Luku 1:6 - LAWA A BOO SONBORE

⁶ Ǹ dinin min paa goã min peperen lɛa Lawa yɔrɔ-a, maǹ nə́ goã Dɛnaa a dí-pɛn lɛn tumaa bɔlɔ sii taãn-taãnɛ.

LAWA A BOO SONBORE 2011

⁶ Ǹ dinin min paa goã min peperen lɛa Lawa yɔrɔ-a, maǹ nə́ goã Dɛnaa a dí-pɛn lɛn tumaa bɔlɔ sii taãn-taãnɛ.

Luku 1:6 Iomraidhean Croise

Siin Giala 17:1

Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Siin Giala 6:9

Nowee boo á ke: Nowee na á goã min pepere lɛa. A goã kanaa kun ka min mɛnɛn nɛ, a dinsɔɔ̃ a sii lɛ na á goã piɛ̃-n bɛn bii, Lawa wɔ paǹ li. Á goã koe Lawa a zii lɛ.

Siin Giala 7:1

Dɛnaa tɔ́n pɛ Nowee ne kɛnɛn: «Wɔ goo lɛ nɛ, n din laanka n kion minin tumaa. A giala, n bɛ́ kanaa kun ka min mɛnɛn nɛ, n dinsɔɔ̃ n pepere, bɛa minin kɛn lɛn bii.

Kiin1 15:5

Dɛnaa Lawa na á bɛ zɛnaa, a giala, sii mɛn bɛ́ pepere a yɔrɔ-a Davida na á goã bɛ zɛnɛɛ. Davida a yiikoonaabaa tumaa gɔ́ɔ̃ nɛ, Dɛnaa Lawa goã dí-pɛn mɛnɛn koe la, a goã n piɛ̃ ka bɛ kɔn nɛ wa. Bɛ̀ á n bɔ Ɛti tɔrɔ, Urii a sii kɛ nɛ.

Kiin1 9:4

N din wɔ paǹ li, bɛ̀ ń tɔ wɔ ma yɔrɔ-a ka peperebaa laanka gɔ́ɔ̃ fubaa nɛ, ka ń di Davida goã zɛnɛɛ lɔn, man gɔn waa n nɛ ka sii mɛn tumaa nɛ, bɛ̀ ń bɛn zɛnaa, ń maa landa boon laanka maa sii yɔrɔ bɔ ǹ boon kɛn tamaa

Kiin2 20:3

«Ee Dɛnaa Lawa, bǐɛ̃ kɔ n nə n yiri gisĩ ka ma nɛ. Má tɔ wɔ n yɔrɔ-a ka bɔlɔgoondɛnaabaa nɛ, ka gɔ́ɔ̃-fubaa nɛ. Ka bɛ dɔ nɛ, sii mɛn bɛ́ siĩni n yii li, má bɛ zɛnaa.» Yii mu gigiã soo Ezekiasi yɔrɔ nɛ.

KZS2 17:4

A n giɛ ǹ digolon Lawa li á n koe a dí-pɛn lɛ. Izirayeli minin kɛn nə goã sii mɛn zɛnɛɛ, asɛ ba koe bɛ lɛ wa.

Zɔbu 1:1

Ǹ kɔn waáraa, giĩ goon na á goã Usi gána nɛ, a tɔ n Zɔbu. Giĩ lɛ na á goã min pepere lɛa, a zɛnaa ǹ sii ń siĩni. A na á goã nyɛ́ɛ biɛ Lawa nɛ, n nyɛnɛɛ sii baraa nɛ.

Zɔbu 1:8

Dɛnaa Lawa tɔ́n pɛ Zɔ́ɔ nɛ: «Táa ń maa dí-nyali Zɔbu kɛ yɛ? Ǹ miã din banban kanaa wa. Min pepere ne, a zɛnaa ǹ sii n siĩni, á n nyɛ́ɛ biɛ masɛ Lawa yii ni, n nyɛnɛɛ sii baraa nɛ.»

Zɔbu 9:2

«Bɛ n taãn lɛa. Ma á doɛ̃ má a n miɛ̃. Sɛnɛ minbuiin nɛ din nə siɛ lɔn, a tɔn goã pepere Lawa yɔrɔ-a?

Loen 119:6

Bɛ lɛ n die toɛ, bɛ̀ ma á n yiri koɛ n dí-pɛn lɛn tumaa nɛ, sìi a re ma kuĩ wa.

Luku 1:7

Sɛnɛ, nɛ goã ǹ lon wa, a giala Elizabɛti na á goã lɔ nɛ-yɛle baãnaa lɛa, ǹ dinin min paa dɔ́ zizi kɔ á nya.

Luku 16:15

Yezu pɛ ǹ nɛ: – Kasɛn, ka n nyɛɛ minin yɔrɔ-a mà ka tá pepere, sɛnɛ, Lawa tá ka foon doɛ̃. Sii mɛn bɛ́ sii gole lɛa minbuiin nɛ yɔrɔ-a, bɛ tìĩ n boe-n Lawa nyin ni.

