Luku 11:39 - LAWA A BOO SONBORE

³⁹ Dɛnaa Yezu pɛ nɛ: «Á ke, kasɛn Fariziɛ̃n lɛn man kɛnɛn: Ka n paan laanka kunun dɔ̀ɔ̃ pii, mà ǹ *yoreen kɔ. Sɛnɛ, ka dinin gɔ́ɔ̃ kɛ piɛ̃maa nɛ ka mɛnaa minin la ǹ taasiɛn nɛ ka baraabaa nɛ.

LAWA A BOO SONBORE 2011

³⁹ Dɛnaa Yezu pɛ nɛ: «Á ke, kasɛn Fariziɛ̃n lɛn man kɛnɛn: Ka n paan laanka kunun dɔ̀ɔ̃ pii, mà ǹ *yoreen kɔ. Sɛnɛ, ka dinin gɔ́ɔ̃ kɛ piɛ̃maa nɛ ka mɛnaa minin la ǹ taasiɛn nɛ ka baraabaa nɛ.

Luku 11:39 Iomraidhean Croise

Siin Giala 6:5

Dɛnaa yɛ mà màn nə tɔ́n miɛ̃ minbuiinin baraabaa li tán. Biikoo tumaa li, sii baraa zɛnaa dinsɔɔ̃ a taasiɛ nə ǹ foo ne.

KZS2 25:2

Sii mɛn bɛ́ siĩn Dɛnaa Lawa yii li, Amasiya bɛ zɛnaa sɛnɛ, a nə n foo tumaa kɔ Dɛnaa Lawa la wa.

Loen 22:13

Maa zɔ́ɔn nə́ ma da bii ka dii gɔ̀lɔ̀n manɛ. Ǹ nə́ ma lɛnpɛnɛ, ka Basan daã a dii gɔ̀lɔ̀ baraan kɛn manɛ.

Suusun 26:23

Lɛ gɔ́ɔ̃ ǹ boo paparɛ laanka gɔ́ɔ̃ tì, bɛ n goon ka wɔrɔ gɔgɔrɛ nɛ, ǹ nə́ kaa tàan la.

Suusun 26:25

Ta á boo kɔɔ̃n da lɔn, n nyan nə n foo doa a ganaa wa. A giala, a gɔ́ɔ̃ piɛ̃maa-n ka taasiɛ baraan nɛ.

Suusun 30:12

«Min tɛnɛn man taasɛ mà sɔ̀n ba ǹsɛn ganaa wa, a da yaa ǹ gɔ̀ pii ǹ nə́ bɔ ǹ dinin ganaa wa.

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Ezekieli 22:25

Kiwi lɛ a Lawa a boo gii-dalin nə́ kɔn ma boo-a. Ká yàra bɛ́ siĩ soɛ̃ lɔn, á n wɔɔsaa we la, ǹ dɔn man minin dii miɛ̃, ǹ nə́ ǹ wɔrɔ laanka ǹ gɔn mànan goɛ. Maǹ lɔ giɔɔrɔn gialaa ǹ mɔnɛɛ kiwi lɛ nɛ.

Ezekieli 22:27

Kiwi lɛ a nyɛɛnaandɛnan man ka don ginin bɛ́ lɔn siĩ soɛ̃. Ǹ yɔrɔ boemaa nɛ gɛ̀-dɛ taman yii, maǹ minin dii, ǹ nə́ giɛ pàãmaabaa li.

Sofonii 3:3

A nyɛɛnaandɛnan man ka yàran mɛnɛn bɛ́ gini. A kiri-wɔlen man ka don ginin bɛ́ lɔn, ǹ nə́ goɛ̃ bɛ ǹ dɔ dɔ wasamiɛ̃nɛ, sɛnɛ baayɛlɛ, màn kɔn ba goɛ̃ wa.

Matiə 15:19

A giala, taasiɛ naarɛn lɛn man boe a foo ne, bɛn lɛn man diɛ gɛ̀ dɛ ganaa, ka naarɛbaa nɛ, ka kɔrɔbaa nɛ, ka wurumubaa nɛ, ka soɛ-bɔ nɛ, ka min kɔsɔ tɔ ziziɛ̃ nɛ.

