Luku 10:31 - LAWA A BOO SONBORE

³¹ Á daa yaa Lawa a wúlu-bɔle goon nə́ kiɛ̃ ka bɛa zii lɛ nɛ, á giĩ lɛ yɛ, sɛnɛ, á zii lɛ bɔ á kiɛ̃.

LAWA A BOO SONBORE 2011

³¹ Á daa yaa Lawa a wúlu-bɔle goon nə́ kiɛ̃ ka bɛa zii lɛ nɛ, á giĩ lɛ yɛ, sɛnɛ, á zii lɛ bɔ á kiɛ̃.

Luku 10:31 Iomraidhean Croise

Samayeli2 1:6

Tɔntɔraagiĩ lɛ tɔ́n pɛ nɛ: – Sii lɛ bɛ́ n zɛnɛɛ, bɛ̀ masɛ n Gilboa kele la. Ma bɛ́ giɛ, bɛ̀ Sayulu á ke walan n din we a sɛmiɛ̃ lɛ, zɔ́ɔn ziabaa ǹ wotoron laanka sùidɛnan nə́ giɛ li ǹ nə́ doe a ganaa.

Loen 142:4

Ma gù yii bɛ́ á gã ma din-a, n din tá doɛ̃, ma bɛ́ woe maa. Ma zii mɛn saa má n tɔ we la, ǹ nə́ kan koa maa zii la.

Loen 69:20

N tá doɛ̃, mà maǹ sɔ kiɛ ma la, ǹ nə́ ma puusə koe, ǹ nə́ sìi diɛ ma ganaa. N din yii tá maa zɔ́ɔn lɛn tumaa ganaa, n yɔrɔ-a.

Suusun 21:13

Min mɛn bɛ́ n too tiɛ̃ pàãwɛɛnaa a lɛ dɛ ganaa, a dɔ á re gu diɛ, min ná a ba n nyiĩ la wa.

Boo-laakalaali 9:11

Má yɛ doo kanaa kɛ nɛ: min mɛnɛn bɛ́ ǹ baa si miã banban wa, baa-si a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ kakabaa miã banban wa, zia a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ sii-doɛ̃ miã banban wa, lɛ-a ǹ bii yɛ bie bɛn wɔ lɛa, biikoo tumaa li wa. Min mɛnɛn bɛ́ ǹ yiri miã banban wa, naforo bie bɛn wɔ lɛa, biikoo tumaa li wa. Min mɛnɛn bɛ́ ǹ doɛ̃ miã banban wa, sii lɛ bie koo bɛn gɔn biikoo tumaa li wa. A giala, biikoo laanka sii tá parɛɛ ǹ tumaa ganaa.

Izayii 58:7

Ka kaa màn-bii gii kɔn ka bòonaa nɛ, ka kiɛnlɛ bũ doobaan manɛ, ǹ mɛnɛn kion bɛ́ a banban ka mɔnaa wɔ mɔnaa wɛɛnaa ganaa, ka nyan nə n dɔ̀ɔ̃ wɔ ka dɔɔ̃n nɛ wa.

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Ozee 5:1

Lawa a wúlu-bɔlen lɛn, ka n too kɔ! Izirayeli minin lɛn, ka n too kɔ doɛ̃: Kii a sumu minin lɛn, ka n too da! Sii kɛ lɛ a kiri n die kuĩ ka dinin mìi ni. A giala, kaa zɛnaa ǹ sii kɛ na á kan baa Misipaa kiwi, a na á biɛ baa ká koa Tabɔɔrɔ kele kɛ la,

Ozee 6:9

Ká wurumu kuru bɛ́ kuu koe minin ganaa lɔn, Lawa a wúlu-bɔlen kurun man nɛn bɛ̀ ǹ minin dɛ Sisɛmu zii la miɛ̃. Bɛa sii bɔbɔnɛɛ kɛ lɛ nɛ ǹ tá zɛnɛɛ.

Malakii 1:10

Bɛ̀ kaa min goon na á woo Lawa a kion kɛa kiɛnlɛn tã á soɛ. Ka a re woe tɛ koɛ wúlu bɔ ǹ bǎã kɛ-n kooro wa. A bɛ miɛ̃ kaa yɛ ka ma yiin din ba foo kɔɔ̃n goon din lɛa ma ganaa wa, ka bɛ́ wúlu bɔ ǹ mànan mɛnɛn dɔn koe ma la, man pii ka nɛ, ma ba ǹ li wa, masɛ Dɛnaa Lawa Pàãyiidɛnaa mà miɛ̃.

Luku 10:30

Yezu wusoo á boo saa á pɛ nɛ: «Giĩ goon ne, á soo Zeruzalɛmu a n woe Zerikoo. Á woo n dɔ basaã-kɔlen bii. Ǹ nə́ kũ ǹ ná a gɔn màn yii si, ǹ ná a dinmaa dɛ ǹ nə́ koa gɛ̀ li foɛɛ̃nɛ. Ǹ nə́ woo ǹ nə́ toa tán walan.

Luku 10:32

Min mɛnɛn bɛ́ dí nyɛɛ Lawa a wúlu-bɔlen lɛn kio, ǹ nə́ *Levii tɔrɔn lɛa, bɛn goon dɔ́ daa dɔ bɛa bǎã lɛ nɛ, á giĩ lɛ yɛ, sɛnɛ, a dɔ́ zii lɛ bɔ á kiɛ̃.

Uruti 2:3

Á woo ɔrzi bún lɛ bɔ wuru kɔn nɛ, ɔrzi-kurulin lɛn basa la. A mìi kɔɔ̃n kɔ, á woo yaa bɛ̀ bǎã lɛ n Elimelɛkin tanlɛ min Boazi wɔ lɛa.