Luku 10:15 - LAWA A BOO SONBORE

¹⁵ Nsɛ Kafaranaamu kiwi ganaa, ma n taasɛ mà n tá re gole koe, yǎa n doe Lawa ganaa? Haayii! N tá re gisĩ yaa bɔ̀nbaa ǹ tɛ gole kɛ nɛ.»

LAWA A BOO SONBORE 2011

¹⁵ Nsɛ Kafaranaamu kiwi ganaa, ma n taasɛ mà n tá re gole koe, yǎa n doe Lawa ganaa? Haayii! N tá re gisĩ yaa bɔ̀nbaa ǹ tɛ gole kɛ nɛ.»

Luku 10:15 Iomraidhean Croise

Siin Giala 11:4

Ǹ nə́ tɔ́n pɛ kɔn nɛ doo: «Ka daa wɔ kiwi koa, wɔ sanabolo dɔ a nɛ, yǎa a mìi la doe Lawa ganaa! Ka daa wɔ n dinin tɔ bɔ, màn mɛn bɛ́ toɛ, wɔ baran sasawaa tán la bǎã tumaa nɛ, wɔ n bɔ kɔn ganaa wa.»

Izayii 5:14

Geren piɛ yɔrɔ boemaa nɛ, a lɛ buĩmaa-n banabana. Zeruzalɛmu a min yii guguru-an, laanka a zaman tumaa tá re kiɛ walan ǹ zɔ́nən kɛn gòã wuu li.

Zeremii 51:53

Ta Baabilonii din dii lon sɔsɔɔ, ta á n duru kungɔn sɔsɔrɔn kio, min mɛnɛn bɛ́ re die a ziziɛ̃ taman yii, ǹ gɔn tá re doe a ganaa. Ma dinmaa nə ǹ diɛ. Dɛnaa Lawa a da ǹ boo ne.

Ezekieli 26:20

Bɛa biikoo li, lɛlɛ minin kɛn yala-n, ma á re n diɛ kun ka bɛn nɛ. Ma á re tán giulun kɛ biɛ n giã ǹ bǎã lɛa. Min mɛnɛn bɛ́ yala-n, n tá re goɛ̃ kun ka bɛn nɛ, n nə n baa ka kɛbɔlɔ zizi á ke lɔn, màn mɛn bɛ́ toɛ, min din baran giã n nɛ doo wa, n nyan bǎã yɛ yiikoonaan kanaa kɛ-n doo wa.

Ezekieli 31:18

Edɛn dù gɔrɔ a dan kɛn mɛn nə n zoɛ̃ n ganaa ka siĩnbaa laanka golebaa nɛ? Sɛnɛ, ǹ nə́ ke ǹ nə́ n dɔ gisĩ, ǹ nə́ n da tii li kunun ǹ ni. N tá re wɛɛ tán soroman kɛn bii, n min mɛnɛn lɛn kakã ka gɔya nɛ. Sii mɛn bɛ́ re Faarahɔn laanka a zaman tumaa yii, a din lɛ n ka kɛ nɛ. Ma din Dɛnaa Lawa a da ǹ boo ne.»

Ezekieli 32:18

– Minbuiin a nɛ, makara bɔ ǹ wuu pɛ Ezipti gána a zaman kɛ la. Wuu pɛ n Ezipti minin lɛn da zii, ǹ wo kun ka tɔrɔ kakan kɛn minin ni tán giulun, geren bǎã nɛ.

Ezekieli 32:20

Sonbore, zia min mɛnɛn bii, Ezipti minin lɛn tá re woe kun ka bɛn nɛ. Zia lɛ a biikoo dɔ. Ka Ezipti gána laanka a zaman tumaa nafɔ̃, ka kiɛ̃ ǹ nɛ!

Ezekieli 32:27

Lɛlɛ a zia-baali kakan kɛn, ǹ nə ǹ geren bĩ kun ka bɛn nɛ wa. Bɛn man nə́ goã nyɛ́ɛ kiɛ minin ganaa, yiikoonaan kanaa kɛ nɛ. Sɛnɛ, ǹ nə́ ǹ gere bĩ kun ka ǹ ziabaa ǹ mànan nɛ, ǹ nə́ ǹ gɔya san kaa ǹ mìi li, ǹ gɛ̀-dɛ lɛ a gugurubaa mɛ ǹ we la.

Abdiasi 1:4

Haalɛ ta ma nə ń piɛ̃, ń woo lon ka giogialatã-a bɛ́ lɔn, á kɔɔ̃nɛ, n wo n kii dɔ lon a leeren bii, man die n boe walan, ma n da tán! Ma din Dɛnaa Lawa a da ǹ boo ne.

Matiə 10:28

Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.

Matiə 11:23

Kasɛn Kafaranaamu minin kɛn man taasɛ mà ka n die gole koe yǎa Lawa ganaa? Ka n die gisĩ yǎa bɔ̀nbaa ǹ tɛ gole kɛ nɛ. A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Sodɔmu, kiwi kɛ lɛ Lawa ziziɛ̃ ka tɛ nɛ, bɛ̀ a tá tɔn a tan haalɛ pelo.

Matiə 4:13

A golee Nazarɛti kiwi wa. A na á kiɛ̃ á woo giã Kafaranaamu. Bɛ n Galilee tà lɛkoro-a ǹ kiwi goon lɛa, Zabulɔn laanka Nɛfutalii gána nɛ.

Luku 13:28

Wuu-pɛ laanka sɔ kerebɔ á re yii, biikoo mɛn waáraa bɛ̀ ǹ nə́ wɔ digolo Abrahamu yɛ, ka Izaaki ni ka Zakɔba nɛ, ka Lawa a boo gii-dalin kɛn tumaa nɛ, bɛn nə́ Lawa a kiibaa ǹ bǎã kɛ nɛ, ǹsɛn nə́ zuĩ-n kanaa.

Luku 16:23

Pàãma lɛ bɛ́ yii wɔ̃ ǹ bǎã-n geren piɛ, á n yii saa lon á Abrahamu yɛ sɔsɔɔ, Lazaarɛ ná a genli.»

Timəə dí-pɛn 1:28

Wɔ n die woe maa? Wɔ dɔɔ̃nɔn lɛn dɔn nə́ wɔ foo biɛ na, bɛ̀ ǹ bɛ́ ǹ nə́ pɛ: Gána lɛ a minin tá didi ǹ nə́ la wɔ nɛ, ǹ tá kaka dɔn, ǹ nə́ la wɔ nɛ. A kiwin tá dadara, kungɔnun nə́ ǹ lɛnpɛnɛ, sasa lon ka piwɔɔn! Anaaki ke, á goã sasa gegere, wɔ bɛ tɔrɔn yɛ walan.»

Piɛrɛ2 2:4

Lon a dia dí-a wolen mɛnɛn nə sii baraa zɛnaa, Lawa bɛn dinin toa wa. A na á ǹ kaa papaã ǹ bǎã wɔlɔ tì kɛ li, ǹ nə́ kòso-n walan, n yii diɛ kiri-kurii pinaa kɛ la.