Luku 15:22 - LAWA A BOO SONBORE

²² Sɛnɛ, díi lɛ mà a dí-nyalin ganaa: «Ka da fufuu ka dɔnkɛ sonbore ne a wɔ. Ka kaaran kɔ la a wɔ a gòon-a, ka kɔsɔn kɔ la a ǹ wɔ.

LAWA A BOO SONBORE 2011

²² Sɛnɛ, díi lɛ mà a dí-nyalin ganaa: «Ka da fufuu ka dɔnkɛ sonbore ne a wɔ. Ka kaaran kɔ la a wɔ a gòon-a, ka kɔsɔn kɔ la a ǹ wɔ.

Luku 15:22 Iomraidhean Croise

Siin Giala 41:42

Bɛ kio, a ná a gòon ganaa ǹ kaaran bɔ, á wɔ Zozɛfu goon ganaa, á mɔnaa guguru sonboren wɔ a ganaa, á sana gii da a bɔlɔ-a.

Loen 132:16

Ma din tá re ma pàã koe a wúlu-bɔlen kɛn lɛ, ma ǹ kirisibaa. A min sonboren kɛn tá re n nyɛnyɛɛ ka lɛn gole ne.

Loen 132:9

N din pàã die a n minin kirisibaa, toa bɛ lɛ kɔ n wúlu-bɔlen kɛn lɛ ka mɔnaa bɛ́ lɔn. N din a min sonboren kɛn, bɛn die ǹ nə n nyɛnyɛɛ ka lɛn gole ne,

Loen 18:33

A din Lawa lɛ n pàã koe ma la, a din nə ma diɛ zii pepere la.

Loen 45:13

Bɛa biikoo li, Tiiri minin kɛn, pàãma lɛa ǹ nə́ la min tumaa nɛ, bɛn tá re gɔn màn boe ǹ da kɔ n la, mà ǹsɛn man nə n mɛ boe n ne.

Loe kɔɔ̃n kɔɔ̃n 7:1

Haa Sunɛmun nɛ wee! N bɔyaa n daa, n bɔyaa n daa, n bɔyaa n daa, n bɔyaa n daa, màn mɛn bɛ́ toɛ, wɔ ga n ganaa doɛ̃. Wàa na á baa, ka tá li ka ga ma-a, ka man bɛ̀ dù ni?

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Luku 15:21

Nɛgiĩ lɛ pɛ: «Díi, masɛ wɔ Lawa lon, ma wɔ n dɔ lon. Masɛ din ba siĩn doo n ma bíi mà n nɛ wa.»

Luku 15:23

Ka da ka diin nɛ kurunkurun kɛ nɛ, ka dɛ, wɔ màn bii kun ka nyɛnyɛɛ nɛ.

Rɔmu minin 13:14

Ka Dɛnaa Yezu *Krita pàã wɔ ka ganaa, ka baran ka dinin kɔ gɔ̀nɔn foo siin kɛn la, ka ǹ bɔlɔ sɛ̀-mui siin kɛn zɛnaa wa.

Rɔmu minin 3:22

Lawa n min biɛ pepere a din yɔrɔ-a, n golee Yezu Krita li barka nɛ. Bɛa goleemali lɛ bɛ́ min mɛn tumaa lon, a n zɛnɛɛ bɛn manɛ, a bɔkɔnlɛ we wa:

Rɔmu minin 8:15

Ka doamaa bie ka nyɛ́ɛ baa doo wa. Lawa ná a din Yiri kɔ ka la. Bɛ n nyɛɛ mà ka ba bɛ̀rɛn lɛa wa, sɛnɛ, ka na a nɛnyaanan lɛa. Bɛ̀ wɔ á n lɛ dii Lawa ganaa wáa «Wɔa Díi!»,

Galaasi minin 3:27

Hiĩ, ka mɛnɛn tumaa bɛ́ ka *batɛmu yɛ Krita wɔ gɔ́ɔ̃ nɛ, ka n ká Krita wɔ ka dinin ganaa.

Efɛɛzi minin 6:15

Ka din kɔ sii ganaa baa kɔsɔn lɛa, ka ǹ wɔ ka gòãn ganaa, ka là nyantoro yɛ ǹ Boo Tii Kɔɔ̃n kɛ pɛ nɛ.

Timəə dí-pɛn 33:25

Kaa kiɛnlɛ-a ǹ goon lɛn die ǹ goã fɔlɔ laanka zan lɛa, ka goã kaka miɛ̃ yǎa a woe kiɛ kaa gɛ̀ lɛ.»

Sii-nyaan 19:8

Ǹ nə́ lɛ kɔ la mà a mɔnaa yii nɔnɔɔ tɛ-pɛle wɔ, *gɔ̀ ná a ba a wa.» Bɛa mɔnaa lɛ n Lawa a min sonboren nya ǹ dí a yoreenbaa giala pii.

Sii-nyaan 2:17

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, *maánə mɛn bɛ́ durii-n pelo, ma á re bɛ koe bɛ la. Ma á re kɔlɔ fu koe la, a tɔ soree n kiɛ̃ nɛ a ganaa, min kɔ́n ná a doɛ̃ wa, yǎa a din.»

Sii-nyaan 3:18

Bɛ lɛ nɛ, ma á yiri koe n la: Bɛ̀ n tá zoɛ̃ mà n pàãma baa min sonborebaa gɔ́ɔ̃ nɛ, sana mɛn bɛ́ ǹ ná a *yoreen kɔ ka tɛ nɛ, da bɛ pii ma din lon n tɔn pàãma baa. Da mɔnaa fufun pii ma lon n wɔ n ganaa, n nə n tontoro a sìi kɛ duru ni. Dagòã pii n lɔ n yiin ganaa, ǹ tɔn wɔlɔ yɛ.

Sii-nyaan 6:11

Ǹ nə́ tɔ́n dɔnkɛ fu kɔ ǹ gogoonmaa la, ǹ nə́ pɛ ǹ nɛ: «Ka golee ka n yii da boɛɛn bɔrɔ. Ǹ doamaa bɛ́ nɛ ǹ ka dɔɔ̃n dí nya kun wolen mɛnɛn dɛ ǹ gã ka ka dɔn wɔ bɛ́ lɔn, yǎa bɛn lɛ piɛ̃.»

Sii-nyaan 7:9

Bɛ kio, má zaman gole yɛ, min kɔ́n ná a boe la a tá ǹ nimii wa. Ǹ nə́ golee ǹ gòãn la, kii dankan kɛ yɔrɔ-a ka Sère Nɛ kɛ nɛ, mɔnaa fufun ni ǹ ganaa ka gɔ̀lɔ̀baa ǹ da luun nə́ ǹ gɔn. Maǹ zaman gigiã lɛa, ǹ nə́ boe gána tumaa nɛ, ǹ nə́ tɔrɔ tumaa lɛa, ǹ nə́ bɔlɔ totoro tumaa pii.