Luku 16:15 - LAWA A BOO SONBORE

¹⁵ Yezu pɛ ǹ nɛ: – Kasɛn, ka n nyɛɛ minin yɔrɔ-a mà ka tá pepere, sɛnɛ, Lawa tá ka foon doɛ̃. Sii mɛn bɛ́ sii gole lɛa minbuiin nɛ yɔrɔ-a, bɛ tìĩ n boe-n Lawa nyin ni.

LAWA A BOO SONBORE 2011

¹⁵ Yezu pɛ ǹ nɛ: – Kasɛn, ka n nyɛɛ minin yɔrɔ-a mà ka tá pepere, sɛnɛ, Lawa tá ka foon doɛ̃. Sii mɛn bɛ́ sii gole lɛa minbuiin nɛ yɔrɔ-a, bɛ tìĩ n boe-n Lawa nyin ni.

Luku 16:15 Iomraidhean Croise

KZS2 6:30

n too kɔ ǹ lon n giã ǹ bǎã lɛ-n lon. Ǹ zɛ̀rɛn toa ǹ nɛ, n nə ǹ saraa a kɔnpɛ ka ǹ zɛnaa ǹ sii tumaa nɛ. A giala, n din nə ǹ taasiɛ doɛ̃. Sonbore, n dinsɔɔ̃ n minbuiin nɛ tumaa a taasiɛ doɛ̃.

Loen 10:3

Min baraa nə n din kalɛɛ, mà asɛ boo sii la. Bɛ̀ á ná a wurumubaa ǹ mànan lɛn yɛ, a n sɔ kiɛ Dɛnaa Lawa la, bɛ̀ a da yaa lɛa.

Loen 49:13

Minbuiin nɛ laanka a tɔ golebaa yii ni, a beleboe wa. A n ka tɔɔ bɛ́ lɔn, boɛɛn bɛ̀ a lɛ kuru.

Loen 49:18

A giala, bɛ̀ á gã, a woe ka màn kɔn nɛ wa, a pàãmabaa ǹ màn kɛ ba woe kun ni wa.

Loen 7:9

Dɛnaa Lawa, nsɛ mɛn bɛ́ kiri we gánan-a, kiri wɔ ma a lɛa, a giala n din tá doɛ̃, mà ma sii la wa.

Suusun 16:5

Din gole-kɔlin tìĩ n boe-n Dɛnaa Lawa nyin ni, ǹ dɔlɔ bɔ ma-a a sàabiɛ wa.

Suusun 20:6

Min gigiã n pii mà ǹsɛn man yiridɛnan lɛa, sɛnɛ, die n boe la a min bɔlɔgoondɛnaa yɛ a nyaa.

Suusun 21:2

Minbuiin nɛ a sii zɛnaan tumaa n pepere a din yii li. Sɛnɛ, Dɛnaa Lawa dinsɔɔ̃ n gɔ́ɔ̃ doɛ̃.

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Malakii 3:15

Wɔ́ dɔ̃ kanna kəni, din gole-kɔlen lɛn man ke ǹ foo n kɔɔ̃nɛ. Sii baraa-zɛnaalin lɛn man ke màndɛnan lɛa. Ta ǹ nə́ ga Lawa lɛ li, maǹ nə n boe a-n biikoo yii li.»

Matiə 23:5

Ǹ zɛnaa ǹ siin dinin tumaa n din nyaa sii lɛa. Bɛ lɛ na á toa, bɛ̀ ǹ Lawa a boo bǎãn kɔnɔn kiɛ̃, bɛ̀ ǹ kìri dadaran zumu ǹ ganaa a tɔ-a, bɛ̀ ǹ wɔ ǹ mìi-a hinlaa ǹ gɔn ganaa, pàsa mɛn bɛ́ ǹ tá kiɛ ǹ mɔnaa lɛkoron ganaa, bɛn man sɔsɔrɔ taãn-taãnɛ.

Matiə 6:16

Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya.

