Luku 12:19 - LAWA A BOO SONBORE

¹⁹ Ma á re pii ma dinmaa-n bɛ kio kɛnɛn: Á ke, má gɔn màn gigiã sɔkɔn lɛ̀ gigiã wɔ lɛa. Man die giɛ̃ tán-a, man susu, ma màn bii, masɛ yɔ mi, man nyɛnyɛɛ.»

LAWA A BOO SONBORE 2011

¹⁹ Ma á re pii ma dinmaa-n bɛ kio kɛnɛn: Á ke, má gɔn màn gigiã sɔkɔn lɛ̀ gigiã wɔ lɛa. Man die giɛ̃ tán-a, man susu, ma màn bii, masɛ yɔ mi, man nyɛnyɛɛ.»

Luku 12:19 Iomraidhean Croise

Zɔbu 14:1

Minbuiin nɛ kɛ lɛ yii lɔ la, a nyin ba sasa wa, nɔmaa dɔ́ la a yii ni.

Loen 49:18

A giala, bɛ̀ á gã, a woe ka màn kɔn nɛ wa, a pàãmabaa ǹ màn kɛ ba woe kun ni wa.

Loen 62:10

Minbuiin nɛ n ka piɛ̃ bɛ́ lɔn. Ta ǹ mɛn nə boɛɛn nɛ, ta ǹ mɛn na á tɔ gole yɛ, ǹ kɔn ba màn kɔn lɛa wa. Bɛ̀ n nə́ ǹ tumaa kaa kun, n nə́ ǹ gugurubaa zɔɔ̃, piɛ̃ din tá soɛ ǹ nɛ.

Suusun 10:2

Koɛɛ̃n màn là a yii min-a wa. Sɛnɛ, giã ǹ gɔn pepere á min sii gɛ̀ la.

Suusun 14:24

Pàãmabaa n sii-dɔ̃lin saraa lɛa. Baãnaa wɔ n ka gàãn nɛ.

Suusun 18:11

Pàãma foo n doa nɛ a naforo ganaa. A n tamɛɛ ka kungɔn sasa bɛ́ lɔn a lɛnpɛnɛ

Suusun 23:5

Bɛ̀ ń nə n yii saa ń ga-a lɔn gɔrɔ a woo á ke. A nə n nyàan dii doɛ̃ ka sia bɛ́ lɔn yui woe.

Suusun 27:1

N nyan nə n din kalaa biɛ̃ ǹ taman yii wa. A giala, sii mɛn bɛ́ re n zɛnɛɛ pelo n ba bɛ doɛ̃ wa.

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Boo-laakalaali 2:24

Màn kɔn din ba soɛ minbuiin nɛ ganaa wa. Bɛ̀ á n bɔ, a màn bii, a màn mi, a bɛ́ màn mɛn boe a dí ni, a n nyɛnyɛɛ bɛ la. Má yɛ, máa bɛ dɔ n Lawa a nya ǹ dí lɛa.

Izayii 22:13

Sɛnɛ, ka n ka goã nyɛnyɛɛ laanka foo kɔɔ̃nbaa la. Minin man diin dii, ǹ sèren dɛ. Maǹ siĩ soɛ̃, ǹ duvɛ̃ mi. Ka n pii: «Wɔ n màn bii wɔ màn mi a giala, biɛ̃ wɔ n die giɛ̃!»

Izayii 5:11

Min mɛnɛn bɛ́ baa sii yɔ kakaarɛn kio baayɛlɛ yiisoone, wasamiɛn nɛ, ǹ nə n gù fore ka duvɛ̃ nɛ yǎa làan nə koe, bɛn wɔ n ka bɔ̀n nɛ!

Izayii 5:8

Kaa wɔ n ka bɔ̀n nɛ kasɛn mɛnɛn bɛ́ kion sii ka da ǹ miã li. Ka wuru si ka da ǹ miã li. Ka bǎã tumaa si ka n kɔ lɛ, yǎa ka dininsɔɔ̃nɔn nə goɛ̃ gána lɛ nɛ!

Izayii 56:12

Maǹ pii: «Ka daa wɔ n tan wɔ ga duvɛ̃ li, wɔ yɔ kakaarɛn mi a wɔ yii kũ. Biɛ̃ ǹ nə die goɛ̃ ka pelo ǹ bɛ́ lɔn: Duvɛ̃ gigiã goã.»

Ozee 12:8

Ka Kanaan a pii-kɔlen bɛ́ lɔn, n màn zɔɔ̃ ǹ kilo lɛ a piɛ̃-n ma, mɛnaa n miã la n kɔɔ̃nɛ n ganaa.

Amɔɔsi 6:13

Lodebaara kiwi kɛ lɛ a ná a màn kɔn lɛa wa, ka nə n nyɛnyɛɛ mà kasɛn nə́ bɛ lɛ kũ. Karnayimu kiwi ke pàã ná a lon, ká mà kasɛn nə́ bɛ si ka ka dinin pàã nɛ.

