Suusun 5:5

Bɛa lɔ kɛ miã a giã ǹ gɔn nə gɛ̀ koe min la. A gòã goɛ̃ n woe yala ganaa.

Suusun 7:27

Bɛ̀ n woo a li, ma nə́ n woo gɛ̀ li, ma nə́ n woo geren piɛ.

Suusun 9:18

A da yaa, bɛa minin kɛn lɛn ba doɛ̃ mà ǹsɛn man kunu gɛ̀ li wa, mà bɛa lɔ lɛ a lɛ dia n woe min ni geren piɛ wa.

Izayii 14:15

Sɛnɛ, n woo n din yaa geren piɛ, nyankɔrɔ gole kɛ gɔ́ɔ̃ nɛ.

Izayii 14:9

Geren piɛ, geren man bìn diɛ, maǹ nə n yɔrɔ boe die n diɛ n lɛ n daa waáraa. N din na a lɛa, maǹ kanaa a min dadaran yii kiɛ. Tɔrɔn tumaa a kiin man yui lon, ǹ nə́ n diɛ n lɛ.

Matiə 11:23

Kasɛn Kafaranaamu minin kɛn man taasɛ mà ka n die gole koe yǎa Lawa ganaa? Ka n die gisĩ yǎa bɔ̀nbaa ǹ tɛ gole kɛ nɛ. A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Sodɔmu, kiwi kɛ lɛ Lawa ziziɛ̃ ka tɛ nɛ, bɛ̀ a tá tɔn a tan haalɛ pelo.

Matiə 18:9

Bɛ̀ n yii goon tá n diɛ sii baraa nɛ, n gɔsɛ n bɔ n yɔrɔ nɛ n zũ sɔsɔɔ. N goã n yii n koo Lawa a piɛ n yii n goon, bɛ á soɛ n nə n yiin paanan toa n ganaa, n wusoo n wo ǹ ne tɛ-n, tɛ mɛn bɛ́ a nimi wa.

Matiə 23:33

Kɔrɔkan tɔrɔn, min babaraan kɛn! Ka n die siɛ lɔn ka tɔn kanbaa Sɛtaan a piɛ a dɔlɔ kɛ ganaa?

Matiə 5:22

Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.

Matiə 5:29

Ta n gusin a yii n die n diɛ sii baraa nɛ, a gɔsɛ n zũ, n bɔ n yɔrɔ nɛ. A giala, n bɔ̀n baa n gɔ̀nɔn paǹ kɔ́n nɛ n kirisibaa, bɛ á soɛ gɔ̀nɔn siĩ din tumaa a wo bɔ̀n baa tɛ gole-n ne.

Matiə 8:29

Ǹ nə́ yoo ǹ nə́ n lɛ dɛ: «Lawa a Nɛgiĩ ganaa, n wàa mɛn sii n wɔsɛn sii ni? Ma nə́ n daa dɔlɔ bɔ wɔsɛn ganaa kànaa bɛ̀ a biikoo ná a tɔn dɔ wa?»

Luku 16:24

Á tɔ́n nə n lɛ dɛ á pɛ: «Abrahamu, masɛ din a díi, makara bɔ ma ganaa, n Lazaarɛ dia a wo n gòon nyin sã mu li a da da masɛ lɛwɔn la, màn mɛn bɛ́ toɛ, ma bɔlɔ yala basã. A giala, ma á nɔmaa-n tɛ kɛ nɛ á la yii ni.

Luku 16:28

Mà asɛ dɔɔ̃n sooro tan. Mà a wo n gɔn waa ǹ nɛ, màn mɛn bɛ́ toɛ, ǹ dɔn baran da fuu yɛ ǹ bǎã kɛ-n wa.

Luku 8:28

A bɛ́ á Yezu yɛ, á kaa tán-a a giulun. Á n lɛ dɛ ka kɔsɛkɔsɛ, á tɔ́n pɛ ka lɛn gole ne kɛnɛn: «Yezu, Lawa Gole a Nɛ, n wàa mɛn sii n masɛ a sii ni? Masɛ nə n nyankoe n baran dɔlɔ bɔ masɛ ganaa wa.»

Korɛnti1 15:55

«Gɛ̀ nɛɛ! N gɔ̀lɔ̀baa lɛ á maa? Gɛ̀ nɛɛ! N minin ziziɛ̃ ǹ pàã lɛ á maa?»

Piɛrɛ2 2:4

Lon a dia dí-a wolen mɛnɛn nə sii baraa zɛnaa, Lawa bɛn dinin toa wa. A na á ǹ kaa papaã ǹ bǎã wɔlɔ tì kɛ li, ǹ nə́ kòso-n walan, n yii diɛ kiri-kurii pinaa kɛ la.

Sii-nyaan 20:10

Bɛ ganaa, ǹ nə́ nɔ̀ɔn babaraan kiã kɛ kũ, ǹ nə́ zũ kiribi tɛ panapana kɛ nɛ, ǹ goã ǹ nə́ Tɔɔ kɛ laanka a boo gii-dali soɛ-bɔle kɛ zũ bǎã mɛn nɛ ke lɛn. Ǹ tá re nɔmaa ǹ fuu yii walan baayɛlɛ ka tèlò ne yǎa duduu.