Luku 12:5 - LAWA A BOO SONBORE

⁵ Masɛ n die min nyɛɛ ka nɛ, ka doamaa bɛ́ nɛ ka nyɛ́ɛ baa min mɛn nɛ. Ka nyɛ́ɛ baa Lawa nɛ. Bɛ̀ Lawa min dɛ, pàã tá a lon a na a telenboen zũ tɛ-n. Bɛ lɛ nɛ, ma á pii ka nɛ, máa ka doamaa nɛ ka nyɛ́ɛ baa Lawa nɛ.

LAWA A BOO SONBORE 2011

⁵ Masɛ n die min nyɛɛ ka nɛ, ka doamaa bɛ́ nɛ ka nyɛ́ɛ baa min mɛn nɛ. Ka nyɛ́ɛ baa Lawa nɛ. Bɛ̀ Lawa min dɛ, pàã tá a lon a na a telenboen zũ tɛ-n. Bɛ lɛ nɛ, ma á pii ka nɛ, máa ka doamaa nɛ ka nyɛ́ɛ baa Lawa nɛ.

Luku 12:5 Iomraidhean Croise

Loen 9:17

Dɛnaa Lawa nə́ n din nyaa, á kiri kuru. Á min baraa kũ a din a kan nɛ. Ka tùtu wuu gisĩ. *Doa.

Suusun 14:26

Min mɛn bɛ́ Dɛnaa Lawa guguru koe, a yiri n bǎã goon ne. A giala, Dɛnaa Lawa na a nɛnyaanan tamɛɛ.

Zeremii 10:7

N doamaa-n ka gugurubaa nɛ tán tumaa a Dɛnaa. Bɛ lɛ nə n wɔ gii lɛa. Sii-dɔ̃lin tumaa bii tán la, ǹ gánan tumaa bii, min kɔn ba ka n bɛ lɔn wa.

Zeremii 41:18

Maǹ nə́ goã nyɛ́ɛ biɛ Baabilonii minin manɛ a giala, Netania a nɛgiĩ Isimayeli na á Ayikaamu a nɛgiĩ Gedalia dɛ, Baabiloniin kii nə ǹ mɛn lɛ koa gánadɛnaa lɛa Zudaa gána mìi la.

Zeremii 5:22

Ka a ma guguru koe wa? Ka a nyɛ́ɛ biɛ ma-n wa? Dɛnaa Lawa a da ǹ boo ne. Ma din ni má nyɔɔsɔ̃ kaa tán yìsi mu gole lɛdan lɛa yǎa duduu, sɛnɛ a ba a la boe ǹ kɔn pinaa wa. A mu á boe la a yoo, sɛnɛ pàã n nyaabiɛ a ganaa. Á boe la a gini, sɛnɛ a ba re a la boe wa.

Matiə 10:28

Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Matiə 25:46

Bǎã mɛn bɛ́ a nɔmaa ná a ba nyɛɛ wa, bɛn tá re woe walan, min peperen tá re nyin nyabaã yii.

Matiə 5:22

Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.

Marki 13:23

Bɛ lɛ taman yii ka yiri bɔ dɛ! Ma na a din tumaa pii ka nɛ, bɛ̀ a biikoo baa doe.

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.

Ebrəə 10:31

Min mɛnaa Lawa yiikoonaa kɛ gɔn dɔlɔ a lɛa, bɛ á baraa taãn-taãnɛ.

Piɛrɛ2 2:4

Lon a dia dí-a wolen mɛnɛn nə sii baraa zɛnaa, Lawa bɛn dinin toa wa. A na á ǹ kaa papaã ǹ bǎã wɔlɔ tì kɛ li, ǹ nə́ kòso-n walan, n yii diɛ kiri-kurii pinaa kɛ la.

Sii-nyaan 14:7

Á goã pii ka a lɛn gole-n kɛnɛn: «Ka nyɛ́ɛ baa Lawa nɛ, ka a guguru kɔ! A giala, a kiri wɔ minbuiinin ganaa biikoo dɔ. Lawa mɛn lon zɛnaa, ka tán nɛ, ka yìsi mu gole ne, ka mu yalan nɛ, ka bɛ guguru kɔ.»

Sii-nyaan 15:4

Dɛnaa, die na a re nyɛ́ɛ biɛ n nɛ wa? Die na a re n guguru koe wa? A giala mà n dinsɔɔ̃ n sonbore. Tɔrɔ din tumaa á re die n yɔrɔ-a, ǹ tumaa á re n guguru koe. A giala mà n peperebaa nə́ n din nyaa foaã sisia.»

Sii-nyaan 20:14

Ǹ nə́ gɛ̀ laanka geren piɛ kũ ǹ nə́ ǹ zũ tɛ panapana kɛ nɛ. Bɛa tɛ panapana kɛ lɛ n gɛ̀ a paabaa ǹ wɔ lɛ lɛa.