Luku 15:13 - LAWA A BOO SONBORE

¹³ Lɛawaa dan kɔ́n bɛ kio, nɛgiĩ boɛɛndɛnaa lɛ ná a kíɛ̃ lɛ yii sã, á woo ka a wɔrɔ-n gána sɔsɔɔ kɔ́n nɛ. A ná a wɔrɔ lɛ yii ziziɛ̃ walan sii kooron zɛnaa ganaa.

LAWA A BOO SONBORE 2011

¹³ Lɛawaa dan kɔ́n bɛ kio, nɛgiĩ boɛɛndɛnaa lɛ ná a kíɛ̃ lɛ yii sã, á woo ka a wɔrɔ-n gána sɔsɔɔ kɔ́n nɛ. A ná a wɔrɔ lɛ yii ziziɛ̃ walan sii kooron zɛnaa ganaa.

Luku 15:13 Iomraidhean Croise

Loen 73:27

A din lɛ n ke: Min mɛn bɛ́ n wɔlɔ lui Dɛnaa ganaa, bɛ n bɔ̀n biɛ. Min mɛn bɛ́ n tii, n nə n bɛa dɛnaa ziziɛ̃.

Suusun 18:9

Min mɛn bɛ́ a ba n tele dí li wa, ka min mɛn bɛ́ ziziɛ̃, maǹ nə́ bɔ kɔn li ka dɔɔ̃nɔn bɛ́ lɔn.

Suusun 21:17

Foo sii bɛ́ kɔɔ̃n min mɛn ganaa, á re goɛ̃ doobaa lɛa duduu. Min mɛn bɛ́ mi ǹ màn narɛ ka màn-bii kɔɔ̃n nɛ, bɛa naforo yii wa.

Suusun 21:20

Sii-dɔ̃li a kion, gɔn màn sonbore ka nyɔɔ gigiã tan, sɛnɛ baãnaa sɛ ná a wɔ yii ziziɛ̃.

Suusun 27:8

Tii mɛn wɔlɔ bɛ́ sɔsɔɔ a gána ganaa, a n ka bàan mɛn nə́ ke a wɔlɔ sɔsɔɔ kɔ a kii ganaa.

Suusun 28:7

Nɛnyaan mɛn bɛ́ koe dí-pɛn lɛ, yiridɛnaa nɛ. Sɛnɛ, n mɛn bɛ́ koe sii baraa zɛnaa wolen lɛ, a n sìi diɛ ǹ di ganaa.

Suusun 29:3

Min mɛn bɛ́ sii-doɛ̃ narɛ, bɛ̀ nə ǹ di foo kɔɔ̃n koe. Sɛnɛ min mɛn bɛ́ n parɛɛ lɔ kɔrɔn ganaa, a na a wɔrɔ tumaa nyɛɛ.

Suusun 6:26

A giala, wɔrɔ boɛɛn tá lɔ kɔrɔ-baali yii kiɛ̃. Sɛnɛ, giã kũ ka lɔ mɛn bɛ́ zuũ li, bɛ n nyin nyɛɛ.

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Izayii 22:13

Sɛnɛ, ka n ka goã nyɛnyɛɛ laanka foo kɔɔ̃nbaa la. Minin man diin dii, ǹ sèren dɛ. Maǹ siĩ soɛ̃, ǹ duvɛ̃ mi. Ka n pii: «Wɔ n màn bii wɔ màn mi a giala, biɛ̃ wɔ n die giɛ̃!»

Izayii 30:11

Ka n wɔlɔ lui zii sonbore ganaa, ka n bɔ zii sonbore la. Ka nyan Izirayeli a Lawa sonbore kɛ boo da wɔ-n doo wa.

Izayii 56:12

Maǹ pii: «Ka daa wɔ n tan wɔ ga duvɛ̃ li, wɔ yɔ kakaarɛn mi a wɔ yii kũ. Biɛ̃ ǹ nə die goɛ̃ ka pelo ǹ bɛ́ lɔn: Duvɛ̃ gigiã goã.»

