Luku 1:72 - LAWA A BOO SONBORE

⁷² Mà asɛ n die dí nyɛɛ, a kɔnpɛ a din a lɛ-kɔ kɛ nɛ wɔ digolon ne, mà asɛ yiri a die boe ka bɛa lɛ kɔ kɛ lɛ-n wa.

LAWA A BOO SONBORE 2011

⁷² Mà asɛ n die dí nyɛɛ, a kɔnpɛ a din a lɛ-kɔ kɛ nɛ wɔ digolon ne, mà asɛ yiri a die boe ka bɛa lɛ kɔ kɛ lɛ-n wa.

Luku 1:72 Iomraidhean Croise

Siin Giala 12:3

Bɛ̀ min mɛnɛn nə́ lɛn bǐɛ̃ bíi n li, ma á re lɛn bǐɛ̃ bíi bɛa dɛnan li. Bɛ̀ min mɛnɛn nə́ lɛn pipiã bíi n li, ma á re lɛn pipiã bíi bɛa dɛnan li. Kanaa a tɔrɔn tumaa wɔ á re bǐɛ̃ koe n wɔ gɔ́ɔ̃ nɛ.»

Siin Giala 22:18

Kanaa a tɔrɔn dinin tumaa á die lɛn bǐɛ̃ bíi kɔn li ǹ pɛ: «Lawa barka wɔ n nɛ ka Abrahamu tɔrɔn wɔ bɛ́ lɔn.» A giala, ń masɛ bɔlɔ si.

Siin Giala 26:4

Ma á die a tɔrɔn mɔnɛɛ, ka lon a leeren bɛ́ lɔn, ma bǎãn kɛn lɛn tumaa kɔ ǹ la. Kanaa a tɔrɔn tumaa á die lɛn bǐɛ̃ bíi kɔn li, ǹ pɛ: «Lawa die a barka wɔ n nɛ, ka Abrahamu tɔrɔn wɔ bɛ́ lɔn.»

Siin Giala 28:14

N tɔrɔn tá re mɔnɛɛ ka tán tii bɛ́ lɔn. N gána á die gole koe, a wo lɛ̀giala laanka lɛ̀nyɛɛn li, a wo gɔsɛ a lɛ̀gɔn laanka gusin a lɛ̀gɔn la. Kanaa a tɔrɔn tumaa wɔ á re bǐɛ̃ koe, n din wɔ laanka n tɔrɔn wɔ gɔ́ɔ̃ nɛ.

KZS1 16:16

A lɛ-kɔ mɛn wɔ ka Abrahamu ni, bɛ lɛ nɛ. A na á baa liɛ lɛa Izaaki ni.

Loen 105:42

Á n yiri koa a din a lɛ kɔ ǹ boo sonbore kɛ nɛ, á pɛ a dí-nyali Abrahamu ni.

Loen 106:45

Á n yiri koa a din a lɛ kɔ kɔn la kɛ lɛ nɛ, á doa kɔn-a ǹ nɛ. A kɔn-narɛɛ gole gole kɛ taman yii, á wusoo a busii lɛ kio.

Loen 111:5

A din na a nyɛ́ɛbaa ma yii-n wolen toe. A yiri a boe ka a lɛ kɔ kɔn la kɛ-n duduu wa.

Loen 98:3

Á n yiri koa a din a kɔn-narɛɛ gole kɛ nɛ, ká a bǐɛ̃ duduu kɛ nɛ, Izirayeli tɔrɔ minin wɔ paǹ li. Á wo kanaa paǹ tumaa yaa, min tumaa yɛ, mà Lawa n wɔ kirisibaali lɛa.

Ezekieli 16:60

Sɛnɛ, ma lɛ kɔ kɔn la mɛn wɔ ka n nɛ n tenmaa waáraa, ma á re n yiri koɛ bɛ li. Man die lɛ kɔ kɔn la duduu we ka n nɛ.

Ezekieli 16:8

Bɛ kio, ma bɛ́ má wusoo má bɔ walan doo, má n yɛ. Bɛa biikoo li, bɛ̀ ń dɔ lɔbaa ganaa. Ma tɔ́n maa mɔnaa lɛkoro lɛ bɔ má kɔ n lɛ, má n sìi duru ni. Bɛ kio má n lɛ kɔ n la, má n liɛ n nɛ. Máa n masɛ wɔ baa ka bɛa yɔrɔ lɛ nɛ. Ma din Dɛnaa Lawa a da ǹ boo ne.

Lawa a wúlu-bɔlen 26:42

masɛ dɔ lɛ kɔ kɔn la mɛn wɔ kɔn ka ǹ digolo Zakɔba nɛ, ka Izaaki laanka ka Abrahamu ni, masɛ dɔ á re bɛ lɛ piɛ̃. Ma lɛ kɔ kɔn la mɛn wɔ kɔn ǹ nɛ gána lɛ dɔ wɔ paǹ li, ma á die bɛ dɔ lɛ piɛ̃.

Misee 7:20

N tá re n sonborebaa nyɛɛ Zakɔba tɔrɔn kɛn manɛ, n tá re n giaárabaa nyɛɛ Abrahamu tɔrɔn kɛn manɛ. N lɛ kɔ wɔ digolon la ka sii mɛn nɛ haalɛ bibi, a din lɛ n ka bɛ nɛ.

Rɔmu minin 11:28

Ǹ piã ka Lawa a boo tii kɔɔ̃n kɛ lɛ taman yii ni, Zuifun tá Lawa a zɔ́ɔn lɛa. Bɛ na á n zɛnaa kasɛn tɔrɔ kɔsɔn kɛn bǐɛ̃ a lɛa. Sɛnɛ, Lawa din a minin bɔ kɛ wɔ gɔn la, Lawa tá ǹ narɛ ǹ digolon lɛ-a.

Rɔmu minin 9:4

Ǹ dinin lɛn man Izirayeli minin lɛa, maǹ Lawa din a tɔrɔ lɛa, á ǹ bɔ a nɛnyaanan lɛa, a ná a din a gugurubaa kɛ nyaa ǹ nɛ. A na á lɛ kɔ kɔn la wɔ ka ǹ dinin ni, a ná a dí-pɛn kɔ ǹ la, a ná a din guguru kɔ ǹ gɔn nyaa ǹ nɛ, á n lɛ kɔ ǹ la gunyin damata ka kirisibaa ǹ boo ne.