Luku 1:68 - LAWA A BOO SONBORE

⁶⁸ «Min tumaa Dɛnaa, Izirayeli a Lawa tɔ bɔ! Á n yɔrɔ da wɔsɛn la, á wɔ nyin si, a giala, wɔ na a din a tɔrɔ lɛa.

LAWA A BOO SONBORE 2011

⁶⁸ «Min tumaa Dɛnaa, Izirayeli a Lawa tɔ bɔ! Á n yɔrɔ da wɔsɛn la, á wɔ nyin si, a giala, wɔ na a din a tɔrɔ lɛa.

Luku 1:68 Iomraidhean Croise

Siin Giala 14:20

Asɛ mɛn bɛ́ á n zɔ́ɔn wɔ n gɔn, a tɔ die a bɔ.» Abramu mànan lɛn tumaa a fùbaa ǹ wɔ bɔ, á kɔ la.

Siin Giala 24:27

«Maa barka tá Dɛnaa ganaa, maa dɛnaagiĩ Abrahamu a Lawa ganaa, bɛ mɛn bɛ́ á sonborebaa taãn nyaa maa dɛnaagiĩ ni, a ná a lɛkɔmala ǹ siin tumaa lɛ pã a wɔ paǹ li. N din ni n mɛ masɛ nyɛɛnɛ, n daa ma koa maa dɛnaagiĩ ǹ dɔɔ̃nɔn kion.»

Siin Giala 9:26

Bɛ kio á pɛ: «Gugurubaa nə n kɔ Dɛnaa, Sɛmu a Lawa la. Kanaan die a n baa Sɛmu a bɛ̀rɛ lɛa!

Kiin1 1:48

á tɔ́n pɛ kɛnɛn dinin: «Barka tá Dɛnaa Lawa ganaa, Izirayeli a Lawa lɛ, a giala á min kɔsɔ da maa kiibaa lɛ la, ma yii boo la á yɛ!»

Kiin1 8:15

Á n toa: – Maa barka tá Izirayeli a Lawa, Dɛnaa Lawa ganaa! A goã á n lɛ kɔ ma di Davida la ka sii mɛn nɛ, a din na á bɛ lɛ pã. A na á goã á pɛ-n kɛnɛn:

Loen 106:48

Barka Dɛnaa Lawa, Izirayeli a Lawa. Barka nə n wɔ lɛa duduu yǎa duduu. Zaman tumaa pɛ: Hiĩ, a n miɛ̃! Aleluya, ka Dɛnaa Lawa tɔ bɔ!

Loen 111:9

Dɛnaa Lawa din na á ná a minin si sii la, á lɛ kɔ kɔn la wɔ ǹ nɛ yǎa duduu. Dɛnaa Lawa tɔ lɛ n siĩni, a n gole.

Loen 130:8

A din nə die wɔsɛn sã ǹ siin lɛn tumaa a guĩ siɛ, a bɔ wɔ mìi ni.

Loen 41:13

N nə́ n dɔ ma lɛ, maa zɛ̀rɛbaabaã taman yii, biikoo tumaa li, n din nə ma tamaɛ n din yɔrɔ-a.

Bɔ bɛ̀rɛbaa nɛ 4:31

Zaman lɛ golee ǹ li. Ǹ ná a giala ma, mà Dɛnaa na á Izirayeli nɛnyaanan lɛn nɔmaa ǹ gɔn lɛ yɛ, mà a na á daa, á n die ǹ sii sii la. Ǹ nə́ kaa tán, ǹ nə́ Lawa guguru kɔ.

Luku 1:71

mà asɛ á re wɔ boe wɔa zɔ́ɔn gɔn, mà asɛ á re wɔ kirisibiɛ wɔa zɔ́ɔn ganaa.

Luku 19:44

Ǹ tá re n yui lenlen, n din laanka n gɔ́ɔ̃gɔ́ɔ̃ ǹ minin ni. Ǹ ba re kɔlɔ toɛ ǹ miã la n gɔ́ɔ̃-n wa. A giala, Lawa biikoo mɛn bɔ á daa, mà a nə n sii sii la, n bɛa biikoo lɛ dɔ̃ wa.»

Luku 2:38

A dɔ bɛ́ á soo gɔrɔ á kɔnpɛ ka nɛnyaan lɛ a kɔ Lawa la nɛ, á yoo á n Lawa tɔ boe. Bɛ kio, á nɛ lɛ boo da Zeruzalɛmu kiwi minin manɛ, ǹsɛn mɛnɛn bɛ́ ǹ yii diɛ mà Lawa á die ǹsɛn gána nyin sii.

Luku 24:21

A na á goã wɔsɛn yiri ni, wɔ́ a din lɛ n die Izirayeli nɛnyaanan bɔ fuu-n wole lɛ biɛ. Sɛnɛ, bɛa siin lɛn zɛnaa a lɛawaa sɔɔbaa ǹ wɔ n ke pelo.

Luku 7:16

Nyɛ́ɛ min tumaa kũ, ǹ nə́ goã Lawa tɔ boe bɛ̀ ǹ nə́ pii: «Lawa a boo gii-dali gole na á bɔ wɔsɛn bii. Lawa na á daa n dɔ a din a tɔrɔ boe kɛ lɛ.»

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Ebrəə 9:12

Krita bɛ́ á kiɛ̃ mɔnaa kion lɛ nɛ, a na á wɔ Bǎã Sonbore Sonbore kɛ lɛ nɛ gunyin goon toto, a ba kɔsɔ zɛnɛɛ doo wa. A bie á wɔ ka butumun laanka diin nɛn mà nɛ, á kɔ wa, a na á n din mà kɔ. Bɛa yɔrɔ kɛ lɛ la, a na á wɔ si wɔa sii baraan la yǎa duduu.

Piɛrɛ1 1:3

Ka daa wɔ barka da Lawa nɛ, wɔa Dɛnaa Yezu Krita n Di Lawa nɛ! Lawa din a bǐɛ̃baa gole kɛ taman yii, á yiikoonaabaa dii kɔ wɔ la, a n foo-doa sonbore dɔ koe wɔ la. Bɛa foo-doa kɛ lɛ giala n we-n Yezu Krita a yii kaa a bɔ geren bii kɛ ganaa.

Samayeli1 25:32

Davida pɛ Abigayili-n kɛnɛn: «Barka tá Dɛnaa Lawa ganaa, Izirayeli a Lawa lɛ, asɛ mɛn bɛ́ á Abigayili dia á daa n da ma lɛ pelo!