Luku 11:48 - LAWA A BOO SONBORE

⁴⁸ Ka n nyɛɛ kɛnɛn, mà ka digolon nya ǹ dí lɛ á kɔɔ̃n ka ganaa. Bɛn nə́ Lawa a boo gii-dalin dɛ, kasɛn manə ǹ yalan zɛnɛɛ.

LAWA A BOO SONBORE 2011

⁴⁸ Ka n nyɛɛ kɛnɛn, mà ka digolon nya ǹ dí lɛ á kɔɔ̃n ka ganaa. Bɛn nə́ Lawa a boo gii-dalin dɛ, kasɛn manə ǹ yalan zɛnɛɛ.

Luku 11:48 Iomraidhean Croise

KZS2 36:16

Sɛnɛ, Izirayeli minin lɛn man nə́ goã yaa we Lawa a dia dí-a wolen lɛn ganaa, ǹ ba Lawa a boon kɛn diɛ sii li wa, ǹ nə́ Lawa a boo gii-dalin foo saa. Bɛ lɛ nɛ, Dɛnaa Lawa a foo-yoo gole kɛ nə́ n sawaa zaman lɛ la, ǹ nə́ ǹ ba boe sii kɔn la ǹ zɛnaa wa.

Zɔbu 15:6

Masɛ sii bie ke wa. N din lɛ n die n diɛ sii ni, n din lɛwɔn nə n din gialaa.

Loen 64:8

Sɛnɛ, Lawa n die kiɛ zuĩ ǹ ni. Bǎã goon ne, a ǹ kũ.

Ezekieli 18:19

Ka n nɔ̀n diɛ kɛnɛn: «Wàa na á baa, dɔlɔ ba n diɛ nɛ mìi ni, ǹ di a sii baraa zɛnaa a lɛa wa?» Nɛ lɛ bɛ́ á kɔ zii lɛ, á sii pepere zɛnaa, á maa landa boon kɛn tumaa tamaa á kɔ ǹ lɛ, sàabaa ba la wa, a yii á re goɛ̃ koo.

Matiə 23:27

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Gere yalan mɛnɛn lalan bɛ́ fu, ka n goon ka bɛn nɛ. Ǹ tá siĩn yɔrɔ-a, sɛnɛ, ǹ gɔ́ɔ̃ piɛ̃maa-n ka gere wen laanka màn bɔnɛɛ tɔrɔ din tumaa nɛ.

Matiə 23:31

Bɛa yɔrɔ lɛ la, ka dinin man siére boe ka dinin wɔ gɔn la, kasɛn man Lawa a boo gii-dalin dɛlen lɛn tɔrɔn lɛa.

Luku 11:47

«Kaa wɔ n ka bɔ̀n nɛ. Ka digolon nə Lawa a boo gii-dalin mɛnɛn dɛ, kasɛn man bɛn yalan zɛnɛɛ pelo.

Luku 11:49

Bɛ lɛ nɛ, Lawa pɛ a boo ne: Ma á re maa boo gii-dalin laanka maa dia dí-a wolen diɛ ka la. Ka tá re ǹ tɛnɛn dii ǹ gã, ka tá re fuu nyɛɛ ǹ tɛnɛn manɛ.»

Rɔmu minin 1:32

A laanɛ ǹ tá doɛ̃ ke mà Lawa pɛ mà bɛa siin kɛn lɛn zɛnaalin doamaa-n ka gɛ̀ nɛ, ǹ ba goɛ̃ bɛa siin kɛn lɛn zɛnaa dinsɔɔ̃ li wa, sɛnɛ, a zɛnaali kɔsɔn dɔn man kɔɔ̃nɛ ǹ ganaa.

Zaaki 5:10

Ma dɔɔ̃nɔn lɛn, Lawa a boo gii-dalin mɛnɛn nə boo da ka Dɛnaa tɔ nɛ, ka dɔn nə nɔmaa si ka ganaa ka bɛn lɛn wɔ bɛ́ lɔn.

Zozoe 24:22

Zozoe tɔ́n pɛ ǹ nɛ: «Táa ka dinin lɛ na á pɛ, mà kasɛn nə́ Dɛnaa Lawa bɔ, ka n die dí nyɛɛ nɛ?» Ǹ nə́ Zozoe lɛ si: «Wɔsɛn dinin lɛ na á pɛ.»