Luku 13:24 - LAWA A BOO SONBORE

²⁴ – Ka n doa, màn mɛn bɛ́ toɛ, ka wɔ ka kiɛnlɛ boɛɛn kɛ nɛ. A giala, man pii ka nɛ, min gigiã á re giɛ li, mà ǹ wɔ, ǹ ba re boe la wa.

LAWA A BOO SONBORE 2011

²⁴ – Ka n doa, màn mɛn bɛ́ toɛ, ka wɔ ka kiɛnlɛ boɛɛn kɛ nɛ. A giala, man pii ka nɛ, min gigiã á re giɛ li, mà ǹ wɔ, ǹ ba re boe la wa.

Luku 13:24 Iomraidhean Croise

Suusun 14:6

Min mɛn bɛ́ yaa woe ǹ miãn ganaa, tà a n giɛ sii-doɛ̃ li, a yii wa. Sɛnɛ, yiridɛnaa n sii-dɔ̃li gole biɛ.

Suusun 21:25

Yoonaa foo sii n woe-n gɛ̀ ganaa, a giala a nə n piɛ̃ ka dí ni.

Boo-laakalaali 10:15

Baãnaa a dí n nɔmiɛ̃, a giala a ba n yɔrɔ dia ǹ bǎã doɛ̃ wa.

Izayii 1:15

Bɛ̀ ka n gɔnɔn goa lon ka á ma nyankoe, man ma yɔrɔ bɔyɛɛ ma bɔ ka la. Ta ka ma nyankɔ lɔn, maa n too koe wa. Ka gɔnɔn man mà lɛa.

Ezekieli 33:31

Ǹ tá re die ma li ka zaman kɛa lɛsɔkɔn pinaa bɛ́ lɔn. Maa minin lɛn tá re die giɛ̃ tán ma yɔrɔ-a. Ǹ tá re n too koe maa boon li, sɛnɛ, ǹ ba re ǹ sii wa. A giala, boo kɔɔ̃n nə soe ǹ lɛ-n, sɛnɛ, ǹ foo kɛ nɛ, maǹ nə ǹ dinin là kio.

Matiə 11:12

A kũ ZAÃ a Boo Tii Kɔɔ̃n pɛ biikoo kɛ ganaa a da pelo yaa, lon a kiibaa ǹ bǎã lɛ a wɔ n minbuiinin la kakaɛ̃, min mɛnɛn bɛ́ doa boe, bɛn man yii.

Luku 13:23

Min kɔ́n nə́ pɛ-n kɛnɛn: «Dɛnaa, min mɛnɛn bɛ́ re kirisibiɛ, ǹ tá re gigiã koe?» Yezu tɔ́n pɛ ǹ nɛ:

Luku 21:36

Sɛnɛ, ka n yii dɔraa, ka Lawa nyankɔ biikoo tumaa waáraa, màn mɛn bɛ́ toɛ, pàã yɛ ka lon, ka n bɔ bɛa biɛ̃ ǹ siin kɛn lɛn nɛ, ka boo la ka golee biɛ̃ ka foo tãbaa nɛ Min a Nɛgiĩ yɔrɔ-a kiri kuru ǹ bǎã nɛ.»

Zaã a sɛ́wɔ 13:33

Maa wɔn lɛn, man kun ka nɛ biikoo boɛɛn dinsɔɔ̃ gɔ́ɔ̃ nɛ. Ka tá re giɛ masɛ li; sɛnɛ, ma màn mɛn pɛ Zuifun manɛ, man bɛ lɛ pii ka dɔn man sisia: Ma bɛ́ woe bǎã mɛn nɛ, ka a boe la ka wo walan wa.

Zaã a sɛ́wɔ 5:4

A giala, Dɛnaa a dia dí-a wole goon nə gisĩ mu yala lɛ nɛ, bɛ̀ a bìn da mu lɛ ganaa. Bɛ̀ á bìn da mu lɛ ganaa, min mɛn bɛ́ re n doe li bibinaanɛ, bɛa dɛnaa a busu n nyɛɛ, haalɛ ta a n lɔn.]

Zaã a sɛ́wɔ 6:27

Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Zaã a sɛ́wɔ 7:34

Ka á re giɛ ma li, sɛnɛ, ka a re ma yii wa, a giala, masɛ bɛ́ bǎã mɛn nɛ, ka a boe la ka da walan wa.»

Zaã a sɛ́wɔ 8:21

Yezu wusoo á pɛ ǹ nɛ: «Man die woe. Ka tá re giɛ ma li, sɛnɛ, ka tá re giɛ̃ ka kaa sii baraa nɛ ka mìi ni. Ma bɛ́ woe bǎã mɛn nɛ, ka a boe la ka wo walan wa.»

Rɔmu minin 10:3

Sonbore, Lawa bɛ́ lɛ koe minin-a min peperen lɛa ka yɔrɔ mɛn nɛ, ǹ bɛ dɔ̃ wa. Maǹ nə́ ga ǹ dinin wɔ a yɔrɔ li. Bɛ lɛ na á toa, ǹ lɛ kɔ Lawa wɔ a yɔrɔ kɛ lɛ ganaa wa.

Kolɔɔsi minin 1:29

Maa doa parsiini lɛ mìi n ka bɛ nɛ. Ma bɛ́ dí mɛn dɔ nyɛɛ ka Krita pàã kɛ nɛ, a nə́ n doe ma lɛ taãn-taãnɛ, bɛ lɛ dɔ mìi n ka bɛ nɛ.

Ebrəə 4:11

Ka daa wɔ n doa wɔ wɔ bɛa susui kɛ nɛ, màn mɛn bɛ́ toɛ, lɛlɛdɛnan Lawa bɔlɔ tii kɛ miã baran wɔa min kɔ́n daa, a na a bɔ̀n baa wa.

Zozoe 7:3

Bɛ kio, ǹ nə́ n bɔyaa, ǹ nə́ daa Zozoe li ǹ nə́ pɛ nɛ: «Mìi ba la zaman lɛ tumaa din woo wa. Min duu paa hinlaa duu sɔɔ kɛ miã á boe Ayii minin lɛn la. Ka baran bɛa nɔmaa kɛ da zaman lɛ tumaa mìi-n walan wa. A giala, Ayii minin lɛn ba tɛ wa.»

Piɛrɛ2 1:10

Bɛ lɛ nɛ, dɔɔ̃nɔn lɛn, Yezu Krita bɛ́ á ka bíi á ka yii gɔgɔɔ̃ ke, ka n doa ka n gù wen yii, ka kaa bíi-wɔ kɛ lɛ laanka kaa yii-gɔgɔɔ̃ kɛ lɛ tamaa. Bɛ̀ ka á bɛ zɛnɛɛ, ka a re mɛnɛɛ duduu wa.