Luku 10:42 - LAWA A BOO SONBORE

⁴² Sii goon toto n ke laadoo sii lɛa. Mariya na á màn sonbore yii gɔgɔɔ̃. Bɛ dɔ a re n sii la doo duduu wa.

LAWA A BOO SONBORE 2011

⁴² Sii goon toto n ke laadoo sii lɛa. Mariya na á màn sonbore yii gɔgɔɔ̃. Bɛ dɔ a re n sii la doo duduu wa.

Luku 10:42 Iomraidhean Croise

Loen 119:111

N gɔn waa ma-n boon kɛn man maa naforo lɛa yǎa duduu. Ǹ dinin lɛn man ma foo kɔɔ̃n koe.

Loen 119:173

N gɔn dia n nə n dɔ ma lɛ, a giala, má lɛ kɔ n doroo boon lɛn ganaa.

Loen 119:30

Masɛ n má bɔlɔgoondɛnaabaa ǹ zii saa. Masɛ n maa wɔ toɛ n din a sii yɔrɔ bɔ lɛ ganaa.

Loen 142:5

Ga ma gusin, n tá re yii: min kɔn din ba ma la wa. Baa si a duru ǹ bǎã kɔn ba ma la wa. Min kɔn din banban, bɛ nə́ n gɔ́ɔ̃ bii ka maa sii-n wa.

Loen 17:15

Sɛnɛ, masɛ wɔ paǹ li, peperebaa gɔ́ɔ̃ nɛ, ma á re kɔn yii ka n din ni. Bɛ̀ má yoo lɔn, má kɔn yɛ ka n din ni, ma foo n nyɛɛ.

Loen 27:4

Man má màn goon nyankɔ Dɛnaa Lawa lon, man giɛ bɛ lɛ li: ma goã Dɛnaa Lawa a kion kɛ nɛ maa yiitákoobaa tumaa gɔ́ɔ̃ nɛ, ma ga Dɛnaa Lawa a siĩnbaa ganaa, ma ga a din foo sii li a kion sonbore kɛ nɛ.

Loen 73:25

Maa min kɔsɔ banban lon wa, yǎa n din. Màn kɔsɔ a ma foo kɔɔ̃n koe tán la wa, yǎa n din.

Boo-laakalaali 12:13

Màn mɛn tumaa nə n pɛ, wɔ n too kɔ bɛ gɔn nyɔmiɛ̃ ganaa: nyɛ́ɛ baa Lawa nɛ, n na a gɔn waa ǹ boon tamaa. A giala minbuiin nɛ doamaa-n ka bɛ nɛ.

Marki 8:36

A là n ka wàa nɛ, min kanaa gɔn màn tumaa yɛ, a din nyin wusoo a papaã?

Luku 10:39

Bɛa lɔ lɛ diɛ̃lɔ na á goã, a tɔ n Mariya. Bɛ́ daa giã tán Dɛnaa yɔrɔ-a, a nə́ n too koe a boo ganaa.

Luku 11:1

Ǹ kɔ́n pinaa Yezu na á goã Lawa nyankoe bǎã kɔ́n nɛ. A bɛ́ á nya, a kialandɛnaa goon pɛ: «Dɛnaa, wɔsɛn daraa Lawa nyankɔ ganaa, ka ZAÃ bɛ́ á goã a ná a kialandɛnan daraa-a lɔn.»

Luku 12:20

Sɛnɛ, Lawa pɛ nɛ: «Nsɛ baãnaa ke! Pelo tèlò kɛ lɛ din ni, Lawa á die n nyin sii n la. N bɛ́ n màn mɛn lɛ sɔkɔn bɛ n die die wɔ biɛ?»

Luku 12:33

«Ka n gɔn mànan sã, ka a wɔrɔ kɔ doobaan la. Gɔn màn kaa ǹ bǎã mɛn bɛ́ a ziziɛ̃ wa, a n Lawa li, ka ga bɛ li. Gɔn màn ba papaɛ̃ walan wa, wurumu a doe a li wa, nimii dɔ a kuĩ wa.

Luku 16:2

á ǹ dia ǹ nə lɛ dia la. Á tɔ́n nɔ̀n da la mà a na á wàa sii zɛnaa ke? Mà a na a dí nya ǹ gɔn nyaa asɛ nɛ. Mà a kũ sisia ganaa mà a ba re asɛ gɔn mànan sii yɔrɔ boe doo wa.

Luku 16:25

Abrahamu pɛ nɛ: Maa nɛ, n yiri gisĩ a nɛ, ń gɔn màn gigiã yɛ kanaa, Lazaarɛ sɛ na á goã á nɔmaa gole yɛ. Sisia Lazaarɛ dɔ na a yii-nyɛɛ ǹ bǎã nɛ, bɛ̀ n dɔ á fuu yii.

