Luku 11:24 - LAWA A BOO SONBORE

²⁴ Yezu pɛ: «Bɛ̀ nɔ̀ɔn baraa nə́ n bɔ min ganaa, a n woe n bibiĩ diə bǎãn nɛ, a ga mìi susu ǹ bǎã li. Bɛ̀ a susu ǹ bǎã yɛ wa, a n pii mà asɛ n die wusii, a wo a bɔ ǹ bǎã lɛ nɛ, a giã walan.

LAWA A BOO SONBORE 2011

²⁴ Yezu pɛ: «Bɛ̀ nɔ̀ɔn baraa nə́ n bɔ min ganaa, a n woe n bibiĩ diə bǎãn nɛ, a ga mìi susu ǹ bǎã li. Bɛ̀ a susu ǹ bǎã yɛ wa, a n pii mà asɛ n die wusii, a wo a bɔ ǹ bǎã lɛ nɛ, a giã walan.

Luku 11:24 Iomraidhean Croise

Zɔbu 1:7

Dɛnaa Lawa nɔ̀n da Zɔ́ɔ lɛ la kɛnɛn: «Ma n boe maa kəni?» Zɔ́ɔ lɛ Dɛnaa Lawa lɛ si: «Ma ma woo n bibiə̃ kanaa, má kɔɔ̃naa wɔ.»

Zɔbu 2:2

Dɛnaa Lawa nɔ̀n da la: «Ma n boe maa kəni?» Zɔ́ɔ lɛ Dɛnaa Lawa lɛ si: «Man má woo n bibiə̃ kanaa, má kɔɔ̃naa wɔ.»

Loen 63:1

Davida a loe, bɛ̀ a bɛ́ don sabii Zudaa gána nɛ.

Suusun 4:16

Bɛa minin kɛn lɛn ba nyuù we bɛ̀ ǹ nə́ ǹ sii baraa zɛnaa wa. Ǹ ba nyuù naɛ̃ ǹ yii-a bɛ̀ ǹ sii baraa zɛnaa min ni wa.

Izayii 35:7

Nyɔɔsɔ̃ fuu kɛ á re n bɔyɛɛ a pɛrɛ baa, tán gere á re bɔyɛɛ, a mu yala bǎã baa. Tolokan nə goã giã ǹ bǎã mɛn nɛ, bùruu laanka sawɛɛ á re boe walan.

Izayii 44:3

Taãn nɛ, mu boro bɛ́ tán mɛn ganaa, ma á re toɛ mu baa si bɛ la, tà baa si tán gere la. Ma á re ma yiri gisĩ n nɛnyaanan la, ma barka da n nɔ̀ɔ fulupaa ganaa.

Izayii 48:22

Sɛnɛ, Dɛnaa Lawa pɛ: «Yii-nyɛɛ banban min baraan wɔ lɛa wa.»

Marki 5:10

Nɔ̀ɔnɔn lɛn nə́ Yezu nyankɔ parsiini, mà a baran ǹsɛn loo a ǹsɛn bɔ gána lɛ-n wa.

Marki 9:25

Yezu bɛ́ á yɛ zaman nə́ tɔn nə n nanaɛ die ǹ li, á paraa nɔ̀ɔnɔn lɛn li, á pɛ ǹ nɛ: «Kasɛn mɛnɛn bɛ́ min kurii boo diɛ laanka boo ma ganaa, man pii ka nɛ, máa ka woo ka n bɔ nɛ kɛ lɛ nɛ, ka nyan toa ka da a ganaa doo duduu wa!»

Luku 11:25

Bɛ̀ nɔ̀ɔn lɛ daa, a n yiɛ bɛa dɛnaa kɛ lɛ min sonbore baa, a sii yii n telee ne, á n kɔnboe ka kion mɛn bɛ́ ke ǹ nə́ wɔraa, ǹ ná a gɔ́ɔ̃gɔ́ɔ̃ ǹ mànan tetele.

Efɛɛzi minin 2:2

Ka ǹ ká goã bɛ lɛ gɔ́ɔ̃-n lɛlɛ, bɛ̀ ka bɛ́ tɔn koe kanaa kɛ a zɛnaa ǹ siin lɛ. Kanaa lɛ a goledɛnaa mɛn bɛ́ kii lɛa lon laanka tán biin ni, yiri lɛa dí nyɛɛ Lawa bɔlɔ-tiilin bii, ka ǹ ká goã bɛ bɔlɔ sii.

Piɛrɛ1 5:8

Ka n yii dɔraa, ka ka dinin kũ. Kaa zɔ́ɔ *Sɛtaan lɛ n kɔɔ̃nɛɛ, ka yàra wɔɔsaa-wɔle bɛ́ lɔn. A n giɛ, a bɛ́ re doe min mɛn-a a kũ.