Luku 11:32 - LAWA A BOO SONBORE

³² Kiri-kurii pinaa, Ninivu kiwi minin tá re yui, kun ka pelo minin kɛn nɛ, ǹ ka zɛ̀rɛ baa. A giala, Ninivu minin lɛn bɛ́ ǹ nə́ Zonaasi a lɛ-dia lɛ ma, ǹ nə́ wusoo ǹ sii baraan kio, ǹ nə́ ǹ tɔ wɔ ǹ gɔn bɔyaa. Á ke! Min tá kànaa á n gole Zonaasi ni.»

LAWA A BOO SONBORE 2011

³² Kiri-kurii pinaa, Ninivu kiwi minin tá re yui, kun ka pelo minin kɛn nɛ, ǹ ka zɛ̀rɛ baa. A giala, Ninivu minin lɛn bɛ́ ǹ nə́ Zonaasi a lɛ-dia lɛ ma, ǹ nə́ wusoo ǹ sii baraan kio, ǹ nə́ ǹ tɔ wɔ ǹ gɔn bɔyaa. Á ke! Min tá kànaa á n gole Zonaasi ni.»

Luku 11:32 Iomraidhean Croise

Zonaasi 3:4

Zonaasi pinin goon tɔ wɔ kiwi lɛ nɛ bɛ̀ á n parɛɛ á n pii: «Kànaa ka lɛawaa pusi, Lawa á die Ninivu bɔ̀n biɛ.»

Zonaasi 3:5

Ninivu minin lɛn nə bɛ ma lɔn, ǹ nə́ gole Lawa a boo li. Ǹ nə́ lɛ dia, mà min tumaa nə n lɛ sɔɔ. A saa min golen ganaa, a wo nɛnyaanan yaa, ǹ nə́ gɛ̀ koa ǹ mɔnaan wɔ ǹ dinin ganaa ǹ nə́ nyaa mà ǹsɛn nə́ wusoo ǹ sii baraan kio.

Zonaasi 4:9

Lawa tɔn pɛ nɛ: «Sonbore tá n lon n foo yoo da kɛ lɛ a gɛ̀ taman yii?» Zonaasi ná a lɛ si: «Sonbore tá ma lon ma foo yoo taãn-taãnɛ, yǎa a doe gɛ̀ ganaa.»

Matiə 12:39

Yezu tɔ́n pɛ ǹ nɛ: – Pelo min babaraan, Lawa bɔlɔ tii wolen kɛn man giɛ kaãbaa ǹ sii li! Kaãbaa ǹ sii kɔ́n ba re n nyɛɛ ka nɛ, a kiɛ̃ Lawa a boo gii-dali Zonaasi wɔ kɛ la wa.

Matiə 12:41

Kiri kurii pinaa, Ninivu kiwi minin kɛn tá re yui ǹ golee kɔn yɔrɔ-a ka pelo minin kɛn nɛ, ǹ zɛnaa ǹ sii á re pelo minin kɛn biɛ koe, a giala Zonaasi bɛ́ á woo Boo Tii Kɔɔ̃n pɛ Ninivu, a minin nə́ n taasɛ ǹ nə́ wusoo ǹ sii baraan kio. Màn tá kànaa á gole á la Zonaasi-n dɛ!

Luku 11:31

Kiri-kurii pinaa, lɔ mɛn bɛ́ á goã kii lɛa Saabaa gána nɛ, bɛ á re yui, kun ka pelo minin kɛn nɛ, a ǹ zɛ̀rɛ baa. A giala, bɛa lɔ kɛ na á goã á bɔ kanaa bǎã sɔɔsɔɔ nɛ, á daa n too kɔ kii Salomɔn a sii-doɛ̃ boon kɛn ganaa. Á ke! Min tá kànaa á n gole Salomɔn nɛ.

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.