Luku 11:36 - LAWA A BOO SONBORE

³⁶ Bɛ̀ min gɔ́ɔ̃ din tumaa á fu, tì boɛɛn ná a ba a-n wa, bɛa dɛnaa n die goɛ̃, sii yii tumaa n foaã nɛ a ganaa, ka bolon bɛ́ a fúlu sonbore kiɛ a ganaa lɔn.»

LAWA A BOO SONBORE 2011

³⁶ Bɛ̀ min gɔ́ɔ̃ din tumaa á fu, tì boɛɛn ná a ba a-n wa, bɛa dɛnaa n die goɛ̃, sii yii tumaa n foaã nɛ a ganaa, ka bolon bɛ́ a fúlu sonbore kiɛ a ganaa lɔn.»

Luku 11:36 Iomraidhean Croise

Suusun 1:5

Sii-dɔ̃lin nə n too kɔ, ǹ tá re màn diɛ ǹ doɛ̃ li. Yiridɛnaan nə n too kɔ, ǹ tá re doroo sonbore yii.

Suusun 20:27

Minbuiin nɛ yiri kɛ n ká bolon bɛ́ lɔn Dɛnaa Lawa kɔ la, a n wɔlɔ fúli yǎa a gɔ́ɔ̃ nɛ.

Suusun 6:23

Doroo n ka bolon bɛ́ lɔn, daraa n wɔlɔ fúlu lɛa. Gɔn waa manɛ n min yii buĩ. A n yiikoonaabaa ǹ zii lɛa.

Izayii 42:16

Yii tere-an bɛ́ ǹ ba zii mɛn doɛ̃ wa, man diɛ ǹ kiɛ bɛ la. Man die ǹ kiɛ tɔ wɔ ganaa zii la, zii mɛn bɛ ǹ ba doɛ̃ wa. Man die tèlò bɔyɛɛ ma baa wɔlɔ fúlu lɛa ǹ nyɛɛnɛ. Ǹ bɛ́ n gòã niɛ̃ màn mɛn ganaa, man bɛ boe ma bɔ ǹ nyɛɛnɛ. Ma sii mɛn taasɛ, a din nə ke. Ma a re wusii ma kio-n wa.

Izayii 8:20

ka die ka ǹ lɛ si kɛnɛn: «Wɔ doamaa nɛ, wɔ kɔ Dɛnaa Lawa a boon laanka a doroon lɛ.» Min mɛn bɛ́ a zɛnɛɛ miɛ̃ wa, bɛa re baayɛlɛ a wɔlɔ fúlu yii wa.

Ozee 6:3

Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.

Matiə 13:52

Á tɔ́n pɛ ǹ nɛ: «Bɛ lɛ na á toa, landa sii-daraalin tá re yii, ǹ Lawa dɔ̃ ǹ kii lɛa. Bɛn lɛn man kɔnboe ka kiondɛnaa kɔ́n nɛ, gɔn màn dii laanka a zizi boe a naforo ne.»

Matiə 5:15

Ǹ bie bólon lɛ siɛ̃ bɛ̀ ǹ tan kuməə-a wa. Maǹ diɛ lon, a wɔlɔ fúlu bɔ kion min din tumaa nɛ.

Luku 11:35

Bɛ lɛ nɛ, didie nə n foo lɛ bũ, a toa bolon fúlu kɛ wɔ a nɛ, màn mɛn bɛ́ toɛ, a gɔ́ɔ̃ baran tii wa.

Luku 11:37

Yezu bɛ́ á boo da á nya, *Fariziɛ̃n giĩ goon nə́ bíi a piɛ, mà a da màn bii. Yezu wɔ kion á giã tán màn-bii la.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Efɛɛzi minin 4:14

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Ebrəə 5:14

Sɛnɛ, min golen sɛn, màn-bii kaka nə ǹsɛn wɔ lɛa. Baraabaraa a sii-zɛnaa nə́ ǹsɛn daraa, sii bǐɛ̃ laanka a baraa dɔ̃ a bɔkɔnlɛ ganaa.

Zaaki 1:25

Sɛnɛ, bɛ̀ min mɛn nə́ n yii wɔ Lawa a minin doroo ǹ boo lɛ piɛ̃ kɛ-n taãn-taãnɛ, bɛ mɛn bɛ́ wɔ boe sii ni, bɛ̀ n dɛnaa nə́ n doa a ganaa ka a parsiini, a bɛ́ boo mɛn miɛ, bɛ̀ a yiri á goɛ̃ bɛ nɛ, á n tɔ we á kɔnpii ni, Lawa á die barka we bɛa dɛnaa nɛ a nya ǹ dín gɔ́ɔ̃ nɛ.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.