Zeremii 2:13

Maa zaman lɛ na á sã wɔlɔ paa wɔ: Ǹ nə́ n la bɔ ma ganaa, masɛ mu yala nyantoto ke, nyin koe. Ǹ nə́ nyankɔrɔn fɔ̃, sɛnɛ, nyankɔrɔn lɛn gɔ́ɔ̃ yuimaa nɛ, ǹ ba mu kuĩ wa.

Zeremii 2:31

Kasɛn pelo minin lɛn, ka yiri bɔ Dɛnaa Lawa a boon li. Man má n baa ka diə gole bɛ́ lɔn Izirayeli gɔn? Hinlaa ka gána mɛn bɛ́ wɔlɔ tì li duduu? Maa zaman, wàa na á baa ka n pii: «Bǎã mɛn bɛ́ kɔɔ̃n wɔ-a, wɔ ǹ woe walan. Wɔa wusii wɔ da n li doo wa.»

Zeremii 2:5

Dɛnaa Lawa bɛ́ màn mɛn pii, á ke: Ka digolon tá sã goon yii ǹ ma zɛ̀rɛ baa nɛ? Ǹ nə́ n wɔlɔ lui ma ganaa, ǹ nə́ koe dìn lɛ, ǹ mɛnɛn bɛ́ ǹ ba màn kɔn lɛa wa, ǹ dininmaan dɔn nə́ màn kooron baa.

Misee 6:3

Maa minin, man má wàa la ka la? Fuu mɛn tɔrɔ n má da ka mìi ni? Ka bɛ pɛ masɛ nɛ.

Luku 15:12

A boɛɛndɛnaa pɛ ǹ di ni: «Díi, kíɛ̃ mɛn doamaa bɛ́ nɛ a dɔ masɛ ganaa, bɛ kɔ.» Yǎa ǹ di lɛ na a gɔn màn tala kɔn ǹ bii.

Luku 15:14

A bɛ́ a ná a wɔrɔ yii bii á nya, bòo gole wɔ gána lɛ nɛ. Á daa n giala kɔ a ganaa a doe a laadoo màn kɔ́n-a doo wa.

Luku 15:30

Sɛnɛ, mà a nɛ bɛ́ á daa kəni, mà a n diin nɛ kurunkurun dii. Mà nɛ mɛn ná a gɔn màn si á woo ziziɛ̃ kun ka lɔn nɛ.

Luku 16:1

Yezu pɛ a kialandɛnan manɛ: – Pàãma goon ne á giĩ goon saa á da a gɔn mànan mìi la. Bɛa giĩ lɛ ná a gɔn màn lɛ ziziɛ̃. Pàãma lɛ bɛ́ á bɛ ma,

Luku 16:19

«Giĩ goon na á goã, a n pàãma lɛa. A na á goã mɔnaa sonbore sonboren we. A na á goã zɔ́n màn-bii zɛnɛɛ baraabaraa.

Efɛɛzi minin 2:13

Sɛnɛ kanna, Yezu Krita wɔbaa gɔ́ɔ̃ nɛ, ka bɛ́ ká goã sɔsɔɔ a ganaa, ka n ká wusoo ka n mɔrɔ a ganaa, Krita din a gɛ̀ pàã ganaa.

Efɛɛzi minin 2:17

Kasɛn tɔrɔ kɔsɔn mɛnɛn nə goã sɔsɔɔ Lawa ganaa, ka Zuifun mɛnɛn nə goã kunu a ganaa, Krita na á daa là nyantoro yɛ ǹ Boo Tii Kɔɔ̃n kɛ pɛ ka nɛ, ka bɛa yɔrɔ kɛ nɛ.

Piɛrɛ2 2:13

Ǹ nɔmaan mɛnɛn da ǹ miãn mìi ni, bɛn saraa ǹ dɔlɔn man die wusii, ǹ dɔ ǹ dinin ganaa. A n kɔɔ̃nɛ ǹ ganaa, ǹ nə ǹ dùũ sii babaraan kɛn zɛnaa penleen tiɛɛ̃n nɛ. Bɛ̀ ǹ tá kun ka nɛ kaa màn bii ǹ bǎã nɛ, manə ǹ sii kɔkɔrɔn lɛn zɛnɛɛ. Ǹ tá ka bii lɛ din nə *gɔ̀ laanka wɔ̀lɔ̀ lɛa.