Matiə 7:15

Min mɛnɛn bɛ́ Lawa a boo gii-dali soɛ-bɔlen lɛa, ka n parabaa bɛn nɛ. Maǹ die ka li basiɛ̃-n ka sèren bɛ́ lɔn, a da yaa ǹ gɔ́ɔ̃ kɛ n baraa ka don gin basaã-kɔlen manɛ.

Luku 16:15

Yezu pɛ ǹ nɛ: – Kasɛn, ka n nyɛɛ minin yɔrɔ-a mà ka tá pepere, sɛnɛ, Lawa tá ka foon doɛ̃. Sii mɛn bɛ́ sii gole lɛa minbuiin nɛ yɔrɔ-a, bɛ tìĩ n boe-n Lawa nyin ni.

Luku 7:13

Yezu bɛ́ á lɔ lɛ yɛ, a makara kũ, á pɛ lɔ lɛ nɛ: «N baran wuu pɛ doo wa.»

Luku 7:19

ZAÃ nə́ ǹ min paa bɔ, á ǹ dia Dɛnaa Yezu li mà ǹ nɔ̀n da la mà ǹsɛn bɛ́ n yii diɛ Minin Nyin-sili mɛn a daa la, mà a din ni, hinlaa ǹsɛn doamaa nɛ ǹ nə n yii da min kɔsɔ la?

Zaã a sɛ́wɔ 12:6

Zudaasi bɛ́ á bɛ pɛ, a bie ka a nə n gɔ́ɔ̃ bii doobaan sii-n wa, sɛnɛ, wurumu ni. A giala, a din na á goã wɔrɔ koɛ. Bɛ̀ ǹ nə́ wɔrɔ mɛn kaa màn nɛ, a n bɛ koɛ̃.

Zaã a sɛ́wɔ 13:2

Yezu laanka a kialandɛnan man màn bii biikoo kɔ́n li. Bɛ á zɛnɛɛ bɛ̀ *Sɛtaan nə́ saa lɛlɛ, á wɔ Kariyɔtin Simɔn a nɛgiĩ Zudaasi yiri ni, mà a Yezu kɔ a zɔ́ɔn la.

Nya ǹ dín 5:3

Sɛnɛ, Piɛrɛ pɛ nɛ: «Ananiasi, wàa na á baa ń toa *Sɛtaan nə́ n gɔ́ɔ̃ tii kɛnɛn, á n diɛ soɛ bɔ ganaa Lawa a Yiri Fu ni? Táa ma nə n tán giɔ̀mɔ lɛ kɔ́n bɔ.

Galaasi minin 1:14

Má goã woe nyɛɛnɛ Zuifun zii kɛ nɛ, má la ma din miã lɛn tumaa nɛ ma tɔrɔ minin bii. A giala, din kɔ sii ganaa goã ma nɛ wɔ digolon landa siin kɛn lɛa parsiini.

Timote2 3:5

Ǹ tá re n dinin biɛ Lawa a zii tɔ-wɔlen lɛa, sɛnɛ, màn mɛn bɛ́ a zii tɔ-wɔ lɛ a pàã koe ǹ la, ǹ ba re bɛ sii wa. Haya, n bɔ bɛ miã minin kɛn wɔlɔ li ka lenlen!

Tiitii 1:15

Min mɛnɛn bɛ́ *yoreen ne, màn tumaa n yoreen bɛn gɔn. Sɛnɛ, min mɛnɛn bɛ́ gɔgɔrɛ, ǹ nə́ ǹ ba lɛ koe goleemali dɔ ganaa wa, màn kɔ́n ba yoreen bɛn gɔn wa. A giala, mà gɔgɔrɛbaa nə́ ǹ yiri tã, á ǹ taasiɛ dɔ si.

Zaaki 4:8

Ka n mɔrɔ Lawa ganaa, a dɔ á die n mɔrɛ ka dɔn ganaa. Sii baraa-zɛnaalin lɛn, ka n gɔn pii ka bɔ sii baraa nɛ. Gɔ́ɔ̃ paa dɛnan lɛn, ka n gɔ́ɔ̃ kaa dɛ!