Luku 16:1 - LAWA A BOO SONBORE

¹ Yezu pɛ a kialandɛnan manɛ: – Pàãma goon ne á giĩ goon saa á da a gɔn mànan mìi la. Bɛa giĩ lɛ ná a gɔn màn lɛ ziziɛ̃. Pàãma lɛ bɛ́ á bɛ ma,

LAWA A BOO SONBORE 2011

¹ Yezu pɛ a kialandɛnan manɛ: – Pàãma goon ne á giĩ goon saa á da a gɔn mànan mìi la. Bɛa giĩ lɛ ná a gɔn màn lɛ ziziɛ̃. Pàãma lɛ bɛ́ á bɛ ma,

Luku 16:1 Iomraidhean Croise

Siin Giala 15:2

Abramu ná a lɛ si á pɛ: «Dɛnaa Lawa, n màn kɔ masɛ la là n ka wàa nɛ? Masɛ á ke woe giɛ̃ miɛ̃, nɛ ná a ba ma lon wa. N bɛ́ n nɛ kɔ ma la wa, Damaasin Eliezɛrɛ mɛn bɛ́ bɛ̀rɛ lɛa maa kion, bɛ lɛ n die maa kíɛ̃ siɛ.»

Siin Giala 43:19

Ǹ bɛ́ re we kion lɛ nɛ ǹ mɛn waáraa, ǹ nə́ n zɔ̃ ǹ nə́ dɔ Zozɛfu a kion mìilandɛnaa lɛ li, ǹ nə́ pɛ nɛ:

Suusun 18:9

Min mɛn bɛ́ a ba n tele dí li wa, ka min mɛn bɛ́ ziziɛ̃, maǹ nə́ bɔ kɔn li ka dɔɔ̃nɔn bɛ́ lɔn.

Ozee 2:8

Bɛ lɛ n ke, masɛ Lawa á re nyan we a bɔ ǹ zii lɛ, ma á re kungɔn doe ma a nyɛɛnaan tã nɛ, a re a zii lɛ yii a kɔ lɛ doo wa.

Matiə 20:8

Wasamiɛn nɛ, yoo waáraa bɛ́ á dɔ, á tɔ́n pɛ a dí sii yɔrɔ-bɔle ne: «Lɛ dia dí-nyalin lɛn la, n didie a saraa kɔ la, a saa da nyɔɔbaa wolen ganaa a wo bibinaa wolen yaa.»

Luku 12:42

Dɛnaa ná a lɛ si: – Ga mànan walan wole mɛn bɛ́ bɔlɔgoondɛnaa lɛa, yiri dɔ ná a lon, a dɛnaagiĩ da ǹ miã dí-nyalin mìi la mà a màn-bii gii ǹ ni, a kɔnpɛ a biikoo ne.

Luku 15:13

Lɛawaa dan kɔ́n bɛ kio, nɛgiĩ boɛɛndɛnaa lɛ ná a kíɛ̃ lɛ yii sã, á woo ka a wɔrɔ-n gána sɔsɔɔ kɔ́n nɛ. A ná a wɔrɔ lɛ yii ziziɛ̃ walan sii kooron zɛnaa ganaa.

Luku 15:30

Sɛnɛ, mà a nɛ bɛ́ á daa kəni, mà a n diin nɛ kurunkurun dii. Mà nɛ mɛn ná a gɔn màn si á woo ziziɛ̃ kun ka lɔn nɛ.

Luku 16:19

«Giĩ goon na á goã, a n pàãma lɛa. A na á goã mɔnaa sonbore sonboren we. A na á goã zɔ́n màn-bii zɛnɛɛ baraabaraa.

Luku 16:2

á ǹ dia ǹ nə lɛ dia la. Á tɔ́n nɔ̀n da la mà a na á wàa sii zɛnaa ke? Mà a na a dí nya ǹ gɔn nyaa asɛ nɛ. Mà a kũ sisia ganaa mà a ba re asɛ gɔn mànan sii yɔrɔ boe doo wa.

Luku 19:20

Sɛnɛ, ǹ goon daa á pɛ mà asɛ a dɛnaa ganaa, mà a wɔrɔ we lɛ á ke, mà asɛ na á da mɔnaa lɛkoro ne á koa.

Luku 8:3

Zaãnɛ nɛ, kii Erɔdi a sumu dí nyɛɛnaan-bɔle goon mɛn bɛ́ a tɔ n Kuuza, bɛa lɔ n bɛ nɛ; Suzaanɛ nɛ, ka lɔ gigiã kɔsɔn nɛ. Bɛn tumaa na á goã Yezu laanka a kialandɛnan toe ka ǹ gɔn màn nɛ.

Tiitii 1:7

Lawa a sɔmɔ nyɛɛnaan-bɔle doamaa nɛ, a ga Lawa a sɔmɔ mànan walan. Bɛ lɛ n toɛ, a doamaa bie lɛ pɔrɔ ǹ bǎã kɔ́n yɛ a wɔ paǹ li wa. A nyan din gole-kɔle baa wa, a nyan foo yoo fufuu wole baa wa, a nyan yɔ-mili baraa baa wa, a nyan zia-dali baa wa, a nyan ga là babaraa li wole baa wa.

Zaaki 4:3

Ta ka a nyan dɔ din kɔ ka a yii wa, a giala, kaa taasiɛn ba siĩn wa. Ka bɛ́ màn mɛn nyankoe, ka n giɛ li ka ka dinin foo sii zɛnaa nɛ.

Piɛrɛ1 4:10

Lawa bǐɛ̃baa ǹ màn tɔtɔ mɛn kɔ ka gogoonmaa la, didie nə n doa a n dɔ ǹ miãn lɛ ka a wɔ nɛ, ka goã dí sonboren nyalin lɛa ka Lawa a bǐɛ̃baa ǹ màn tɔtɔ lɛ nɛ.