Luku 12:15 - LAWA A BOO SONBORE

¹⁵ Á pɛ ǹ tumaa nɛ: «Ka n dinin kũ dɛ! Ka n parabaa ka ga màn li baraa nɛ. Min a yiikoonaabaa giala bie doa-n a gɔn màn-a wa, ta bɛa gɔn màn lɛ din na á mɔnaa lɔn.»

LAWA A BOO SONBORE 2011

¹⁵ Á pɛ ǹ tumaa nɛ: «Ka n dinin kũ dɛ! Ka n parabaa ka ga màn li baraa nɛ. Min a yiikoonaabaa giala bie doa-n a gɔn màn-a wa, ta bɛa gɔn màn lɛ din na á mɔnaa lɔn.»

Luku 12:15 Iomraidhean Croise

Kiin1 2:40

Simeyii yoo, á kɛkɛrɛ da a dundun dɔ̀ɔ̃ nɛ, á woo ga a bɛ̀rɛn lɛn li Akiisi li Gaati gána nɛ. Simeyii ná a bɛ̀rɛn lɛn yɛ Gaati. A dɔ laanka a bɔyaa na á goã goon.

Zɔbu 2:4

Zɔ́ɔ tɔ́n pɛ Dɛnaa Lawa nɛ: «Didie n giɛ a din nyin li bɔrɔ. Minbuiin nɛ á boe la a n gɔn màn tumaa kɔ, a ga a din nyin li ni.

Loen 10:3

Min baraa nə n din kalɛɛ, mà asɛ boo sii la. Bɛ̀ á ná a wurumubaa ǹ mànan lɛn yɛ, a n sɔ kiɛ Dɛnaa Lawa la, bɛ̀ a da yaa lɛa.

Loen 37:16

Màn boɛɛn mɛn bɛ́ min sonbore gɔn, á soɛ min baraa a pàãmabaa ǹ màn gigiã nɛ.

Loen 62:10

Minbuiin nɛ n ka piɛ̃ bɛ́ lɔn. Ta ǹ mɛn nə boɛɛn nɛ, ta ǹ mɛn na á tɔ gole yɛ, ǹ kɔn ba màn kɔn lɛa wa. Bɛ̀ n nə́ ǹ tumaa kaa kun, n nə́ ǹ gugurubaa zɔɔ̃, piɛ̃ din tá soɛ ǹ nɛ.

Suusun 15:16

Màn boɛɛn yɛ n nə́ Lawa guguru kɔ gɔ́ɔ̃ nɛ, bɛ á soɛ pàãmabaa nɛ taasiɛ gɔ́ɔ̃ nɛ.

Suusun 16:16

Sii-doɛ̃ á soɛ sana nɛ. Yiridɛnaabaa á soɛ wɔrɔ nɛ.

Suusun 28:16

Nyɛɛnaandɛnaa yiriwɛɛnaa a dí n ka minin koã nɛ. Sɛnɛ, bɛ̀ min mɛn nə́ n piã ka mɛnaa minin la nɛ, á re nyin sasa yii.

Zeremii 6:13

A giala, a kũ ǹ boɛɛndɛnaa ganaa a wo ǹ goledɛnaa yaa, ǹ tumaa n giɛ là li. A kũ ǹ Lawa a boo gii-dalin ganaa a wo ǹ Lawa a wúlu-bɔlen yaa, ǹ tumaa n kɔkɔrɔ.

Ezekieli 33:31

Ǹ tá re die ma li ka zaman kɛa lɛsɔkɔn pinaa bɛ́ lɔn. Maa minin lɛn tá re die giɛ̃ tán ma yɔrɔ-a. Ǹ tá re n too koe maa boon li, sɛnɛ, ǹ ba re ǹ sii wa. A giala, boo kɔɔ̃n nə soe ǹ lɛ-n, sɛnɛ, ǹ foo kɛ nɛ, maǹ nə ǹ dinin là kio.

Misee 2:2

Bɛ̀ ǹ yii bɔ min a wuru li, maǹ kuĩ ǹ si la ka pàã nɛ, ta kion ne, maǹ nɔmɛ a ganaa. Maǹ boe kɛnaa laanka a kion minin yii ni. Ǹ bɔ min yii ni, ǹ na a gɔn màn kũ ǹ si la.

Abakuku 2:9

Kaa wɔ ǹ ka bɔ̀n nɛ! Ka mɛnaa minin la, ka gɔn mànan yɛ, kaa kion minin wɔ lɛa. Ka bàan wɔ bɛ́ lɔn, ka n kaa giãǹ bǎã doe lon, màn mɛn bɛ́ toɛ koe ná a doe ka ganaa wa.

