Luku 10:21 - LAWA A BOO SONBORE

²¹ A din bǎã-n gɔrɔ Lawa a Yiri Fu Yezu da nyɛnyɛɛ ganaa parsiini. Á pɛ: «Díi, lon laanka tán a dɛnaa, ma á barka diɛ nɛ. A giala, n din ni ń bɛa siin kɛn duru sii-dɔ̃lin laanka yiridɛnan la, n nə́ ǹ nyaa min bɔnboɛɛnən manɛ. Díi Lawa, bɛa zɛnaa miɛ̃ kɛ na á kɔɔ̃n kɔ n din ganaa.

LAWA A BOO SONBORE 2011

²¹ A din bǎã-n gɔrɔ Lawa a Yiri Fu Yezu da nyɛnyɛɛ ganaa parsiini. Á pɛ: «Díi, lon laanka tán a dɛnaa, ma á barka diɛ nɛ. A giala, n din ni ń bɛa siin kɛn duru sii-dɔ̃lin laanka yiridɛnan la, n nə́ ǹ nyaa min bɔnboɛɛnən manɛ. Díi Lawa, bɛa zɛnaa miɛ̃ kɛ na á kɔɔ̃n kɔ n din ganaa.

Luku 10:21 Iomraidhean Croise

Loen 24:1

Davida a loe n ke. Kanaa laanka a gɔ́ɔ̃gɔ́ɔ̃ ǹ màn tumaa n Dɛnaa Lawa wɔ lɛa. Tán nɛ, ka mànan mɛnɛn bɛ́ la, ǹ tumaa n Dɛnaa Lawa wɔ lɛa.

Loen 25:14

Min mɛnɛn bɛ́ nyɛ́ɛ biɛ Dɛnaa Lawa nɛ, a nə n gɔ́ɔ̃ pii bɛn manɛ, a na a lɛ kɔ kɔn la ǹ boo lɛ giala pii bɛn manɛ.

Loen 8:2

Dɛnaa Lawa, wɔsɛn Mìinaa, asɛ nɛ, n tɔ golebaa tán tumaa pã! N kii golebaa ǹ loe lon pã á kiɛ̃.

Izayii 29:14

Bɛ lɛ nɛ, á ke, man die kaãbaa ǹ siin zɛnɛɛ, ma maa zaman tɔwaa nɛ. Ta ǹ tá sii-dɔ̃lin lɛa, ǹ ba re màn kɔn giala miɛ ǹ nɛ wa. Ta ǹ tá yiridɛnan lɛa, ǹ doɛ̃ wolen ba re boe la ǹ sii kɔn giala pɛ wa.»

Izayii 35:8

Zii gole á re yii walan ǹ bíi "sonborebaa ǹ zii". Gɔ̀dɛnaa kɔn ba re boe walan wa, a n die goɛ̃ Lawa a zaman dinsɔɔ̃ wɔ lɛa. Baãnaan ba re die n dinin daɛ walan wa.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Izayii 62:5

Ká tɔntɔraa bɛ́ kɔn we ka a nɛniɛ-n lɔn, min mɛn bɛ́ n doe, bɛ lɛ n die n zuũ biɛ. Ka lɔ tii bɛ́ n zuũ foo kɔɔ̃n koe lɔn, n dɔ n die Dɛnaa Lawa foo kɔɔ̃n koe miɛ̃.

Izayii 66:1

Dɛnaa Lawa n kɛ pii: Lon nə maa kii dankan lɛa, tán nə maa gòãn kaa ǹ bǎã lɛa. Ka n boe la ka kion mɛn dɔ maa wɔ lɛa? Bǎã mɛn nɛ má n boe la man susu a nɛ.

Sofonii 3:17

Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

Matiə 16:17

Yezu tɔ́n pɛ a dɔ nɛ: – Zonaasi a nɛgiĩ Simɔn ganaa, n wɔ na á bǐɛ̃ kɔ. A giala minbuiin nɛ bie á kɛ nyaa n nɛ wa, ma Di Lawa na á nyaa n nɛ.

Matiə 21:16

Ǹ nə́ tɔ́n pɛ nɛ: «Ǹ bɛ́ boo mɛn diɛ, táa n tá miɛ.» Yezu tɔ́n pɛ ǹ nɛ: – Ma á miɛ̃. Sɛnɛ, ka tɔn kɛ pɛ Lawa a boo sɛ́wɔ-n duduu wa? «A ná a din tɔ bɔ ǹ boo wɔ nɛnyaan bɔnboɛɛnɛn laanka nɛnyaan tiɛɛ̃nɛn lɛ-n.»

Matiə 3:7

ZAÃ bɛ́ á yɛ ǹ mɛn waáraa, mà *Fariziɛ̃ gigiã laanka *Sadusɛɛ̃ gigiã á die asɛ li, mà asɛ batɛmu da ǹ ganaa, a na á pɛ ǹ nɛ: «Ka kɔrɔka tɔrɔn kɛn! Die na á pɛ ka nɛ, mà Lawa a foo busu ǹ kiri gole mɛn bɛ́ die, mà ka á boe la ka baa si ka la bɛ la?

Marki 10:15

Man pii ka nɛ ka boo taãn nɛ: Bɛ̀ min mɛn lɛ kɔ Lawa a kiibaa ǹ boo kɛ ganaa ka nɛnyaan bɛ́ lɔn wa, bɛa dɛnaa a re we wa.»

Luku 15:5

Bɛ̀ á bɛa goon kɛ lɛ yɛ, a n siɛ a da a kɔrɔn a foo n kɔɔ̃nɛ.

Luku 15:9

Bɛ̀ á yɛ, a na a giaáran lɛ soekɔn ka ǹ miãkɛnɛn nɛ, a pɛ ǹ nɛ mà ǹ nə nyɛnyɛɛ kun asɛ nɛ, a giala mà asɛ a wɔrɔ we mɛn bɛ́ á papaã, mà asɛ wusoo á yɛ!

Zaã a sɛ́wɔ 11:41

Ǹ nə́ kɔlɔ lɛ bɔ ǹ nə́ bɔ lɛ. Bɛ kio, Yezu nə́ n yii saa lon, á pɛ: «Maa Díi, ma á barka diɛ n nɛ, a giala, n masɛ lɛ si.

Korɛnti2 4:3

Haalɛ ka bɛ yii ni, ma Boo Tii Kɔɔ̃n mɛn pɛ ka nɛ, bɛ̀ á tɔn tì, a n tì papaã wolen ganaa.

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Efɛɛzi minin 1:5

a na á saa lɛlɛ, á wɔ baa a din a nɛnyaanan lɛa ka Yezu Krita barka nɛ. A na á zɛnaa miɛ̃, a giala mà bɛ á kɔɔ̃n a ganaa.