Luku 12:32 - LAWA A BOO SONBORE

³² «Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

LAWA A BOO SONBORE 2011

³² Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Luku 12:32 Iomraidhean Croise

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Izayii 41:14

Nyɛ́ɛ nyan ka kũ wa Zakɔba a zaman, kasɛn kɛn ǹ nə́ ka biɛ ka nyuun bɛ́ lɔn, kasɛn Izirayeli a zaman; ma dinmaa n die kaa gú ganaa, Dɛnaa Lawa a da ǹ boo ne, kaa si sii la wole Izirayeli a Lawa sonbore ne.

Izayii 53:6

Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

Zeremii 3:19

Man má goã pii: Man zoɛ̃ li ma n baa maa nɛnyaanan kɛn goon lɛa. Man zoɛ̃ li ma gána sonbore kɔ n la, a n liɛ nɛ kanaa a bǎã sonbore tumaa nɛ. Man má goã pii máa n tá re ma bíi: "Maa díi", n nə n ba n dɔ̀ɔ̃ we ma-n doo wa.

Matiə 14:27

A din bǎã-n gɔrɔ Yezu boo da ǹ nɛ, á pɛ ǹ nɛ: «Ka n foo taã. Masɛ nɛ, ka baran nyɛ́ɛ baa wa!»

Matiə 20:16

Yezu tɔ́n pɛ: «A n miɛ̃, kiodɛnan tá re nyɛɛnaandɛnan biɛ, min mɛnɛn bɛ́ nyɛɛnaandɛnan lɛa, bɛn tá re kiodɛnan biɛ.»

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Matiə 7:15

Min mɛnɛn bɛ́ Lawa a boo gii-dali soɛ-bɔlen lɛa, ka n parabaa bɛn nɛ. Maǹ die ka li basiɛ̃-n ka sèren bɛ́ lɔn, a da yaa ǹ gɔ́ɔ̃ kɛ n baraa ka don gin basaã-kɔlen manɛ.

Luku 10:21

A din bǎã-n gɔrɔ Lawa a Yiri Fu Yezu da nyɛnyɛɛ ganaa parsiini. Á pɛ: «Díi, lon laanka tán a dɛnaa, ma á barka diɛ nɛ. A giala, n din ni ń bɛa siin kɛn duru sii-dɔ̃lin laanka yiridɛnan la, n nə́ ǹ nyaa min bɔnboɛɛnən manɛ. Díi Lawa, bɛa zɛnaa miɛ̃ kɛ na á kɔɔ̃n kɔ n din ganaa.

Zaã a sɛ́wɔ 18:36

Yezu tɔ́n ná a lɛ si á pɛ-n kɛnɛn: «Masɛ a kiibaa lɛ bie kanaa kɛ wɔ lɛa wa. Bɛ̀ maa kiibaa lɛ n kanaa kɛ wɔ lɛa, bɛ̀ maa minin kɛn nə́ zia baa, màn mɛn bɛ́ toɛ, ma baran n wɔ Zuifun pàãdɛnan gɔn wa. Sɛnɛ, masɛ a kiibaa lɛ, kanaa wɔ bie wa.»

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Nya ǹ dín 20:29

Ma á doɛ̃, máa maa woo kio, minin tá re die, baraa ka don ginin bɛ́ lɔn, ǹ tá re we ka bii, ǹ Lawa a minin lɛn sasawaa.

Rɔmu minin 6:23

Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.

Korɛnti1 1:21

Sonbore, kanaa minin nə boo la, ka ǹ dinin sii-doɛ̃ kɛ barka nɛ, ǹ nə́ Lawa a sii-doɛ̃ kɛ giala ma wa. Wɔ bɛ́ dí mɛn pii ka nɛ Yezu a gɛ̀ wɔ gɔn la, a n gàãnaabaa lɛa kanaa minin yii li, a da yaa Lawa golee la, mà min mɛnɛn bɛ́ golee bɛa gàãnaabaa ǹ dí kɛ lɛ li, mà á re bɛn kirisibiɛ.

Filipi minin 2:13

A giala, Lawa á tɔn dí nyɛɛ ka nɛ, ka boo la ka pàã yɛ, ka lɛ kɔ ka sii zɛnaa, a kɔnpɛ ka a din a dí yɔrɔ bɔ kɛ nɛ.

Tesaloniki2 1:11

Bɛ lɛ na á toa, wɔ á Lawa nyankoe kaa lɛa baraabaraa, màn mɛn bɛ́ toɛ, wɔa Lawa lɛ mɛn dia ka la, a ka yɛ ǹ dɛnan lɛa. Ka bɛ́ li mà ka sii sonbore mɛn tumaa zɛnaa, wɔ na a nyankoe wáa a din na a zɛnaa ǹ pàã kɔ ka la, a toa kaa goleemali na a nya ǹ dí nya ka a din pàã nɛ.

Tesaloniki2 1:5

Kaa sii simaa lɛ n nyɛɛ, mà Lawa a kiri á pepere. Ka á boe la ka waa la ka bɛ-n kəni, mà ka á re we *Lawa a kiibaa kɛ nɛ, ka bɛ́ nɔmaa lɛ we ǹ mɛn lɛ a lɛa.

Ebrəə 12:28

Wɔ dinin man wɔ gána yɛ, a kiɛ̃ duduu wa. Ka daa wɔ barka da Lawa nɛ. Ka daa wɔ dí nya nɛ ka yɔrɔ kɛ nɛ, kɔɔ̃n a ganaa, bɛ n ka a guguru kɔ nɛ, ka a nyɛ́ɛ baaman nɛ.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Piɛrɛ2 1:11

Sonbore, wɔa Dɛnaa laanka wɔ Nyin-sili Yezu Krita a kiibaa ǹ bǎã kɛ a kiɛnlɛ á re n buĩ ka nɛ. Kiibaa ǹ bǎã mɛn bɛ́ a nyɛɛ duduu wa, ka á re we bɛ nɛ, a ka kũ doɛ̃ sɔnbɔraanɛ.

Sii-nyaan 1:6

Á wɔ bɔyaa á wɔ baa kiin lɛa, kun ka a din ni a kiibaa ǹ bǎã nɛ. Á wɔ baa Lawa a wúlu-bɔlen dɔn lɛa, mà wɔ dí nya ǹ Di Lawa nɛ. Gugurubaa laanka pàãyiidɛnaabaa goã Yezu Krita wɔ lɛa baraabaraa yǎa duduu! A n miɛ̃!

Sii-nyaan 22:5

Tèlò a re koe wa, min kɔ́n laadoo a re goɛ̃ bolon fúlu ganaa, ka wasa a yoo lon ne wa, a giala mà Dɛnaa din tá re a fúlu kiɛ ǹ ganaa. Ǹ tá re goɛ̃ pàã la baraabaraa yǎa duduu.