Luku 1:50 - LAWA A BOO SONBORE

⁵⁰ Min mɛnɛn bɛ́ nyɛ́ɛ biɛ a yii ni, a n makara boe bɛn ganaa yǎa duduu.

LAWA A BOO SONBORE 2011

⁵⁰ Min mɛnɛn bɛ́ nyɛ́ɛ biɛ a yii ni, a n makara boe bɛn ganaa yǎa duduu.

Luku 1:50 Iomraidhean Croise

Siin Giala 17:7

Ma lɛ kɔ kɔn la mɛn wɔ ka n nɛ, masɛ a re n lɛ boe duduu wa. Man má lɛ kɔ n din la, n tɔrɔn mɛnɛn dɔn bɛ́ re yii n kio, a saa kanna ganaa a wo miɛ̃, ma nə n lɛ koe bɛn dɔn la, yǎa duduu. Bɛa lɛ-kɔ kɛ lɛ n die masɛ biɛ n Lawa lɛa, a ma baa n tɔrɔn dɔn Lawa lɛa, ǹ mɛnɛn bɛ́ re yii n kio.

Kiin2 17:39

Kaa Lawa, Dɛnaa Lawa lɛ, ka doamaa nɛ, ka nyɛ́ɛ baa bɛ lɛ nɛ. A din lɛ na á kaa si ka zɔ̀ɔn tumaa la.»

Loen 103:11

Min mɛnɛn bɛ́ nyɛ́ɛ biɛ nɛ, a kɔn-narɛɛ gole mɛn nyaa bɛn nɛ, lɛ-doa ba la wa, a n ka lon laanka tán bii bɛ́ lɔn.

Loen 115:13

á re barka diɛ a nyɛ́ɛbaama-n wolen ganaa, a bɔnboɛɛnɛn nɛ, ka a dadaran nɛ.

Loen 118:4

Kasɛn mɛnɛn dɔn bɛ́ nyɛ́ɛ biɛ Dɛnaa Lawa nɛ, ka saa: A kɔn-narɛɛ a nyɛɛ duduu wa.

Loen 145:19

A na a nyɛ́ɛbaama-n wolen foo sii zɛnɛɛ ǹ nɛ. A nə n too koe ǹ lɛ-dɛ li, a tá ǹ kirisibiɛ.

Loen 147:11

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, min mɛnɛn bɛ́ n foo doɛ a kɔn-narɛɛ gole kɛ ganaa, bɛn lɛn sii n kɔɔ̃n a ganaa.

Loen 31:19

Ǹ soɛ bɔ ǹ lɛn kɛn lɛn, bɛn lɛn tã. Min mɛn bɛ́ n din bɔlɔ sii, maǹ nə n tìã dii bɛ li, maǹ din koa ǹ boo diɛ a ganaa, ǹ tá a puusə koe.

Loen 85:9

Dɛnaa Lawa bɛ́ màn mɛn diɛ, ma nə n too koe bɛ li. A nə n lɛ koe, mà là nyantoro na a din a zaman laanka a din lɛ-silin wɔ lɛa. Sɛnɛ, yǎa ǹ baran wusoo, ǹ tɔ wɔ ǹ baãnaabaa gɔ́ɔ̃-n wa.

Bɔ bɛ̀rɛbaa nɛ 20:6

Sɛnɛ, man maa bɔlɔgoondɛnaabaa nyɛɛ maa narɛɛ wolen laanka maa dí-pɛn tamaa wolen manɛ, yǎa nɔ̀ɔ duu gigiã.

Luku 1:49

A giala Lawa Pàãyiidɛnaa sii dadaran zɛnaa masɛ nɛ, a tɔ á sonbore.

Sii-nyaan 19:5

Lɛn goon bɔ kii dankan paǹ li a n pii: «Min mɛn tumaa bɛ́ Lawa a dí-nyalin lɛa, ǹ nə nyɛ́ɛ biɛ Lawa nɛ, a bɔnboɛɛnɛn nɛ ka a dadaran nɛ, ǹ tumaa Lawa tɔ bɔ!»