Luku 10:11 - LAWA A BOO SONBORE

¹¹ mà haalɛ ǹ kiwi lɛ a tii gusuũ mɛn bɛ́ á kũ ka gòãn ganaa, mà kasɛn man bɛ lɛ dɔ din tuturi ka kɔ ǹ la. Ka pɛ ǹ nɛ, mà ka bɛ din tumaa nɛ, mà ǹ dɔ̃ mà Lawa a kiibaa lɛ dɔ.»

LAWA A BOO SONBORE 2011

¹¹ mà haalɛ ǹ kiwi lɛ a tii gusuũ mɛn bɛ́ á kũ ka gòãn ganaa, mà kasɛn man bɛ lɛ dɔ din tuturi ka kɔ ǹ la. Ka pɛ ǹ nɛ, mà ka bɛ din tumaa nɛ, mà ǹ dɔ̃ mà Lawa a kiibaa lɛ dɔ.»

Luku 10:11 Iomraidhean Croise

Ezekieli 2:5

Ǹ bɛ́ n piã-wɔlen lɛn lɛa, bɛ̀ ǹ nə́ n too kɔ n lon, ta ǹ nə n too kɔ ǹ lon wa, ǹ tá re doɛ̃, mà Lawa a boo gii-dali tá ǹsɛn bii.

Matiə 10:14

Bɛ̀ kion, hinlaa kiwi mɛn a minin nə́ n piã, ǹ yu ǹ bǎã kɔ ka la wa, hinlaa mà ǹ ba n too koe ka lon wa, ka n gòã gusuũ duduu. Bɛ kio, ka soo ka n bɔ walan.

Matiə 10:7

Ka n toa woe, bɛ̀ ka tá Lawa a boo laakalɛɛ ka n pii: «Lon a kiibaa lɛ a biikoo diri!»

Matiə 3:2

A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔ bii sisia.»

Marki 6:11

Bɛ̀ bǎã mɛn a minin nə́ n piã, mà ka baran n yu ǹsɛn la wa. Bɛ̀ ǹ nə́ n piã, ǹ nə n too kɔ ka lon wa, ka n gòã gusuũ duduu, ka soo ka n bɔ walan: Bɛ n gɔn waa ǹ sii lɛa ǹ wɔ paǹ li.»

Luku 10:10

Bɛ̀ ka wɔ kiwi mɛn nɛ, yǎa bɛa minin nə n piã ka nɛ, ka soo a ziin la, ka pɛ

Luku 10:9

Ka bɛa kiwi lɛ a busulən kaka kɔ, ka pɛ ǹ nɛ mà *Lawa a kiibaa lɛ dɔ ǹ li.

Luku 9:5

Bɛ̀ ka woo kiwi mɛn nɛ yǎa a minin nə n piã ka nɛ, ka n gòã gusuũ duduu bɛa kiwi lɛ-a, ka soo ka n bɔ a nɛ.»

Nya ǹ dín 13:26

Pooli pɛ doo: – Dɔɔ̃nɔn lɛn, ta ka n Abrahamu tɔrɔn lɛa hinlaa ta ka n tɔrɔ kɔsɔn lɛa, ka n nyɛ́ɛ biɛ Lawa nɛ, kirisibaa ǹ boo kɛ na á n dia wɔsɛn tumaa wɔ lɛa.

Nya ǹ dín 13:40

Bɛ lɛ nɛ, ka yiri bɔ ka dinin li, màn mɛn bɛ́ toɛ, Lawa a boo gii-dalin nə màn mɛn pɛ, bɛ baran ka yɛ wa. Maǹ nə́ goã ǹ nə́ pɛ:

Nya ǹ dín 13:46

Pooli laanka Barnabaasi pɛ ǹ nɛ ka foo tãbaa nɛ: – Lawa a boo kɛ lɛ doamaa nɛ a n pɛ ka dinin lɛn man bɔrɔ, sɛnɛ, ka bɛ́ ka n piã nɛ, ka ga ka dinin ganaa mà kasɛn doamaa bie ka nyin nyabaã kɛ-n wa, bɛ lɛ nɛ, wɔsɛn manə bɔyɛɛ wɔ n yɔrɔ da tɔrɔ kɔsɔn la.

Nya ǹ dín 13:51

Pooli laanka Barnabaasi nə́ ǹ tán a tii gusuũ duduə ǹ nə́ bɔ ǹ gòãn-a, ǹ nə́ soo ǹ nə́ woo Ikoniɔmu.

Rɔmu minin 10:21

Sɛnɛ, Izirayeli wɔ gɔn la, Lawa pɛ: «Duduu, má n gɔn dia tɔrɔ bɔlɔgoonbaã, piã wole la. Sɛnɛ, bɛ din tumaa kio, Izirayeli Lawa bɔlɔ tii, á n piã nɛ.»

Rɔmu minin 10:8

A na á n pɛ mà wàa dɔn? «Lawa a boo lɛ tá n li foɛɛ̃nɛ, a tá n lɛ-n, a tá n gɔ́ɔ̃ nɛ.» Wɔ bɛ́ boo mɛn laakalɛɛ, bɛ giala n ka kɛ nɛ: Lawa yɔrɔ-a, barka na a goleemali dinsɔɔ̃ nɛ.

Ebrəə 1:3

Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.