Luku 10:22 - LAWA A BOO SONBORE

²² «Masɛ Di Lawa na á màn din tumaa sii toa ma gɔn. Min kɔ́n ba doɛ̃ Nɛgiĩ lɛ bɛ́ min mɛn lɛa wa, bɛ̀ á n bɔ Díi din ni. Min kɔ́n ba doɛ̃ Díi lɛ bɛ́ màn mɛn lɛa wa, yǎa Nɛgiĩ lɛ din, ka bɛ̀ Nɛgiĩ lɛ lɛ kɔ á nyaa min mɛn nɛ.»

LAWA A BOO SONBORE 2011

²² Masɛ Di Lawa na á màn din tumaa sii toa ma gɔn. Min kɔ́n ba doɛ̃ Nɛgiĩ lɛ bɛ́ min mɛn lɛa wa, bɛ̀ á n bɔ Díi din ni. Min kɔ́n ba doɛ̃ Díi lɛ bɛ́ màn mɛn lɛa wa, yǎa Nɛgiĩ lɛ din, ka bɛ̀ Nɛgiĩ lɛ lɛ kɔ á nyaa min mɛn nɛ.»

Luku 10:22 Iomraidhean Croise

Matiə 11:25

A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.

Matiə 11:27

Maa Díi Lawa na á màn din tumaa sii toa ma gɔn. Min kɔ́n ba Nɛgiĩ doɛ̃ wa, bɛ̀ á n bɔ Díi dinsɔɔ̃ nɛ, min kɔ́n ba Díi doɛ̃ wa, bɛ̀ á n bɔ a Nɛgiĩ lɛ dinsɔɔ̃ laanka Nɛgiĩ lɛ bɛ́ li a nyaa min mɛn nɛ.

Matiə 28:18

Yezu nə́ n zɔ̃ á dɔ, á pɛ ǹ nɛ: «Lawa pàã tumaa kɔ ma la lon, á kɔ ma la tán.

Zaã a sɛ́wɔ 1:18

Min kɔ́n bin Lawa yɛ ka a yii-n wa, sɛnɛ, Nɛgiĩ goon toto kɛ lɛ Lawa lɛa, giã-n Díi Lawa din li, bɛ lɛ na á nyaa wɔ nɛ, wɔ dɔ̃.

Zaã a sɛ́wɔ 13:3

Yezu dinmaa lɛ á doɛ̃ sɛn, mà asɛ a Díi na á sii din tumaa a pàã kɔ asɛ la. Á doɛ̃ mà asɛ na á bɔ Lawa li á daa, mà asɛ n wusii á woe Lawa li.

Zaã a sɛ́wɔ 17:10

Masɛ wɔ din tumaa nə n wɔ lɛa, ka n dɔ wɔ din tumaa bɛ́ masɛ wɔ lɛa lɔn. Má gugurubaa yɛ ǹ sii gɔ́ɔ̃ nɛ.

Zaã a sɛ́wɔ 17:2

N din nə́ n pàã kɔ masɛ la minbuiinin tumaa mìi la. A kɔnpɛ ka bɛ lɛ nɛ, n min mɛn tumaa kɔ masɛ la, má nyin nyabaã kɔ bɛn lɛn la.

Zaã a sɛ́wɔ 17:26

Má n tɔ nyaa ǹ nɛ, ma á die wusii ma nyaa ǹ nɛ doo, màn mɛn bɛ́ toɛ, n masɛ narɛ lɔn, bɛa kɔn-narɛɛ kɛ lɛ goã ǹ dɔn lon, masɛ dɔ́ goã kunun ǹ ni.»

Zaã a sɛ́wɔ 17:5

Maa Díi, sisia kəni, gugurubaa mɛn goã ma lon n din li, bɛ̀ kanaa bɛ́ a tɔn nə n giala kɔ wa, wusoo n bɛ lɛ kɔ ma la n din li.

Zaã a sɛ́wɔ 3:35

Díi Lawa tá a Nɛgiĩ lɛ narɛ, á sii din tumaa toa a gɔn.

Korɛnti1 15:24

Bɛ kio kəni kanaa a nya nɛ. Krita n die lon màn pàãdɛnan tumaa laanka ǹ goledɛnan tumaa ziziɛ̃, a tɔn kiibaa kɔ Díi Lawa la.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Efɛɛzi minin 1:21

A na á koa lon màn pàãdɛnan tumaa mìi la, ka ǹ goledɛnan nɛ. Tɔ mɛn bɛ́ boe la a tá n koe pelo a kanaa kɛ nɛ, ka kanaa kɛ-n die, a na á koa bɛ tumaa mìi la.

Ebrəə 2:8

n màn din tumaa da a pàã giulun.» Sonbore, Lawa bɛ́ á «màn din tumaa da a pàã giulun» ke, a màn kɔ́n lɛ bɔ á da wa. Haalɛ ka bɛ yii ni, wɔ a doɛ̃ bɔrɔ wáa màn din tumaa tá a pàã giulun wa.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.

Zaã2 1:9

Daraa mɛn bɛ́ n we Krita wɔ gɔn la, bɛ̀ min woo min soo á n bɔ bɛ nɛ, á woo para li, Lawa a kun ni wa. Min mɛn bɛ́ goɛ̃ bɛa daraa kɛ gɔ́ɔ̃ nɛ, Díi Lawa laanka a Nɛgiĩ tá kun ka bɛa dɛnaa nɛ.