Luku 13:8 - LAWA A BOO SONBORE

⁸ Sɛnɛ, dí-nyali lɛ pɛ: «Dɛnaagiĩ, a toa miɛ̃la doo, ma da lɛ genli yawa ma zɛnaa, ma mànan bù kaa a ganaa.

LAWA A BOO SONBORE 2011

⁸ Sɛnɛ, dí-nyali lɛ pɛ: «Dɛnaagiĩ, a toa miɛ̃la doo, ma da lɛ genli yawa ma zɛnaa, ma mànan bù kaa a ganaa.

Luku 13:8 Iomraidhean Croise

Loen 106:23

Bɛ lɛ nɛ, Lawa pɛ mà a n die ǹ dii, a ǹ nya. Sɛnɛ, Lawa din a min boe Muizu yoo, á woo Lawa yɔrɔ-a, á ná a nyankɔ á kurəə, mà a baran ǹ dɛ, a foo-yoo lɛ gɔ́ɔ̃ nɛ, a ǹ nya wa.

Bɔ bɛ̀rɛbaa nɛ 34:9

á pɛ: «Dɛnaa, bɛ̀ masɛ á kɔɔ̃nɛ n ganaa sonbore, ma nə n nyankoe, n tɔ wɔ kun wɔsɛn nɛ. Ma á doɛ̃, máa minin kɛn lɛn man tɔrɔ too kaka-a lɛa. Sɛnɛ, lɛ kɔ n wɔsɛn sãn laanka wɔa sii baraan toa wɔ nɛ, n ga wɔ ganaa n din wɔn lɛa.»

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Zeremii 18:20

Maǹ bǐɛ̃ sarɛɛ ka baraa nɛ? Maǹ nə́ nyankɔrɔ fɔ̃ mà ma mɛnaa a nɛ. A da yaa, n yiri kɔ, man má golee n din yɔrɔ-a, má boo da n nɛ ǹ dinin bǐɛ̃ kɔ á lɛa màn mɛn bɛ́ toɛ, n nə n foo yoo kɛ wɔlɔ lui ǹ ganaa.

Zowɛli 2:17

Wúlu-bɔlen kɛn dí nyɛɛ Dɛnaa Lawa a kion, bɛn nə golee wɔ ǹ kiɛnlɛ kɛ laanka *wúlu bɔ ǹ bǎã kɛ bii, ǹ wuu pɛ, ǹ Lawa nyankɔ kɛnɛn: – E, Dɛnaa Lawa, makara bɔ ǹ zaman lɛ-a. N nyan toa sìi nə n din wɔn kɛn kũ wa, n nyan toa tɔrɔ kɔsɔn nə ǹ da yaa lɛa wa. «Ǹ Lawa lɛ á maa kəni?» N nyan toa tɔrɔ kɔsɔn nə bɛ pɛ wɔ-n ma.

Luku 13:7

Giĩ lɛ tɔ́n pɛ dù gɔrɔ lɛ a dí-nyali ni mà a lɛ̀ sɔɔ n ke bɛ̀ asɛ da ga nɛ li gɔ́rɔ da kɛ ganaa, mà asɛ ná a màn kɔ́n yii-a wa. Mà a kuru. Mà a toa walan mìi n ka wàa-n doo, mà a n tán ziziɛ̃ kooro?

Luku 13:9

Kɔntan á die nɛ koe lɛ̀boe. Bɛ̀ a nɛ kɔ wa, ma tɔn kuru.»

Luku 14:35

A ba màn kɔ́n bǐɛ̃ koe tán nɛ wa, a ba wuru bǐɛ̃ kɔ ǹ màn dɔ din biɛ wa. A là n ka zũ kanaa nɛ. Too bɛ́ ka lon ka n too kɔ koe!»

Rɔmu minin 10:1

Dɔɔ̃nɔn lɛn, ma bɛ́ giɛ màn mɛn li taãn-taãnɛ, ma ná a nyan dɔ koe Lawa lon Zuifun lɛa, bɛ n ka kɛ nɛ, ǹ kirisibaa yɛ.

Rɔmu minin 11:14

ta bɛ á re ma din tɔrɔ minin Zuifun kɛn lɛn foo busi, a gialakunun kirisibaa ǹ gòã baa.

Piɛrɛ2 3:9

Dɛnaa nə n lɛ kɔ ka a daa boo mɛn nɛ, a bie n nyɔnyoɛ bɛa zɛnaa li, ka min tɛnɛn bɛ́ taasɛ lɔn wa. Sɛnɛ, a nə́ n foo kuĩ, á ka dinin sii sii a ganaa, a giala, a giɛ li mà min kɔ́n bɔ̀n baa wa, sɛnɛ, a n giɛ li minin tumaa wusoo ǹ sii baraan kio, ǹ da Lawa ganaa.