Luku 11:34 - LAWA A BOO SONBORE

³⁴ Min yiin nànan man ka bolon bɛ́ lɔn a gɔ̀nɔn ganaa. Bɛ̀ min yiin tá siĩni, maǹ wɔlɔ fuli a gɔ̀nɔn din tumaa nɛ. Sɛnɛ, bɛ̀ min yiin ba siĩn wa, a gɔ̀nɔn din tumaa n wɔlɔ tì li.

LAWA A BOO SONBORE 2011

³⁴ Min yiin nànan man ka bolon bɛ́ lɔn a gɔ̀nɔn ganaa. Bɛ̀ min yiin tá siĩni, maǹ wɔlɔ fuli a gɔ̀nɔn din tumaa nɛ. Sɛnɛ, bɛ̀ min yiin ba siĩn wa, a gɔ̀nɔn din tumaa n wɔlɔ tì li.

Luku 11:34 Iomraidhean Croise

Siin Giala 19:11

Min mɛnɛn bɛ́ kion lɛ a kiɛnlɛ-a, ǹ nə́ bɛn yii tã, a saa nɛnyaanan ganaa, a wo min golen yaa, ǹ kɔ́n yii kiɛnlɛ yɛ doo wa.

Loen 119:18

Ma yii bũ, a wɔlɔ yɛ sɔnbɔraanɛ. Sii dadaran mɛnɛn bɛ́ n landa boon kɛn nɛ, ma boo la ma bɛn yɛ.

Loen 81:12

Sɛnɛ, maa zaman lɛ nə n too kɔ maa lɛ-dia ganaa wa. Izirayeli mà a ba ma li wa.

Suusun 21:4

Ga ka yɔrɔ baraa nɛ, ka din gole kɔ nɛ, bɛ n min baraan sii baraa giala pii.

Suusun 28:22

Min mɛn bɛ́ baa sii naforo kio, a ba doɛ̃ mà doobaabaa á re yii wa.

Izayii 29:10

A giala, Dɛnaa Lawa ka yiri tã, á kaa Lawa a boo gii-dalin sàabaa sii-yɛn ganaa, á màn kɔ kaa gɔn-nɔɔlin yɔrɔ lɛ.

Izayii 42:19

Die n yii tere-a lɛa bɛ̀ maa dí-nyali kɛ bie wa? Die n too tere-a lɛa ka dia dí-a wole kɛ bɛ́ lɔn má dia? Die n yii tere-a lɛa, ka min kɛ bɛ́ lɔn má bɔ má koa, yii tere-a lɛa ka Dɛnaa Lawa a dí-nyali kɛ bɛ́ lɔn?

Izayii 44:18

Bɛa minin kɛn ba màn kɔn doɛ̃ wa. Ǹ ba sii kɔn giala miɛ wa. A giala, ǹ yii na á tã màn mɛn bɛ́ toɛ ǹ baran wɔlɔ yɛ wa, ǹ yiri na á tã màn mɛn bɛ́ toɛ ǹ baran boo giala ma wa.

Izayii 5:20

Kaa wɔ n ka bɔ̀n nɛ, kasɛn mɛnɛn bɛ́ pii mà sii baraa n siĩni, mà sii sonbore n baraa. Ka n penleen bɔyɛɛ ka baa tèlò lɛa, ka tèlò bɔyaa ka baa penleen lɛa. Màn mɛn bɛ́ kɔɔsɛ, ka n bɛ bɔyɛɛ ka baa kɔɔ̃nɛ. Màn mɛn bɛ́ kɔɔ̃nɛ, ka n bɛ bɔyɛɛ ka baa kɔɔsɛ.

Izayii 6:10

Ǹ yiri lɔlɔkɔn, n nə ǹ too tã, n nə ǹ yii tã màn mɛn bɛ́ toɛ, ǹ yii nyan wɔlɔ yɛ wa, ǹ too nyan boo ma wa, ǹ yiri tã. Ka bɛ-n kəni, ǹ ba re wusii ǹ da ma li wa, ǹ ba re kaka koe wa.

