Luku 1:66 - LAWA A BOO SONBORE

⁶⁶ Min mɛnɛn tumaa goã bɛa siin kɛn lɛn laakalaa miɛ ǹ too ne, bɛn nə́ goã n taasɛ ǹ ganaa, bɛ̀ ǹ nə́ pii mà nɛ kɛ á die màn biɛ dɛ! A giala, a na á goã foaãnɛ min din tumaa yɔrɔ-a, mà Lawa din na á bɔ, á n die dí kɔ́n koe la.

LAWA A BOO SONBORE 2011

⁶⁶ Min mɛnɛn tumaa goã bɛa siin kɛn lɛn laakalaa miɛ ǹ too ne, bɛn nə́ goã n taasɛ ǹ ganaa, bɛ̀ ǹ nə́ pii mà nɛ kɛ á die màn biɛ dɛ! A giala, a na á goã foaãnɛ min din tumaa yɔrɔ-a, mà Lawa din na á bɔ, á n die dí kɔ́n koe la.

Luku 1:66 Iomraidhean Croise

Siin Giala 37:11

Ǹ golon lɛn nə́ baa zɔ́ɔ, sɛnɛ, ǹ di lɛ bɛa sii lɛ koa a yiri ni.

Siin Giala 39:2

Dɛnaa Lawa goã kun ka Zozɛfu ni, a nya ǹ dí tumaa siĩn kɔ. Zozɛfu giã a dɛnaagiĩ lɛ a kion.

Kiin1 18:46

Dɛnaa Lawa pàã kɔ Yilii la, á n binbin yii, á giã Akaabu nyɛɛnɛ, á baa si yǎa Zizereyɛli kiwi.

Loen 119:11

Ma nə n lɛ kɔ ǹ boon kɛn tamaɛ ma foo ne, màn mɛn bɛ́ toɛ, ma baran sii la n la wa.

Loen 80:17

Á ke, ǹ nə́ tɛ da a ganaa, ǹ nə́ kuru. N din bɛ́ re baraa mɛn zɛnɛɛ bɛa minin kɛn lɛn manɛ, toa ǹ papaã bɛ gɔ́ɔ̃ nɛ.

Loen 89:21

Man má maa bɛ̀rɛgiĩ Davida yɛ, má bɔ má koa kii lɛa, ka maa nyɔɔ sonbore kɛ nɛ.

Luku 1:80

Nɛ lɛ sɛ na á goã gole koe, á n yiridɛnaa biɛ á woe nyɛɛnɛ. Biikoo kɔ́n waáraa á goã don bii, yǎa a din nyaa Izirayeli minin ni pinaa dɔ.

Luku 2:19

Sɛnɛ, Mariya sɛ na á goã bɛ tumaa tamaɛ a din yiri ni, bɛ̀ á n taasɛ a ganaa.

Luku 2:40

Nɛ lɛ sɛ na á goã gole koe, bɛ̀ á n pàã yii, a na á goã woe nyɛɛnɛ parsiini Lawa foo sii doɛ̃ gɔ́ɔ̃ nɛ, a n foaã nɛ dɔn mà Lawa á narɛ.

Luku 2:51

Bɛ kio, Yezu yoo á woo kunun ǹ ni Nazarɛti kiwi, á goã ǹ di laanka n dan bɔlɔ sii. N dan Mariya na á goã bɛa siin kɛn lɛn tumaa tamaɛ a gɔ́ɔ̃ nɛ.

Luku 9:44

«Ma bɛ́ die màn mɛn pii ka nɛ, ka n too kɔ bɛ ganaa sɔnbɔraanɛ: Minin tá re Min a Nɛgiĩ we min baraan gɔn.»

Nya ǹ dín 11:21

Dɛnaa din na á goã n doe ǹ lɛ, bɛ lɛ taman yii, min gigiã nə́ n yɔrɔ bɔyaa ǹ nə́ da Yezu la, ǹ nə́ golee li.

Kolɔɔsi minin 1:5

Ka foo bɛ́ doa-n màn mɛn ganaa lon, ka n ka bɛa foo-doa lɛ yɛ ka Boo Tii Kɔɔ̃n barka nɛ, ǹ mɛn bɛ́ sonbore boo lɛa. Ka n ka saa lɛlɛ ka bɛ lɛ ma.

Samayeli1 16:18

Dí-nyalin lɛn min goon ná a lɛ si: «Sonbore, Zesee lɛ, Bɛtlehɛmu min lɛa, ma bɛa nɛginin kɔn yɛ, á boe a dɛ la. Zia-baali sonbore ne, á nɛginin lɛa, á boo diɛ ka yiri ni, a n giĩ siĩn dɔ lɛa. Dɛnaa Lawa tá kun ni.»

Samayeli1 2:18

Samayeli sɛ na á goã dí nyɛɛ Dɛnaa Lawa yɔrɔ-a. A bɛ́ nɛnyaan lɛa, dí nya ǹ mɔnaa yii nɔnɔɔ sonbore na á goã a ganaa.