Luku 2:25

Á daa yaa giĩ goon tá Zeruzalɛmu kiwi, a tɔ n Simiɔn. Bɛa giĩ lɛ na á goã min pepere lɛa, a n nyɛ́ɛ biɛ Lawa yii ni, bɛ̀ á n yii diɛ Izirayeli minin nyin-sili lɛ la. Lawa a Yiri Fu na á goã la,

Nya ǹ dín 2:25

Sonbore, kii Davida goã á pɛ a wɔ gɔn la: «Ma yii na á goã Dɛnaa ganaa biikoo tumaa li ma yɔrɔ-a. A na á goã ma para li, màn mɛn bɛ́ toɛ, màn kɔ́n baran ma yiri lɔlɔkɔn wa.

Nya ǹ dín 23:1

Pooli nə́ n yii doa kiri-wɔlen kuru lɛ la, á pɛ: «Dɔɔ̃nɔn lɛn, masɛ bɛ́ má maa tɔ wɔ lɔn Lawa yɔrɔ-a, á daa kaa pelo lɛ, ma foo ba ma din zɛ̀rɛ biɛ ka sii kɔ́n nɛ bɛ wɔ a paǹ li wa.»

Nya ǹ dín 24:16

Bɛ lɛ nɛ ma tá n doɛ ma á dí nyɛɛ, màn mɛn bɛ́ toɛ, ma foo baran ma zɛ̀rɛ baa Lawa laanka minbuiinin yɔrɔ-a wa.

Nya ǹ dín 8:21

Màn mɛn bɛ́ n zɛnɛɛ kànaa, n wɔ gii kɔ́n ba bɛ-n wa, a giala n foo a tele-n Lawa yɔrɔ-a wa.

Rɔmu minin 8:4

Bɛ na á n zɛnaa, màn mɛn bɛ́ toɛ, Lawa a dí-pɛn bɛ́ giɛ màn mɛn li, bɛ boo la a n zɛnaa wɔ nɛ, wɔsɛn mɛnɛn bɛ́, wɔ a tɔ we á kɔnpii dùũ sii babaraan kɛn nɛ doo wa, sɛnɛ, wɔ n tɔ we á kɔnpii ka Lawa a Yiri fu dùũ ni.

Korɛnti1 11:2

Man ka tɔ bǐɛ̃ pii, a giala, mà ka á n yiri koɛ masɛ li sii din tumaa gɔ́ɔ̃ nɛ. Ma ka daraa siin mɛnɛn dɔn ganaa, ka ǹ koe bɛn tumaa lɛ.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Timəə dí-pɛn 5:33

Kaa Lawa, Dɛnaa Lawa màn mɛn tumaa pɛ ka nɛ á laa, ka kɔ bɛ lɛ pepere, màn mɛn bɛ́ toɛ, ka yii goã koo, kaa wɔ boo la a bǐɛ̃ kɔ, ka nyin sasa yɛ gána kɛ nɛ, ká n die sii ka baa kaa wɔ lɛa.

Filipi minin 2:15

Ka zɛnaa miɛ̃, ń giɛ ka á goɛ̃ *yoreen ne, zɛ̀rɛ baãnaan lɛa, ka goã Lawa a nɛnyaanan lɛa, sɔ̀n ná a ba ka ganaa, kanaa min kɔkɔrɔ babaraan kɛn bii wa. Ka doamaa nɛ ka wɔlɔ fúlu bɔ ǹ bii, ka bólonən bɛ́ lɔn,

Kolɔɔsi minin 1:22

Sɛnɛ kanna, a Nɛgiĩ a gɛ̀ ke, á wɔ ka minbuiin nɛ bɛ́ lɔn, bɛ barka nɛ, Lawa ka baa a din a giaáran lɛa, ka boo la ka soo a din yɔrɔ-a, ka a din a tɔrɔ minin bɛ́ lɔn, *gɔ̀ ná a ba ka ganaa wa, zɛ̀rɛ dɔ ná a ba ka ganaa wa.

Tesaloniki1 3:13

A die a ka foo taã, màn mɛn bɛ́ toɛ, wɔa Dɛnaa Yezu a daa pinaa kun ka a wɔn nɛ, ka boo la ka golee Díi Lawa yɔrɔ-a *yoreen ne, kaa sii lɛ n piɛ̃ nɛ.

Piɛrɛ2 3:14

Bɛ lɛ nɛ, maa giaáran lɛn, ka bɛ́ n yii diɛ ke, ka n doa, màn mɛn bɛ́ toɛ, Dɛnaa lɛ da ka yaa ka bii n kɔɔ̃n kɔ ka a din ni, ka n *yoreen ne, zɛ̀rɛ ná a ba ka ganaa wa.

Zaã1 2:29

Ka á doɛ̃ mà Krita n pepere. Ka dɔ̃ dɔn mà min mɛn dɔ bɛ́ sii pepere zɛnɛɛ, mà bɛ n Lawa a nɛ lɛa.

Zaã1 2:3

Bɛ̀ wɔ á Lawa a dí-pɛn lɛ sii, wɔ ǹ doɛ̃ ka bɛ nɛ, wáa wɔ á Lawa doɛ̃.

Zaã1 3:7

Maa nɛnyaanan lɛn, ka baran toa min kɔ́n ka yiri sã wa. N mɛn bɛ́ sii pepere zɛnɛɛ, n dinmaa dɔ n pepere ka Krita bɛ́ pepere lɔn.