Matiə 6:2

Bɛ̀ ka á doobaan goe ka wɔrɔ nɛ, ka baran n dinin nyaa minin yɔrɔ-a buəbuə, ka gɔ́ɔ̃ tì-an bɛ́ zɛnɛɛ Zuifun lɛsɔkɔn kionən laanka zii giala-an nɛ lɔn wa. Maǹ zɛnɛɛ miɛ̃ mà minin nə ǹsɛn laakalaa. Masɛ n pii ka nɛ, sonbore ne, ká kaa saraa yɛ á nya.

Matiə 6:5

Bɛ̀ ka á Lawa nyankoe, ka nyan nə n baa ka gɔ́ɔ̃ tì-an kɛn bɛ́ lɔn wa. Bɛ̀ ǹ tá lɛsɔkɔn kion hinlaa zii giala-a, golee lon a Lawa nyankɔ lɛ n kɔɔ̃nɛ ǹ ganaa. Maǹ giɛ li mà min din tumaa nə ǹsɛn yɛ. Masɛ n pii ka nɛ, sonbore ne, ǹ nə́ ǹ saraa yɛ á nya.

Luku 10:29

Sɛnɛ, giĩ lɛ bɛ́ giɛ li a n din nyaa min pepere lɛa, á pɛ Yezu ni mà bɛa miã kɔsɔ kɛ lɛ, asɛ doamaa nɛ a narɛ, mà die-n dɔn?

Luku 11:39

Dɛnaa Yezu pɛ nɛ: «Á ke, kasɛn Fariziɛ̃n lɛn man kɛnɛn: Ka n paan laanka kunun dɔ̀ɔ̃ pii, mà ǹ *yoreen kɔ. Sɛnɛ, ka dinin gɔ́ɔ̃ kɛ piɛ̃maa nɛ ka mɛnaa minin la ǹ taasiɛn nɛ ka baraabaa nɛ.

Luku 18:11

Fariziɛ̃ lɛ sɛ giã lon a gɔrɔn, á Lawa nyankoe kɛnɛn: «Lawa, masɛ á barka diɛ n nɛ, a giala masɛ a goon ka min gialakunun kɛn nɛ wa. Bɛn man wurumunun lɛa, ka min baraan nɛ, ka naarɛbaalin ni. Ma á barka diɛ Lawa-n doo, a giala ma ba ka wusuru-sili kɛ bɛ́ lɔn wa.

Luku 18:14

Yezu pɛ: «Man pii ka nɛ, bɛa wusuru-sili lɛ wusoo á woo piɛ ka peperebaa nɛ Lawa yɔrɔ-a, sɛnɛ, goon kɛ lɛ bɛ yɛ wa. A giala bɛ̀ min mɛn nə́ n din saa lon, ǹ tá re bɛa dɛnaa gisĩ, bɛ̀ min mɛn nə́ n din boɛɛn kɔ ǹ tá re bɛ siɛ lon.»

Luku 18:21

Giĩ lɛ ná a lɛ si: «Masɛ bɛa dí-pɛn kɛn lɛn tamaa haalɛ maa nɛnyaanbaa waáraa.»

Luku 18:9

Yezu na á boo giməə kɛ da. Min mɛnɛn bɛ́ n dinin biɛ min peperen lɛa Lawa yɔrɔ-a, ǹ nə́ giɛ ǹ miãn-a min kɔrɔn lɛa, a na á da bɛn manɛ:

Luku 20:20

Ǹ nə́ nɔmaa ǹ nə́ giɛ Yezu gɔn li. Ǹ nə́ minin bɔ, bɛn nə́ n dinin baa ka maǹ min peperen lɛa, ǹ nə́ ǹ dia Yezu li. Bɛn man nə́ goã giɛ li ǹ Yezu kũ a din lɛ gɔ́ɔ̃ ǹ boo-a, a n baa a gòãn kuru pàãdɛnan li ǹ gɔn lɛa.

Luku 20:47

Maǹ Lawa nyan sɔsɔrɔn koe, ǹ nə́ n dinin biɛ min taãnan lɛa minin yɔrɔ-a, a da yaa maǹ mɛnɛɛ lɔ giɔɔrɔn la, ǹ tá ǹ gɔn mànan sii ǹ la. Lawa á die dɔlɔ gole diɛ ǹ mìi ni a la ǹ miãn wɔ nɛ.»

