Luku 16:16 - LAWA A BOO SONBORE

¹⁶ «A kũ lɛlɛ-lɛlɛ ganaa a da ZAÃ a biikoo yaa, Lawa a dí-pɛn laanka a boo gii-dalin sɛ́wɔn dininsɔɔ̃nɔn man nə́ goã. Sɛnɛ sisia, Boo Tii Kɔɔ̃n kɛ tá n pii, mà Lawa n kii lɛa. Didie nə n doɛ a tá n wen woɛ, màn mɛn bɛ́ toɛ, a wɔ *Lawa a kiibaa ǹ bǎã nɛ.

LAWA A BOO SONBORE 2011

¹⁶ A kũ lɛlɛ-lɛlɛ ganaa a da Zaã a biikoo yaa, Lawa a dí-pɛn laanka a boo gii-dalin sɛ́wɔn dininsɔɔ̃nɔn man nə́ goã. Sɛnɛ sisia, Boo Tii Kɔɔ̃n kɛ tá n pii, mà Lawa n kii lɛa. Didie nə n doɛ a tá n wen woɛ, màn mɛn bɛ́ toɛ, a wɔ *Lawa a kiibaa ǹ bǎã nɛ.

Luku 16:16 Iomraidhean Croise

Matiə 10:7

Ka n toa woe, bɛ̀ ka tá Lawa a boo laakalɛɛ ka n pii: «Lon a kiibaa lɛ a biikoo diri!»

Matiə 15:11

Màn mɛn bɛ́ we minbuiin nɛ lɛ-n, bɛ bie a gɔgɔrɛ koe wa. Sɛnɛ, màn mɛn bɛ́ boe a lɛ-n, bɛ lɛ na a gɔgɔrɛ koe.»

Matiə 21:32

A giala, ZAÃ na á daa zii pepere nyaa ka nɛ, sɛnɛ, ka waa a boo la wa. Wusuru-silin laanka lɔ kɔrɔn sɛn nə́ waa la. Ka bɛ yɛ, haalɛ bɛ din tumaa kio, ka nə n taasɛ, ka wusoo ka kio ne, ka golee a boo li wa.

Matiə 3:2

A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔ bii sisia.»

Matiə 4:17

A kũ a da Galilee biikoo lɛ ganaa, Yezu ná a giala kɔ á Boo Tii Kɔɔ̃n pɛ. A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔsɛn bii sisia.»

Matiə 4:23

Yezu na á goã n bibiĩ Galilee gána din tumaa nɛ, bɛ̀ a minin daraa Zuifun lɛsɔkɔn kionən ne. Á goã lon a kiibaa ǹ Boo Tii Kɔɔ̃n lɛ pii. A na á goã minin busu tɔrɔ din tumaa nyɛɛ bɛ̀ a bɔ ǹ ganaa.

Marki 1:14

ZAÃ kũ a da kòso-n kio, Yezu woo Galilee gána nɛ, á goã Lawa a Boo Tii Kɔɔ̃n laakalɛɛ,

Marki 1:45

Sɛnɛ, sii mɛn bɛ́ á n zɛnaa giĩ lɛ nɛ, a bɛ́ á woo, á bɔ á mɛ la a ná a laakalaa bǎã yii ni. Bɛ lɛ n ke Yezu boo la á wɔ kiwi kɔ́n nɛ doo wa, a na á goã giɛ̃ don. Minin nə́ bɔ bǎã yii ni, bɛ̀ ǹ wo a li walan.

Luku 10:11

mà haalɛ ǹ kiwi lɛ a tii gusuũ mɛn bɛ́ á kũ ka gòãn ganaa, mà kasɛn man bɛ lɛ dɔ din tuturi ka kɔ ǹ la. Ka pɛ ǹ nɛ, mà ka bɛ din tumaa nɛ, mà ǹ dɔ̃ mà Lawa a kiibaa lɛ dɔ.»

Luku 10:9

Ka bɛa kiwi lɛ a busulən kaka kɔ, ka pɛ ǹ nɛ mà *Lawa a kiibaa lɛ dɔ ǹ li.

Luku 16:29

Abrahamu ná a lɛ si mà Lawa landa siin mɛnɛn kɔ Muizu la, ka a boon mɛnɛn dɔn kɔ a din a boo gii-dalin la ǹ nə́ pɛ, mà bɛn tá ǹ dɔɔ̃nɔn lɛn li, ǹ nə́ n gɔn wɛɛ ǹ nɛ. Mà ǹ nə n too kɔ bɛn lɛn lon.

Luku 16:31

Sɛnɛ, Abrahamu mà Lawa landa siin mɛnɛn kɔ Muizu la, ka a boon mɛnɛn dɔn kɔ a din a boo gii-dalin la, mà bɛ̀ ǹ nə n too kɔ bɛn-a wa, mà ta min yii na á kaa á bɔ geren bii á woo boo da ǹ nɛ, mà ǹ ba re wɛɛ ǹ dɛnaa a boo la wa.

Luku 9:2

Yezu na á ǹ dia mà ǹ wo *Lawa a kiibaa ǹ dí nyɛɛ boo da, ǹ busulən kaka kɔ.

Zaã a sɛ́wɔ 1:45

Filipi dɔ́ kiɛ̃ á woo dɔ Natanayeli li, á pɛ nɛ: «Muizu boo da min mɛn wɔ gɔn la landa sɛ́wɔ nɛ, Lawa a boo gii-dalin dɔn nə́ boo da a wɔ gɔn la, wɔsɛn nə́ yɛ: Yezu ni, Nazarɛtin Zozɛfu a nɛgiĩ ni.»

Zaã a sɛ́wɔ 11:48

Mà bɛ̀ ǹsɛn nə́ kɛ da a gɔn lɛ-a, mà min tumaa á die golee li, mà Rɔmu gána a pàãdɛnan tá re miɛ, mà ǹ tá re die ǹsɛn Lawa a kion kɛ wurii, ǹ nə ǹsɛn gána yu.

Zaã a sɛ́wɔ 12:19

*Fariziɛ̃n nə́ tɔ́n pɛ kɔn nɛ mà haya! Mà ǹ yii bɛ́ a ganaa, mà ǹ ba re boe sii kɔ́n la wa. Mà min tumaa á ke toɛ̃ koe a kio lɛ!

Zaã a sɛ́wɔ 5:4

A giala, Dɛnaa a dia dí-a wole goon nə gisĩ mu yala lɛ nɛ, bɛ̀ a bìn da mu lɛ ganaa. Bɛ̀ á bìn da mu lɛ ganaa, min mɛn bɛ́ re n doe li bibinaanɛ, bɛa dɛnaa a busu n nyɛɛ, haalɛ ta a n lɔn.]

Nya ǹ dín 3:18

Sɛnɛ, Lawa din na á pɛ, mà asɛ lɛ kɔ ka Minin Nyin-sili mɛn nɛ, mà bɛ á re fuu yii. A boo gii-dalin tumaa saa lɛlɛ ǹ nə́ bɛ pɛ, mà Lawa na á toa ǹsɛn kɛn lɛn ná a lɛ pã ǹ sii zɛnaa.