Zeremii 5:21

Ka n too kɔ kəni, tɔrɔ yiriwɛɛnaan kɛn, baãnaan lɛa. Ka yiin tan sɛnɛ ǹ ba wɔlɔ yii wa, ka toon tan sɛnɛ ǹ ba boo miɛ wa.

Marki 4:12

màn mɛn bɛ́ toɛ, a kɔnpɛ ka Lawa a boo kɛ nɛ: «Ǹ tá re giɛ ǹ yii laa, sɛnɛ, ǹ yii a re wɔlɔ yii wa, ǹ tá re n too koe ǹ nɔmaa, sɛnɛ, ǹ ba re boo miɛ wa. Bɛ bie wa, ǹ tá re wusii ǹ da Lawa li, Lawa dɔ á die ǹ sii baraan toɛ ǹ nɛ, sɛnɛ, bɛ bɛ́ a bie ǹ yii li ǹ sii lɛa wa.»

Marki 7:22

naarɛbaa nɛ, yii a bɔ min kɔsɔ gɔn màn li ni, baraabaa nɛ, din kũ-doɛ̃baã nɛ, minin bebele ne, foo a wuu pɛ nɛ, min kɔsɔ tɔ ziziɛ̃ nɛ, din gole kɔ nɛ, ka baãnaabaa nɛ.

Marki 8:18

Yiin bɛ́ ka lon, ǹ ba wɔlɔ yii wa? Toon bɛ́ ka lon, ǹ ba boo miɛ wa?

Luku 11:35

Bɛ lɛ nɛ, didie nə n foo lɛ bũ, a toa bolon fúlu kɛ wɔ a nɛ, màn mɛn bɛ́ toɛ, a gɔ́ɔ̃ baran tii wa.

Nya ǹ dín 13:11

Á ke, Dɛnaa tá n gialaa sisia kəni. N tá re yii tere-a biɛ, n yii ba re wasa dɔ din yii doo wa, yǎa biikoo kɔ́n doe.» A din bǎã-n gɔrɔ Elimasi yii tã. Á goã n bibiĩ a n giɛ min li, mà a na asɛ nyɛɛnaan bɔ.

Nya ǹ dín 2:46

Ǹ goã nyaabiɛ Lawa a kion wa. Maǹ nə́ goã n lɛ kiɛ kun bɛ̀ ǹ wo baraabaraa. Maǹ nə́ goã màn bii kɔn a piɛn nɛ kun, ka nyɛnyɛɛ nɛ ka foo sonbore ne.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Korɛnti2 11:3

Sɛnɛ, nyɛ́ɛ tá ma ganaa, máa ka yiri á die ziziɛ̃, ka miɛ̃ bɛ́ á Ɛvu yiri sã ka soɛ-n lɔn. Doa-kɔn sonbore *yoreen mɛn bɛ́ ka bii ka Krita nɛ, ma ba li máa ka n na, ka n bɔ bɛ ganaa wa.

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Efɛɛzi minin 1:17

Wɔa Dɛnaa Yezu Krita a Lawa, Díi mɛn bɛ́ gugurubaa ná a wɔ lɛa, bɛ die a Yiri Fu kɔ ka la, bɛ Lawa nyaa ka nɛ, ka boo la ka dɔ̃ taãnɛ.

Efɛɛzi minin 6:5

Bɛ̀rɛn lɛn, ka kaa tán a mìinaan kɛn lɛ si, ka nyɛ́ɛ baa ǹ nɛ, ka ǹ guguru kɔ ka foo sonbore ne, ka n pɛ mà ka n dí nyɛɛ *Krita nɛ.

Kolɔɔsi minin 3:22

Bɛ̀rɛn lɛn, ka kaa kanaa a goledɛnan lɛn bɔlɔ si ka sii din tumaa nɛ, ka dí nya ǹ nɛ. Ǹ bɛ́ giɛ ka gɔn li mɛnɛn, bɛa lɛa bie wa. Ka baran zɛnaa, ka n pɛ mà ka n giɛ li, ka kɔɔ̃n kɔ minin ganaa wa. Sɛnɛ, ka zɛnaa ka gɔ́ɔ̃ fu ni, nyɛ́ɛbaa Dɛnaa yii-n wolen sii n ka bɛ nɛ.