Zaã a sɛ́wɔ 2:25

a laadoo din ba a ganaa mà min siére pɛ asɛ nɛ minbuiin nɛ wɔ gɔn la wa; taasiɛ mɛn bɛ́ minbuiin nɛ gɔ́ɔ̃ nɛ, asɛ á doɛ̃.

Zaã a sɛ́wɔ 21:17

A sɔɔbaa ǹ wɔ, á wusoo á pɛ nɛ doo: «ZAÃ a nɛgiĩ Simɔn, n tá masɛ narɛ?» Yezu a wusoo á pɛ Piɛrɛ nɛ kɛ lɛ a gunyin sɔɔbaa ǹ wɔ mà a tá asɛ narɛ ya, bɛ́ Piɛrɛ yɔrɔ kɔsɛ. Á tɔ́n pɛ Yezu ni: «Dɛnaa, n tá sii din tumaa doɛ̃, n tá doɛ̃ mà masɛ tá n narɛ!» Yezu tɔ́n pɛ nɛ: «Ga masɛ a sèren lɛn walan.

Nya ǹ dín 1:18

Sɛnɛ, bɛa giĩ kɛ lɛ na á wuru pii ka a baraabaa a saraa nɛ. Á bɔ á n tɔ tán a mìi la, á n nɔ̀ toɛ̃ a gɔ́ɔ̃gɔ́ɔ̃ ǹ nàn kaa lenlen.

Nya ǹ dín 1:24

Ǹ nə́ tɔ́n Lawa nyankɔ: «Dɛnaa, nsɛ mɛn bɛ́ min tumaa foo doɛ̃, n din bɛ́ ń min mɛn bɔ min paa kɛ bii, bɛ nyaa wɔsɛn manɛ,

Nya ǹ dín 15:8

Lawa mɛn bɛ́ min tumaa foo doɛ̃, a din na á nyaa mà asɛ lɛ kɔ tɔrɔ kɔsɔn ganaa, a giala á Yiri Fu kɔ ǹ la, ka a bɛ́ á kɔ wɔsɛn dɔn la lɔn.

Rɔmu minin 3:20

Lawa a dí-pɛn bɛ́ mà màn mɛn nə n zɛnaa, min kɔ́n bɛ zɛnaa a ná a lɛ pã wa. Bɛ lɛ taman yii, min kɔ́n ba boe la, a min pepere baa ǹ lɛa Lawa yɔrɔ-a wa. Lawa a dí-pɛn dí n ka kɛ dinsɔɔ̃ nɛ, ǹ sii baraa nyaa, min nə yɛ.

Rɔmu minin 8:27

Lawa din bɛ́ gɔ́ɔ̃gɔ́ɔ̃ ǹ sii doɛ̃, Yiri lɛ bɛ́ màn mɛn nyankoe a lon, a din tá bɛ giala miɛ. A giala, Yiri lɛ n Lawa nyankoe Lawa a minin lɛa, á kɔnpii ka Lawa din dùũ ni.

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Piɛrɛ1 3:4

Sɛnɛ, kaa siĩnbaa lɛ goã foo wɔ kɛ lɛa, bɛa siĩnbaa kɛ lɛ a kiɛ̃ wa, a n boe foo-basiɛ̃ laanka ga là nyantoro li ǹ taasiɛ nɛ, bɛ lɛ n soɛ màn tumaa nɛ Lawa yɔrɔ-a.

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Samayeli1 16:7

Sɛnɛ, Dɛnaa Lawa pɛ Samayeli ni: «N yii bɛ́ Eliabu ganaa lɔn ke, n baran n saa bɛ li wa, n baran n saa a sasabaa kɛ li wa. Ma lɛ kɔ a ganaa wa. Minbuiin nɛ a ga màn ganaa ǹ gɔn laanka Lawa wɔ ba goon wa. Màn mɛn bɛ́ yii n boe la a yɛ dəə̃nəə ne, minbuiin nɛn man giɛ bɛ-a, sɛnɛ, Dɛnaa Lawa n giɛ foo ganaa.»