Luku 18:22

Yezu bɛ́ á bɛ ma, á pɛ nɛ: «Sii goon tá tɔn nə n nyaabiɛ: N gɔn màn tumaa sã, n na a wɔrɔ gii doobaan manɛ. N tá re gɔn màn gigiã yii lon Lawa a piɛ. Bɛ zɛnaa n tɔn da kɔ masɛ kio lɛ.»

Luku 8:18

«Bɛ lɛ tɔ ganaa, ka yiri bɔ ka dinin too kɔ ǹ gɔn li. A giala màn bɛ́ min mɛn lon, kɔsɔ á re n diɛ bɛa dɛnaa wɔ li, màn boɛɛn bɛ́ min mɛn lon, a ná a ba giɛ a màn da li wa, bɛ lɛ dɔ á re n sii la.»

Zaã a sɛ́wɔ 11:1

Giĩ goon na á goã Betaanii kiwi, a tɔ n Lazaarɛ, busu goã a ganaa. Mariya laanka ǹ golo Marti dɔ n bɛa kiwi lɛ a minin lɛa.

Zaã a sɛ́wɔ 11:19

Zuifu gigiã bɔ walan ǹ nə́ daa Marti laanka Mariya ǹ miãgiĩ lɛ a gɛ̀ fòo da ǹ nɛ.

Zaã a sɛ́wɔ 12:3

Mariya donkolon kɔ́n saa á daa nɛ. Nyɔɔ gìĩ kɔɔ̃n ná a nɛ, a giɔ̀mɔ n kaka parsiini, a yii n ka yoreen yoreen, a n zɛnaa ka da mɛn yon ne, a tɔ n naára. Á bɛa nyɔɔ lɛ kaa Yezu gòãn ganaa, á ǹ tuturu ka a din mìi ka nɛ. A gìĩ kion lɛ gɔ́ɔ̃ tumaa si á n kɔ lɛ.

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Zaã a sɛ́wɔ 4:14

sɛnɛ, masɛ bɛ́ re mu koe min mɛn la a mi, mu boro a bɛa dɛnaa kuĩ doo duduu wa. Ma bɛ́ re mu mɛn koe la a mi, bɛ lɛ n die n biɛ ka mu yala bɛ́ lɔn, nyin nyabaã n boe a nɛ.»

Zaã a sɛ́wɔ 5:24

«Man taãn pii ka nɛ, bɛ̀ min mɛn nə́ n too kɔ masɛ a boo ganaa, á golee maa dia wole li, nyin nyabaã n bɛa dɛnaa wɔ lɛa. Kiri ba bɛa dɛnaa-a wa, sɛnɛ, bɛa dɛnaa na á soo gɛ̀ nɛ á wɔ yiikoonaabaa nɛ.

Zaã a sɛ́wɔ 6:27

Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Korɛnti1 13:3

Ta má n gɔn màn tumaa gii bòonaan manɛ, ta má n gɔ̀nɔn da tɛ-n, bɛ̀ kɔn-narɛɛ ba ma lon wa, ma a màn kɔ́n yii a-n wa.

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Timəə dí-pɛn 30:19

Pelo, man lon laanka tán biɛ maa siére lɛa: yiikoonaabaa laanka gɛ̀-n ma á koɛ ka yɔrɔ-a, ka lɛn bǐɛ̃ laanka a baraa nɛ. Ka yiikoonaabaa ǹ zii saa, màn mɛn bɛ́ toɛ, ka yii goã koo, ka dinin laanka kaa nɛnyaanan nɛ.

Zozoe 24:15

Sɛnɛ, bɛ̀ dí nya Dɛnaa Lawa nɛ lɛ a siĩni ka yii li wa, ka dinin bɛ́ li ka dí nya min mɛn nɛ, ka bɛ bɔ pelo. Ka digolon nə lawa kɔsɔn mɛnɛn guguru kɔ bɛ̀ ǹ bɛ́ tɔn giã-n Efrati tà kio, hinlaa ǹ bɛ́ giã-n Amɔɔrɔ tɔrɔn mɛnɛn gána nɛ, bɛn dìn kɛn. Masɛ laanka maa kion minin ni sɛn, wɔsɛn man die dí nyɛɛ Dɛnaa Lawa nɛ.»

Zozoe 24:22

Zozoe tɔ́n pɛ ǹ nɛ: «Táa ka dinin lɛ na á pɛ, mà kasɛn nə́ Dɛnaa Lawa bɔ, ka n die dí nyɛɛ nɛ?» Ǹ nə́ Zozoe lɛ si: «Wɔsɛn dinin lɛ na á pɛ.»