Luku 12:4 - LAWA A BOO SONBORE

⁴ Yezu pɛ ǹ nɛ: «Kasɛn mɛnɛn bɛ́ maa giaáran lɛa, masɛ n pii ka nɛ: Minbuiin nɛ á boe la a gɔ̀nɔn siĩ dɛ a gã, sɛnɛ, a ba boe la a màn kɔsɔ zɛnaa bɛ kio wa, ka baran nyɛ́ɛ baa minbuiin nɛ-n wa.

LAWA A BOO SONBORE 2011

⁴ Yezu pɛ ǹ nɛ: «Kasɛn mɛnɛn bɛ́ maa giaáran lɛa, masɛ n pii ka nɛ: Minbuiin nɛ á boe la a gɔ̀nɔn siĩ dɛ a gã, sɛnɛ, a ba boe la a màn kɔsɔ zɛnaa bɛ kio wa, ka baran nyɛ́ɛ baa minbuiin nɛ-n wa.

Luku 12:4 Iomraidhean Croise

Suusun 29:25

Nyɛ́ɛ n kan lɛa min kuĩ. Sɛnɛ, min mɛn bɛ́ n din sii we Dɛnaa Lawa gɔn, bɛa dɛnaa tamaamaa nɛ.

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Loe kɔɔ̃n kɔɔ̃n 5:16

A sɔɔ min ni n nɔnɔɔ, ka min na a dinmaa tumu saa n mui. Zeruzalɛmu nɛlɔn lɛn, ma din foo dùũ wɔ lɛ n ka bɛ nɛ, maa paa ǹ wɔ lɛ n ka bɛ nɛ.

Izayii 41:8

Nsɛ Izirayeli, maa dí-nyali, nsɛ Zakɔba, ma zaman mɛn yii gɔgɔɔ̃, ma n maa giaára Abrahamu tɔrɔ lɛa.

Zeremii 1:17

Nsɛ Zeremii, n yɔrɔ bɔ kəni. Yoo! Ma bɛ́ re boo mɛn tumaa diɛ n nɛ, n wo ǹ pɛ. N nyan toa nyɛ́ɛ nə n gɔ̀nɔn bìn da ǹ yɔrɔ-a wa. Bɛ bie wa, masɛ din nə die n gɔ̀nɔn diɛ bìn diɛ ganaa ǹ yɔrɔ-a.

Zeremii 1:8

N baran nyɛ́ɛ baa ǹ nɛ wa, ma á kunun n ni, ma n kirisibaa. Dɛnaa Lawa a da ǹ boo ne.

Zeremii 41:18

Maǹ nə́ goã nyɛ́ɛ biɛ Baabilonii minin manɛ a giala, Netania a nɛgiĩ Isimayeli na á Ayikaamu a nɛgiĩ Gedalia dɛ, Baabiloniin kii nə ǹ mɛn lɛ koa gánadɛnaa lɛa Zudaa gána mìi la.

Ezekieli 2:6

Nsɛ minbuiin a nɛ, n nyan nyɛ́ɛ baa ǹ nɛ wa, n nyan nyɛ́ɛ baa ǹ da ǹ boon dɔn man wa. N tá kunun ǹ ni kɛ n ka min na á giã koronkoron laanka nyan bii, ka min na á giã ton kɛ la sɔn doe. N nyan nyɛ́ɛ baa ǹ da ǹ boon man wa, n nyan nyɛ́ɛ baa ǹ yii-n duduu wa. A giala, piã-wɔlen manɛ.

Matiə 10:28

Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.

Zaã a sɛ́wɔ 15:13

Min na a din nyin kɔ a giaáran lɛa, kɔn-narɛɛ kɔ́n kiɛ̃ bɛ la wa.

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Nya ǹ dín 4:13

Zuifun sii yɔrɔ-bɔlen lɛn bɛ́ ǹ nə́ Piɛrɛ laanka ZAÃ a foo doa kɛ yɛ, ǹ yiri gisĩ a nɛ, mà ǹ ba màn kɔ́n lɛa wa, mà ǹ daraa gole dɔ din wɔ wa, bɛ kaãbaa da ǹ-a parsiini. Maǹ nə́ goã ǹ doɛ̃ Yezu a koa-kun wolen lɛa.

Filipi minin 1:28

Ka baran toa kaa zɔ́ɔn nə nyɛ́ɛ da ka ganaa ka sii kɔ́n nɛ wa. Bɛ á re sii biɛ, a n nyɛɛ ǹ nɛ, mà ǹ dininmaan wɔ na á ziziɛ̃, a n nyɛɛ mà kasɛn man kaa kirisibaa ǹ zii la, a giala, bɛ lɛ n boe Lawa li.

Zaaki 2:23

Ká Lawa a boo bɛ́ á pɛ lɔn: «Abrahamu nə́ n foo doa Lawa ganaa. Bɛ lɛ na á toa Lawa kũ min pepere lɛa», á bíi mà a din a giaára.

Piɛrɛ1 3:14

Sɛnɛ, bɛ̀ ka á fuu yii sii pepere zɛnaa a lɛa, Lawa á re barka diɛ ka ganaa. Ka baran nyɛ́ɛ baa min kɔ́n yii-n wa, ka baran toa ka yiri dɔ nə n lɔlɔkɔn wa.

Sii-nyaan 2:10

Boɛɛnɛ, Sɛtaan lɛ á re n diɛ ka gɔ́ɔ̃ li. A n die kaa min tɛnɛn kuĩ a ǹ zũ kòso-n. Ka á re fuu yii lɛawaa fù gɔ́ɔ̃ nɛ. Bɛa fuu kɛ lɛ nyan nyɛ́ɛ da n ganaa wa. Goã bɔlɔgoondɛnaa lɛa haalɛ ta a n doe n gɛ̀ ganaa. Ma á re nyin nyabaã koe n la, ka a gɔ̀lɔ̀baa ǹ kii bafolo lɛa.