Luku 13:19 - LAWA A BOO SONBORE

¹⁹ A n kɔnboe ka mutardə we goon ne, giĩ goon nə́ saa á wɔ tán a dù gɔrɔ-n. Màn we lɛ bɔ á da baa, bàanan nə́ ǹ kiin dɔ a gùrùn ganaa.»

LAWA A BOO SONBORE 2011

¹⁹ A n kɔnboe ka mutardə we goon ne, giĩ goon nə́ saa á wɔ tán a dù gɔrɔ-n. Màn we lɛ bɔ á da baa, bàanan nə́ ǹ kiin dɔ a gùrùn ganaa.»

Luku 13:19 Iomraidhean Croise

Loe kɔɔ̃n kɔɔ̃n 4:12

Miãnɛn, maa nɛniɛ, ma n dù gɔrɔ lɛa, a lɛ n tiɛ̃-n. Ma n mu yala lɛa, a lɛ n tiɛ̃-n. Ma n tù lɛa, koa nɛ ma dinsɔɔ̃ wɔ lɛa.

Loe kɔɔ̃n kɔɔ̃n 4:16

Haya koɛ! Gɔsɛ a lɛ̀gɔn la a piɛ̃, gusin a lɛ̀gɔn la a piɛ̃, ka yoo! Ka bɔ maa dù gɔrɔ kɛ nɛ, ka a da gìĩ kɔɔ̃nɔn kɛn gìĩ da bɔ-a. Ma din foo dùũ wɔ kɛ die a da a dù gɔrɔ lɛ nɛ, a na a da nɛ kɔɔ̃n kɔɔ̃nɔn kɛn bii.

Loe kɔɔ̃n kɔɔ̃n 6:2

Ma din foo dùũ wɔ lɛ na á woo a dù gɔrɔ-n, da gìĩ kɔɔ̃nɔn bǎã kɛ nɛ. A na á woo a tɔɔn lɛduə̃, a na á woo da buũ na.

Loe kɔɔ̃n kɔɔ̃n 8:13

E! Nsɛ mɛn bɛ́ giã-n tán dù gɔrɔ bii, ma miãn tá n too diɛ n lɛn li, toa ma n lɛ ma.

Izayii 53:1

Wɔ boo mɛn ma, die na á golee li? Die na á Dɛnaa Lawa a boo sii la dɔ̃?

Izayii 53:10

Dɛnaa Lawa na á goã li a yɔyɔrɛ ka fuu ni. A bɛ́ á n din kɔ zɛ̀rɛ si Lawa la ǹ *wúlu màn lɛa, á re tɔrɔn yii, a yii á re goɛ̃ koo a belebɔ. Sii mɛn bɛ́ kɔɔ̃n Dɛnaa Lawa-a, bɛ lɛ n die n zɛnɛɛ.

Izayii 58:11

Dɛnaa Lawa n die n nyɛɛnaan boe biikoo yii li. Haalɛ diə bii, á re màn-bii koe n la, a pàã kɔ n la. N nə n die goɛ̃ ka dù gɔrɔ mɛn bɛ́, ǹ nə́ mu kiɛ a ganaa parsiini, ka mu yala mɛn bɛ́ a mu n baa sii duduu.

Izayii 61:11

Da we bɛ́ gii tán lɔn, hinlaa dù we bɛ́ boe dù gɔrɔ-n lɔn, Dɛnaa Lawa dɔ n die peperebaa laanka tɔ bɔ diɛ bɔ ganaa tɔrɔn tumaa yɔrɔ-a.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Zeremii 31:12

Maǹ die, ǹ foo n kɔɔ̃nɛ, loe loe Siɔn kele la. Dɛnaa Lawa a bǐɛ̃baa ǹ mànan kɛn taman yii, ǹ yɔrɔ n tɛ pii, ǹ foo n kɔɔ̃nɛ: *Belee ne, duvɛ̃ nɛ, nyɔɔ buə̃ ne, sèren ne, bòen ne, diin ni. Maǹ die goɛ̃ ka dù gɔrɔ mɛn bɛ́ mu n boe sɔnbɔraa nɛ. Màn kɔn ba re nyaabiɛ ǹ ganaa wa.

Ezekieli 31:6

Bàanan tumaa na á goã kii doe a gùrùn la, don siĩn tumaa na á goã nɛ yii a din lɛ giulun, tɔrɔ tumaa a zaman na á goã giɛ̃ a din lɛ a wúlu li.

Zakarii 2:11

Ka soo, Zeruzalɛmu minin lɛn, kasɛn mɛnɛn bɛ́ giã-n *Baabilonii, ka soo ka wo fufuu!»

Matiə 17:20

Yezu tɔ́n pɛ ǹ nɛ: «A giala, kaa golee Lawa li á kiɛɛrɛ á la yii ni. Masɛ n sonbore pii ka nɛ: Mutarde nàn mɛn din bɛ́ kiɛɛrɛ, bɛ̀ golee Lawa li yɛ ka lon a gole baa dɔ bɛ li, bɛ̀ ka pɛ kele kɛ nɛ mà a yoo a n bɔ kànaa a wo kɛnɛn li, a n yui a woo. Bɛ̀ ka ba re foɛ̃ sii kɔ́n baa lɛ wa. [

Marki 4:30

Yezu tɔ́n pɛ doo: «Kasɛn man die pii mà Lawa a kiibaa lɛ n kɔnboe ka wàa nɛ? Kasɛn man die zoɛ̃ kɔn ka wàa nɛ?

Luku 17:6

Dɛnaa pɛ ǹ nɛ: «Mutardə we mɛn bɛ́ bɔbɔnboɛɛn nɛ, bɛ̀ á daa yaa golee Lawa li n ka lon ka bɛ bɛ́ lɔn, bɛ̀ ka á boe la ka pɛ gɔ́rɔ da kɛ nɛ, mà a n gòonən wɛ̃ a bɔ tán, a wo n din zumu yìsi mu lɛ-a, a n die ka bɔlɔ sii dɔn.»

Nya ǹ dín 2:41

Min gigiã golee a boo li, ǹ nə́ batɛmu da ǹ ganaa. Bɛa pinaa kɛ lɛ nɛ, minbuiin duu sɔɔ (3 000) kɛ miã yɛ, ǹ nə́ kaa kun Lawa a zaman lɛ nɛ.

Nya ǹ dín 21:20

Min mɛnɛn nə n too kɔ Pooli lon, bɛn nə́ Lawa tɔ bɔ. Bɛ kio ǹ nə́ pɛ nɛ: «Wɔ dɔɔ̃ngiĩ ganaa, n yii tá a ganaa Zuifu gigiã gigiã Lawa-nyankɔle baa, ǹ tumaa dɔ n Lawa a dí-pɛn lɛn kuĩ ka ǹ foo ne.

Nya ǹ dín 4:4

Sɛnɛ, minin mɛnɛn nə n too kɔ boo laakalaa lɛ li, bɛn gigiã golee Lawa li. Lawa a zaman lɛ tumaa woo dɔ min duu sooro (5 000) kɛ miã.

Rɔmu minin 15:19

ka kaãbaa ǹ sii dadaran barka nɛ, ka Yiri Fu pàã barka nɛ. Bɛ lɛ na á toa, a kũ Zeruzalɛmu kiwi ganaa a wo Ilirii gána yaa, má Krita a Boo Tii Kɔɔ̃n lɛ pɛ paǹ din tumaa ganaa.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»