Marki 7:22

naarɛbaa nɛ, yii a bɔ min kɔsɔ gɔn màn li ni, baraabaa nɛ, din kũ-doɛ̃baã nɛ, minin bebele ne, foo a wuu pɛ nɛ, min kɔsɔ tɔ ziziɛ̃ nɛ, din gole kɔ nɛ, ka baãnaabaa nɛ.

Luku 12:16

Yezu wusoo á boo da ǹ nɛ ka sii a kɔnboe goon ne: – Giĩ pàãma goon na á goã, a tán màn-kɔsiɛn nə́ bǐɛ̃ kɔ sɔnbɔraanɛ.

Luku 16:14

*Fariziɛ̃n mɛnɛn bɛ́ wɔrɔ n kɔɔ̃nɛ ǹ ganaa, bɛn dɔn nə́ goã n too koe bɛa boo kɛ lɛ tumaa ganaa, bɛ̀ ǹ nə́ yaa we a ganaa.

Luku 21:34

Yezu mà ǹ ganaa: «Ka n dinin kũ! Kaa taasiɛn baran n doa zɔ́nɔn ganaa, ka yɔ mii baraa nɛ, ka kanaa a gɔ́ɔ̃ bii siin ni wa, màn mɛn bɛ́ toɛ, dɔlɔ bɔ pinaa kɛ lɛ baran da ka tɔwaa wa,

Luku 8:14

Màn tɔrɔ mɛn bɛ́ á mɛnaa nyanɛn bii, bɛ n ka min mɛnɛn bɛ́ boo lɛ miɛ, sɛnɛ, ǹ ba woe nyɛɛnɛ wa, taasiɛn lɛa, gɔn mànan lɛa, ka kanaa a gɔ̀nɔn nyɛɛ ǹ siin lɛa nɛ. Bɛ lɛ n toɛ, ǹ ba nɛ koe a ma wa.

Korɛnti1 6:10

wurumun ni ka yii bɔ miã gɔn màn li wolen ne, yɔ-mili baraan nɛ, minin tɔ-ziziɛ̃lin ni, ka waa zii-a wolen ne, bɛa min kɛ kɔ́n ba re bǎã yii Lawa a kiibaa-n wa.

Kolɔɔsi minin 3:5

Dùũ siin mɛnɛn bɛ́ ka nɛ, ǹ nə́ kanaa dùũ siin lɛa, ka bɛn kaa ka lenlen. Bɛa dùũ siin lɛn nə́ ke: Kɔrɔbaa nɛ, ka gɔgɔrɛbaa nɛ, ka sii baraa zɛnaa a bɔlɔ-sɛ̀-mui ni, ka dùũ sii babaraa nɛ, ka yii miminibaa nɛ bɛ mɛn bɛ́ goon ka dì wúlu bɔ nɛ.

Timote2 3:2

A giala, minbuiinin tá re zuũ-bɔlen biɛ, ǹ ga màn li sii á re kaka koe. Ǹ tá re n dinin laakalɛɛ, ǹ nə n dinin gole kɔ. Ǹ tá re Lawa tɔ ziziɛ̃, ǹ ba re ǹ yɛ wolen bɔlɔ miɛ wa, ǹ ba re bǐɛ̃ doɛ̃ wa. Ǹ tá re n yii we Lawa la,

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»

Zozoe 7:21

Wɔ mànan mɛnɛn goa zia-baa lɛ gɔ́ɔ̃ nɛ, masɛ n má Mezopotamii gána a dɔnkɛ sonbore goon yɛ, ka wɔrɔ kilo paa kɛ miã nɛ, ka sana kuturu goon ne, bɛ dɔ á kilo talɛɛ boe. Ma yii na á bɔ bɛn lɛn li, má ǹ goa. Á ke, ǹ tá durii-n tán maa mɔnaa kion bii, wɔrɔ lɛ tá a giulun.»

Piɛrɛ2 2:14

Yii bɔ lɔn li nə ǹ dí lɛa; sii baraa zɛnaa ba ǹ gɔ̀nɔn boe wa. Maǹ gɔn diɛ min pàã wɛɛnaan ganaa ǹ tá ǹ kuĩ. Ǹ la yii n kakaɛ̃ ka ga màn li baraa nɛ. Bɔ̀n minin manɛ Lawa yɔrɔ-a.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.