Luku 15:15 - LAWA A BOO SONBORE

¹⁵ Á woo ga dí li gána lɛ a min goon li, yǎa bɛa giĩ lɛ dia a wuru-n biriin lɛduĩ.

LAWA A BOO SONBORE 2011

¹⁵ Á woo ga dí li gána lɛ a min goon li, yǎa bɛa giĩ lɛ dia a wuru-n biriin lɛduĩ.

Luku 15:15 Iomraidhean Croise

KZS2 28:22

Bɛa koe kɛ lɛ din tumaa gɔ́ɔ̃ nɛ, kii Ahaazi n tɔn bɔlɔgoonbaãdɛnaa lɛa Dɛnaa Lawa yɔrɔ-a.

Bɔ bɛ̀rɛbaa nɛ 10:3

Muizu laanka Aarɔn woo wɔ Faarahɔn li, ǹ nə́ pɛ-n kɛnɛn: – Dɛnaa lɛ, Ebrəən Lawa lɛa, bɛ n kɛ pii: «N nə n die n piɛ̃ ka din gisiĩ-n masɛ Lawa yɔrɔ-a yǎa biĩ doo? A toa maa zaman lɛ soo, a wo dí nya ma nɛ.

Izayii 1:5

N mìi tumaa n busulɛ lɛa, n foo tumaa zɔzɔɔ. Man die boe la ma n dɛ n paǹ mɛn kɔsɔ-a doo nsɛ mɛn bɛ́ tɔn nə n gòãn dii gɔ́ɔ̃ nɛ?

Izayii 57:17

Izirayeli a zɛ̀rɛ laanka a din foo siin kɛn nə́ ma foo yoo, bɛ lɛ nɛ má dɔlɔ da la. Ma ba li ma yɛ doo wa. Sɛnɛ a too kakabaa taman yii, a n tɔn koe a din foo siin lɛ.

Zeremii 5:3

Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Ezekieli 16:52

Táa nsɛ nə n goã n dɔɔ̃lɔn lɛn zɛ̀rɛ biɛ? A da yaa, n din bɛ́ sii bɔbɔnɛɛ mɛn zɛnɛɛ, á la ǹ wɔ kɛ nɛ. N sii baraan lɛn taman yii, n din nə n toɛ̃ ka a sìi-n kəni! N din a zɛnaa ǹ sii na á nyaa, mà n dɔɔ̃lɔn lɛn tá pepere ǹ nə́ la n nɛ. Sìi laanka puusəbaa lɛ n doe n din ganaa sisia. A giala, n din a zɛnaa ǹ sii na á nyaa, mà n dɔɔ̃lɔn lɛn tá pepere ǹ nə́ la n nɛ.

Ezekieli 16:63

Bɛa biikoo li kəni, n yiri á die gisĩ ka lɛlɛ ǹ kɛ nɛ. Sìi á re n kuĩ, n yii din ba re we, n nə n lɛ bũ n boo da wa. Sɛnɛ, n sii baraa mɛn tumaa zɛnaa, ma á re ǹ toɛ n nɛ. Ma din Dɛnaa Lawa a da ǹ boo ne.

Nahumu 3:6

Man die yisi kiɛ n la, n bɛbɛnɛ, má n nyaa sii a kɔnboe lɛa.

Malakii 2:9

A bɛ́ miɛ̃, masɛ n die Izirayeli a zaman tumaa kɛ yii soe ka ganaa, ǹ ka pɔpɔsɛ, ǹ sìi da ka-a, a giala ka a ma foo sii zɛnɛɛ wa, ka n kun paǹ goon ne ka paǹ goon toa wolan maa laanda siin wɔ paǹ li.

Matiə 7:6

Ka bɛ́ màn *yoreen mɛn koɛ Lawa nɛ, ka baran bɛ kɔ gin minbuiinin kɛn la, n kiɛ̃ n nə ǹ yaa n bɔyɛɛ ka dinin wɔ̃wɛ̃ wa. Ka baaran kaa bɔlɔ-a ǹ gii kaa tán birii minbuiinin kɛn giulun, n kiɛ̃ n nə ǹ yaa tɔtɔrɛ ǹ gòãn li wa.

Luku 15:13

Lɛawaa dan kɔ́n bɛ kio, nɛgiĩ boɛɛndɛnaa lɛ ná a kíɛ̃ lɛ yii sã, á woo ka a wɔrɔ-n gána sɔsɔɔ kɔ́n nɛ. A ná a wɔrɔ lɛ yii ziziɛ̃ walan sii kooron zɛnaa ganaa.

Luku 15:14

A bɛ́ a ná a wɔrɔ yii bii á nya, bòo gole wɔ gána lɛ nɛ. Á daa n giala kɔ a ganaa a doe a laadoo màn kɔ́n-a doo wa.

Luku 15:16

A na á goã a gɔ́ɔ̃ nɛ, ǹ bɛ́ màn-bii mɛn koe biriin la, a bɛ sɔ̃, sɛnɛ, min kɔ́n goã koe la wa.

Rɔmu minin 6:22

Sɛnɛ sisia, Lawa ka si sii baraa la, á ka baa a din a bɛ̀rɛn lɛa. Ka bɛ́ dí mɛn nyɛɛ, bɛa là n ka yoreenbaa nɛ, a giala-nyɔmiɛ n ka nyin nyabaã nɛ.

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.