Abakuku 1:16

Maǹ wúlu mànan koe ǹ zɔ̀ɔn lɛn la, maǹ màn giĩ kɔɔ̃n tiɛ̃ ǹ kokoon wɔ lɛa. A giala, mà ǹ dinin barka nɛ ǹ tá zɔ̀ gigiã kuĩ, ǹ nə́ màn-bii kɔɔ̃n yii.

Luku 12:18

Bɛ kio, á pɛ a din ni: «Ma bɛ́ re màn mɛn zɛnɛɛ bɛ á ke: Man die maa dɔǹɔn wurii, ma a dadara kɔsɔn dɔ, ma maa màn-kurii laanka ma gɔn màn yii sɔkɔn bɛn nɛ.

Luku 16:19

«Giĩ goon na á goã, a n pàãma lɛa. A na á goã mɔnaa sonbore sonboren we. A na á goã zɔ́n màn-bii zɛnɛɛ baraabaraa.

Luku 21:34

Yezu mà ǹ ganaa: «Ka n dinin kũ! Kaa taasiɛn baran n doa zɔ́nɔn ganaa, ka yɔ mii baraa nɛ, ka kanaa a gɔ́ɔ̃ bii siin ni wa, màn mɛn bɛ́ toɛ, dɔlɔ bɔ pinaa kɛ lɛ baran da ka tɔwaa wa,

Korɛnti1 15:32

Masɛ zia baa kɔn ka min tɔrɔ baraan nɛ Efɛɛzi kiwi. Bɛ̀ ma foo na á goã doa-n minbuiinin sii giala ma dinsɔɔ̃ ganaa, bɛ̀ bɛa zia kɛ lɛ là n ka wàa-n ma ganaa. Bɛ̀ geren yii kaa na a banban, bɛ̀ wɔ n koe suusu kɛ lɛ pii: «Wɔ n màn bii, wɔ màn mi, a giala, biɛ̃ wɔ n die giɛ̃!»

Filipi minin 3:19

Ǹ giala-nyɔmɔɔ á re ziziɛ̃, a giala, mà ǹ gɔ̀nɔn foo sii mànan manə ǹ Lawa lɛa. Sii mɛn doamaa bɛ́ a sìi da ǹ ganaa, manə n dinin koɛ ka bɛ nɛ, ǹ nə́ taasiɛ we kanaa kɛ a mànan dininsɔɔ̃nɔn ganaa.

Timote1 5:6

Sɛnɛ, ǹ mɛn bɛ́ n taasɛ ka bɔlɔ sɛ̀-mui siin dininsɔɔ̃nɔn nɛ, bɛ na á gã, haalɛ ta a yii á koo sisia.

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.

Timote2 3:4

Ǹ tá re n boe kɔn li, ǹ foo á re goɛ̃ lon, din gole kɔ á re liɛ ǹ yii ni. Ǹ foo siin tá re kɔɔ̃n koe ǹ ganaa, ǹ la Lawa foo sii ni.

Zaaki 5:5

Ka kaa pàãmabaa lɛ zɛnaa kanaa ka a là kaa, siin mɛnɛn bɛ́ kɔɔ̃n ka ganaa, ka bɛn zɛnaa. N bɛ́ tɔɔ toe lɔn a nyɔɔ kɔ bɛ̀ ǹ tɔn dɛ, ka dɔn man ka ka dinin too miɛ̃, ka á kaa wɔ a pinaa duĩ.

Piɛrɛ1 4:3

Sonbore, ka biikoo gigiã saa lɛlɛ, ka kaa sii din tumaa zɛnaa, á kɔnpɛ ka min kooron sii-zɛnaan nɛ. Ka ǹ ká goã naarɛ biɛ, ka goã dùũ sii babaraan zɛnɛɛ, ka ǹ ká goã yɔ-mili baraan lɛa: Ka ǹ ká goã n lɛ soekɔn ka n mii baraabaraa, ka n mii bɛ̀ ka n zɔɔ̃ kɔn. Ka dì wúlu-bɔ bɔnɛɛn dɔn zɛnaa.

Sii-nyaan 18:7

A bɛ́ á n din tɔ gole kɔ a gɔn màn sonboren kɛn lɛa lɔn, fuu laanka koe die ǹ bɔ a dɔ ganaa miɛ̃ bɛ doo. A n pii a din gɔ́ɔ̃ nɛ: «Man kii lɛa tán kànaa, ma bie giɔɔrɔ lɛa wa, ma a re gɛ̀ koɛ doɛ̃ ka duduu wa.»

Samayeli1 30:16

Á tɔ́n woo Davida koa ǹ li. Amalɛki tɔrɔn lɛn man nə́ goã pɛsiɛ̃ nɛ gána lɛ paǹ yii-a, bɛ̀ ǹ tá màn bii, màn mii, ǹ màn damata mɛn si Filisiti gána laanka Zudaa gána nɛ, bɛ̀ ǹ tá zɔ́n zɛnɛɛ ka bɛn nɛ.