Luku 13:14 - LAWA A BOO SONBORE

¹⁴ Lɛsɔkɔn kion lɛ a goledɛnaa yɔrɔ kɔsɛ, a giala Yezu na á busulə kaka kɔ susu ǹ pii pinaa. Á boo saa á pɛ zaman nɛ: «Lɛawaa sɔrɔ tumaa tan dí nya ǹ piin lɛa. Haya, ka da bɛa piin kɛn lɛn li, màn mɛn bɛ́ toɛ, ǹ kaa busun nya, ka baran da susu ǹ pii pinaa bɛ ganaa wa.»

LAWA A BOO SONBORE 2011

¹⁴ Lɛsɔkɔn kion lɛ a goledɛnaa yɔrɔ kɔsɛ, a giala Yezu na á busulə kaka kɔ susu ǹ pii pinaa. Á boo saa á pɛ zaman nɛ: «Lɛawaa sɔrɔ tumaa tan dí nya ǹ piin lɛa. Haya, ka da bɛa piin kɛn lɛn li, màn mɛn bɛ́ toɛ, ǹ kaa busun nya, ka baran da susu ǹ pii pinaa bɛ ganaa wa.»

Luku 13:14 Iomraidhean Croise

Bɔ bɛ̀rɛbaa nɛ 20:9

N dí nya lɛawaa sɔrɔ, n nə n dí tumaa yɔrɔ bɔ.

Bɔ bɛ̀rɛbaa nɛ 23:12

«Lɛawaa sɔrɔ dɔ gɔ́ɔ̃ nɛ, dí mɛn bɛ́ ka li, ka bɛ nya. Sɛnɛ, lɛawaa sɔbaabaa ǹ wɔ kɛ li, ka n susu. Kaa dii laanka kaa dundun dɔ á re susui yii. Kaa bɛ̀rɛn laanka kaa gùlin dɔn pàã á re wusii a kaa kɔn li.

Ezekieli 20:12

Man má *susu ǹ pii dɔ koa sii a kɔnboe lɛa ǹ bii, màn mɛn bɛ́ toɛ ǹ dɔ̃, mà ma din Dɛnaa Lawa n má ǹ bɔ ma din wɔn lɛa.

Ezekieli 34:21

A giala, tɔɔn lɛn mɛnɛn tumaa bɛ́ ǹ ba lon wa, ká bɛn nyanaa ka ka wàã nɛ, ká n nyàakoo da ǹ li, ká ǹ dɛ ka ka bɛnɛn nɛ, yǎa ká ǹ sasawaa ká ǹ bɔ tɔɔn màn bii ǹ bǎã kɛ nɛ.

Lawa a wúlu-bɔlen 23:3

Lɛawaa sɔrɔ gɔ́ɔ̃ nɛ, ka kaa dín nya. Sɛnɛ, lɛawaa sɔbaabaa ǹ wɔ kɛ n *susu ǹ pii lɛa. Ka doamaa bie ka dí kɔn nya bɛa pinaa wa. Ka doamaa nɛ, ka n lɛ sɔkɔn, ka masɛ guguru kɔ. Ta ka n bǎã mɛn nɛ, ka susu ǹ pii pinaa lɛ koa, masɛ Dɛnaa Lawa wɔ lɛa.

Matiə 12:2

*Fariziɛ̃n bɛ́ ǹ nə́ bɛ yɛ, ǹ nə́ pɛ Yezu ni: «Ga, wɔsɛn landa bɛ́ a ba lɛ koe dí mɛn nə n nya susu ǹ pii pinaa wa, n kialandɛnan lɛn nə́ ke bɛ gialaa nyɛɛ!»

Marki 5:22

Zuifun lɛsɔkɔn kion a goledɛnaa goon daa, a tɔ n Zayirusu. A bɛ́ á Yezu yɛ lɔn gɔrɔ, á n duwəə tán a giulun.

Luku 6:11

Landa sii-daraalin lɛn ka Fariziɛ̃n lɛn foo yoo parsiini. Ǹ bɛ́ re boe la ǹ sii mɛn zɛnaa Yezu ni, maǹ nə́ goã bɛ pii kɔn nɛ.

Luku 6:7

Landa sii-daraalin laanka Fariziɛ̃n nə́ goã giɛ Yezu gɔn li sɔnbɔraanɛ, bɛ̀ á die giĩ lɛ a busu nyɛɛ susu ǹ pii pinaa, màn mɛn bɛ́ toɛ, ǹ na a zɛ̀rɛbaa ǹ gɔn yɛ.

Luku 8:41

Giĩ goon ne, a tɔ n Zayirusu, bɛ dɔ́ daa. Bɛa giĩ lɛ na á goã kiwi lɛ a Zuifun lɛsɔkɔn kion a goledɛnaa lɛa. Á kaa tán Yezu giulun, a ná a nyankɔ mà a da asɛ a piɛ.

Nya ǹ dín 13:15

Muizu a Landa sɛ́wɔ laanka Lawa a boo gii-dalin sɛ́wɔ pɛ kio, lɛsɔkɔn kion lɛ a goledɛnan nə́ pɛ ǹ nɛ: – Wɔ dɔɔ̃nɔn lɛn, bɛ̀ kɔn doroo hinlaa kɔn foo taã ǹ boo kɔ́n tá ka lɛ-n, ka n die pii zaman nɛ, zii tan.

Nya ǹ dín 18:17

Ǹ tumaa yoo ǹ nə́ kaa lɛsɔkɔn kion goledɛnaa Sɔstɛnɛ la, ǹ nə́ dɛdɛ kiri-wɔlen lɛn yɔrɔ-a. Sɛnɛ, Galiɔn din baa sii lɛa wa.

Nya ǹ dín 18:8

Ǹ bɛ́ ǹ nə́ n too kɔ Pooli lon, Kripuusu mɛn bɛ́ lɛsɔkɔn kion lɛ a goledɛnaa lɛa, bɛ laanka a kion minin tumaa golee Dɛnaa li. Korɛnti kiwi min gigiã dɔ Lawa-nyankɔlen baa, ǹ nə́ lɛ kɔ ǹ nə́ *batɛmu si.

Rɔmu minin 10:2

A giala má waa la, máa ǹ gù we yiimaa nɛ Lawa a sii gɔ́ɔ̃ nɛ, sɛnɛ, sii-doɛ̃ nə ǹ gù we yii lɛ nyaabiɛ.

Timəə dí-pɛn 5:13

Ka dí nya lɛawaa sɔrɔ gɔ́ɔ̃ nɛ, ka kaa sii tumaa zɛnaa bɛ lɛ gɔ́ɔ̃ nɛ.