Luku 11:4 - LAWA A BOO SONBORE

⁴ Wɔa sii baraan toa wɔ nɛ, a giala wɔ dɔn dininmaan tá wɔ miãn tumaa zɛ̀rɛn toɛ ǹ nɛ. Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa.»

LAWA A BOO SONBORE 2011

⁴ Wɔa sii baraan toa wɔ nɛ, a giala wɔ dɔn dininmaan tá wɔ miãn tumaa zɛ̀rɛn toɛ ǹ nɛ. Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa.»

Luku 11:4 Iomraidhean Croise

Siin Giala 48:16

Lon a dia dí-a wole mɛn bɛ́, á ma kirisibaa sii baraa tumaa ganaa, a din die a barka da nɛgininin kɛn ganaa. Lawa toa ma tɔ nə n bíi ka ǹsɛn lɛn barka nɛ, ka ma di gole Abrahamu laanka ma di Izaaki wɔ bɛ́ n bíi lɔn. Lawa die a n tɔrɔ mɔnaa gána lɛ nɛ.

Kiin1 8:34

n toa lon n nə ǹ lɛ si, n nə n zaman Izirayeli tɔrɔn lɛn sii baraan toa ǹ nɛ. N goã ń tán mɛn kɔ wɔ digolon la, n wusoo n da ǹ nɛ walan.

Kiin1 8:36

n toa lon, n nə ǹ lɛ si, n nə n dí-nyalin laanka n zaman Izirayeli minin sii baraan toa ǹ nɛ. Ǹ doamaa bɛ́ nɛ ǹ kɔ zii sonbore mɛn lɛ, ǹ kaa bɛ la. La kaa gána lɛ nɛ, gána mɛn lɛ bɛ́ ń kɔ n zaman lɛ la kíɛ̃ lɛa.

Loen 121:7

Dɛnaa Lawa á re n kanbiɛ sii baraa tumaa ganaa, á re n lɛduĩ.

Loen 25:11

Dɛnaa Lawa, maa sã lɛ gole kɔ, á la yii ni. N din tɔ kɛa lɛa, a toa ma nɛ.

Loen 25:18

Ga maa fuu laanka maa nɔmaa kɛ ganaa, n maa sii baraan tumaa toa ma nɛ.

Ozee 14:2

Izirayeli, wusoo n da Dɛnaa Lawa, n Lawa li, a giala, n sii baraa lɛ na á toa n mɛnaa.

Matiə 18:35

Yezu tɔ́n pɛ ǹ nɛ: «Bɛ̀ min mɛn ba ǹ miã zɛ̀rɛ toɛ nɛ ka a foo din tumaa-n wa, maa Díi Lawa n die bɛa dɛnaa biɛ miɛ̃.»

Matiə 26:41

Ka n yii toa koo, ka Lawa nyankɔ, màn mɛn bɛ́ toɛ, ka baran mɛnaa damagɔ́ɔ̃ li ǹ sii-n wa. Sii sonbore zɛnaa ǹ foo tá minbuiin nɛ lon, sɛnɛ, a zɛnaa ǹ pàã na a ba a lon wa.

Luku 11:5

Yezu pɛ a kialandɛnan lɛn manɛ: «Ka ga a ganaa, bɛ̀ ka dinin kɔ́n a giaára na a tan, yǎa a yoo á wo a giaára lɛ li làan ka sorosoro, á pɛ-n kɛnɛn: Maa giaára ganaa, buuru mìi sɔɔ nyɛnɛ masɛ la.

Luku 13:4

Silowee sanabolo bɛ́ á mɛnaa min fulukiwisi mɛn la á ǹ dɛ, ka n taasɛ, mà bɛn man nə́ goã zɛ̀rɛdɛnan lɛa ǹ nə́ la Zeruzalɛmu kiwi minin gialakunun kɛn manɛ?

Luku 22:46

Á pɛ ǹ nɛ: «Wàa na á baa ka á nyuù we? Ka yoo ka Lawa nyankɔ, màn mɛn bɛ́ toɛ, ka nyan mɛnaa damagɔ́ɔ̃li ǹ sii-n wa.»

Luku 8:13

Min tɛnɛn dɔn man goon ka bǎã mɛn bɛ́, a tataã a sɔsɔɔ wa. Maǹ boo lɛ miɛ, ǹ si ka nyɛnyɛɛ nɛ. Sɛnɛ, ǹ ba toɛ boo lɛ giã ǹ wɔlɔ taãn yɛ ǹ foo-n wa. Ǹ golee Lawa li lɛ n biikoo boɛɛn kooro siɛ. Bɛa dɛnan lɛn, bɛ̀ sii kaka nə́ ǹ yɛ lɔn gɔrɔ, maǹ wusii ǹ golee Lawa li kio.

Zaã a sɛ́wɔ 17:15

Ma bie n nyankoe, máa n nə ǹ bɔ n nə ǹ bɔ kanaa lɛ gɔ́ɔ̃-n wa, sɛnɛ, máa n nə ǹ kanbaa *Sɛtaan Baraa kɛ ganaa.

Korɛnti1 10:13

Ka damagɔ́ɔ̃li ǹ siin mɛnɛn yɛ, bɛn man nə́ n zɛnaa minbuiinin man miɛ̃ lɛlɛndun. Lawa n bɔlɔgoondɛnaa lɛa. A re toɛ damagɔ́ɔ̃li la ka pàã yii-n wa. A din tá re pàã koe ka la, ka boo la ka damagɔ́ɔ̃li lɛ si ka ganaa, ka tɔn pàã yɛ ka soo a nɛ.

Kolɔɔsi minin 3:13

Ka toa ka kɔn a sii si ka ganaa. Bɛ̀ min tá taasɛ mà ǹ miã sã á wɔ a lon, ka kɔn a sã toa kɔn nɛ. Ka Dɛnaa din bɛ́ á kaa sii baraan toa ka-n lɔn, ka dɔn nə zɛnaa miɛ̃.

Tesaloniki2 3:3

Dɛnaa n bɔlɔgoondɛnaa lɛa. A din tá re n doe ka lɛ, a ka kanbaa *Sɛtaan baraa kɛ ganaa.

Timote2 4:18

Dɛnaa din tá re ma sii sii baraa tumaa la, á re ma kirisibiɛ, a ma da a lon a kiibaa ǹ bǎã kɛ nɛ. Gugurubaa na a din wɔ lɛa biikoo tumaa li! A n miɛ̃.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.

Sii-nyaan 2:10

Boɛɛnɛ, Sɛtaan lɛ á re n diɛ ka gɔ́ɔ̃ li. A n die kaa min tɛnɛn kuĩ a ǹ zũ kòso-n. Ka á re fuu yii lɛawaa fù gɔ́ɔ̃ nɛ. Bɛa fuu kɛ lɛ nyan nyɛ́ɛ da n ganaa wa. Goã bɔlɔgoondɛnaa lɛa haalɛ ta a n doe n gɛ̀ ganaa. Ma á re nyin nyabaã koe n la, ka a gɔ̀lɔ̀baa ǹ kii bafolo lɛa.

Sii-nyaan 3:10

A giala n nə́ n foo kũ, ń maa boo kɛ kũ doɛ̃. Bɛ lɛ nɛ, koe bɛ́ re boe kanaa tumaa ganaa biikoo mɛn li, a n fuu nyɛɛ ǹ nɛ, bɛa biikoo li, ma dɔ á re n lɛduĩ.