Luku 15:10 - LAWA A BOO SONBORE

¹⁰ Masɛ n pii ka nɛ, bɛ̀ sii baraa-zɛnaali goon toto wusoo a sii baraan kio á golee Lawa li, bɛa yɔrɔ kɛ lɛ la, nyɛnyɛɛ tá Lawa a dia dí-a wolen li lon, bɛa dɛnaa lɛ a lɛa.»

LAWA A BOO SONBORE 2011

¹⁰ Masɛ n pii ka nɛ, bɛ̀ sii baraa-zɛnaali goon toto wusoo a sii baraan kio á golee Lawa li, bɛa yɔrɔ kɛ lɛ la, nyɛnyɛɛ tá Lawa a dia dí-a wolen li lon, bɛa dɛnaa lɛ a lɛa.»

Luku 15:10 Iomraidhean Croise

Ezekieli 18:23

Ka n taasɛ mà min baraa a gɛ̀ n kɔɔ̃nɛ masɛ ganaa? Haayii dɛ! Ma bɛ́ giɛ màn mɛn li, bɛ n ka kɛ nɛ: Min baraa wusoo a zɛnaa ǹ siin kio, a yii goã koo. Dɛnaa Lawa a da ǹ boo ne.

Ezekieli 18:32

Masɛ bie giɛ min kɔn a gɛ̀ li wa. Ma din Dɛnaa Lawa a da ǹ boo ne. Ka n bɔyaa, màn mɛn bɛ́ toɛ, ka yii goã koo.

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Matiə 10:32

Bɛ̀ min mɛn lɛ kɔ min tumaa yɔrɔ-a mà an masɛ wɔ lɛa, masɛ dɔ á die lɛ koe ma Di Lawa yɔrɔ-a máa bɛa dɛnaa n masɛ wɔ lɛa sonbore.

Matiə 18:10

«Ka n dinin kũ, ka nyan toa ka golee masɛ li wole tiin kɛn kɔn yii puusə kɔ wa. A giala masɛ n pii ka nɛ, ǹ lon a dia dí-a wolen tá n toɛ̃ ka ǹ mìi gɔ́ɔ̃ ǹ sii ni baraabaraa masɛ Di lon a Lawa yɔrɔ-a. [

Matiə 18:14

A n miɛ̃, kaa Díi Lawa ba li golee masɛ li wole tiin kɛn lɛn kɔ́n nə papaã wa.

Luku 12:8

Yezu pɛ: «Masɛ n pii ka nɛ, bɛ̀ min mɛn na a-n min din tumaa yɔrɔ-a, mà a n masɛ wɔ lɛa, Min a Nɛgiĩ dɔ á re niɛ̃ a nɛ kiri-kurii pinaa, Lawa a lon a dia dí-a wolen yɔrɔ-a, máa a tá masɛ wɔ lɛa sonbore.

Luku 12:9

Sɛnɛ, bɛ̀ min mɛn dɔ́ nə n piã ka masɛ nɛ min tumaa yɔrɔ-a, masɛ dɔ á re n piɛ̃ ka bɛa dɛnaa nɛ Lawa a lon a dia dí-a wolen yɔrɔ-a.

Luku 13:5

Haayii. Masɛ n pii ka nɛ, bɛ̀ ka n taasɛ ka wusoo kaa sii baraan kio wa, ka dɔn man die bɔ̀n biɛ miɛ̃.»

Luku 15:11

Yezu pɛ doo: – Giĩ goon ne, nɛgiĩ paa goã a lon.

Luku 15:7

Man pii ka nɛ, nyɛnyɛɛ n Lawa a piɛ bɛa yɔrɔ kɛ lɛ la, biikoo woo biikoo, bɛ̀ sii baraa-zɛnaali goon toto wusoo a sii baraan kio á golee Lawa li. Nyɛnyɛɛ tá Lawa a piɛ bɛa lɛa, á la din baa min pepere lɛa wole pɔmanangɔrɔwen manangɔrɔ nɛ, a giala bɛn man taasɛ, mà ǹsɛn laadoo ba a ganaa, ǹ wusoo ǹ sii baraan kio wa.

Luku 15:9

Bɛ̀ á yɛ, a na a giaáran lɛ soekɔn ka ǹ miãkɛnɛn nɛ, a pɛ ǹ nɛ mà ǹ nə nyɛnyɛɛ kun asɛ nɛ, a giala mà asɛ a wɔrɔ we mɛn bɛ́ á papaã, mà asɛ wusoo á yɛ!

Luku 7:47

Yezu pɛ Simɔn nɛ: Bɛ̀ masɛ pɛ mà lɔ kɛ lɛ a sii baraa gigiã kɛ nə́ n toa nɛ, a giala n ka kɛ nɛ, mà á kɔn-narɛɛ gole nyaa. Bɛ̀ sii baraa boɛɛn nə́ n toa min mɛn nɛ, bɛa dɛnaa n kɔn-narɛɛ boɛɛn nyɛɛ.»

Nya ǹ dín 11:18

Min mɛnɛn bɛ́ n too koe Piɛrɛ lon, ǹ bɛ́ ǹ nə́ boo kɛ ma, ǹ foo waa. Ǹ nə́ barka da Lawa-n kɛnɛn: «Á ke, Lawa zii kɔ tɔrɔ kɔsɔn kɛn dɔn la, ǹ nə́ wusoo ǹ sii baraan kio, ǹ nə́ golee Lawa li. Bɛa tɔ wɔ ǹ gɔn bɔyaa kɛ nə ǹ kiɛ yiikoonaabaa taãn-taãn nɛ.»

Nya ǹ dín 5:19

Sɛnɛ, tèlò-n, Dɛnaa a lon a dia dí-a wole goon nə́ kòso kion lɛ a kiɛnlɛ bũ, á ǹ waa á ǹ kaa, á pɛ ǹ nɛ:

Korɛnti2 7:10

A giala, Lawa bɛ́ foo-ziziɛ̃ mɛn li, bɛ lɛ n min a giã ǹ gɔn bɔyɛɛ, a wo da kirisibaa nɛ, a ná a ba bǎã koe gɔ́ɔ̃ bii la wa. Sɛnɛ, wɔ dinin minbuiinbaa ǹ foo-ziziɛ̃n kɛn man woe wɔ-n gɛ̀ ganaa.

Filemɔn 1:15

N ba taasɛ, mà Lawa din na á toa Onezimu nə́ n na á n bɔ n ganaa, biikoo boɛɛn gɔ́ɔ̃ nɛ, màn mɛn bɛ́ toɛ, ka wusoo ka kaa kun yǎa duduu wa?

Ebrəə 1:14

Lon a dia dí-a wolen kɛn tumaa n yirin dininsɔɔ̃nɔn lɛa, dí nyɛɛ Lawa nɛ, ǹ nə́ n doe kirisibaa-yɛlen kɛn lɛ.