Luku 1:32 - LAWA A BOO SONBORE

³² Bɛa nɛgiĩ kɛ lɛ n die min barkadɛnaa biɛ, maǹ die bíi "Lon a Lawa gole a nɛ". Dɛnaa Lawa n die ǹ digolo Davida a kii dankan koe la, a giã a nɛ.

LAWA A BOO SONBORE 2011

³² Bɛa nɛgiĩ kɛ lɛ n die min barkadɛnaa biɛ, maǹ die bíi "Lon a Lawa gole a nɛ". Dɛnaa Lawa n die ǹ digolo Davida a kii dankan koe la, a giã a nɛ.

Luku 1:32 Iomraidhean Croise

Samayeli2 7:16

N kion laanka n kiibaa lɛ n die goɛ̃ yǎa duduu. N kii dankan lɛ gɔ́ɔ̃ kooro á die goɛ̃ duduu wa.»

Loen 132:11

Dɛnaa Lawa nə́ n liɛ Davida nɛ, taãn dɔ nɛ, a die n lɛ boe wa. A liɛ mɛn wɔ, á ke: N din gɔ́ɔ̃gɔ́ɔ̃ ǹ nɛ nɛ, ma á re koɛ n kii dankan lɛ la.

Loen 132:12

Bɛ̀ n nɛnyaanan nə́ lɛ kɔ kɔn la ǹ boo kɛ tamaa, ka dí-pɛn kɛn nɛ, ma tá ǹ darɛɛ a ganaa, ǹ dɔn nɛnyaanan tá re giɛ̃ n bǎã nɛ, ǹ kii baa yǎa duduu.

Izayii 16:5

Bɛ kio, kii pàã á re gole koe a bǐɛ̃baa taman yii. Bɛa kii bɔlɔgoondɛnaa kɛ lɛ Davida tɔrɔ lɛa, á re gána lɛ nyɛɛnaan boe ka peperebaa nɛ. A n die goɛ̃ kiri-wɔle lɛa, a n koe dí-pɛn lɛ, a nə́ n yiri koɛ peperebaa li.

Zeremii 17:25

Ka bɛ nɛ, kiin laanka ǹ gána mìilandɛnan mɛnɛn bɛ́ giã-n Davida a kii dankan la, ǹ nə́ dii sùi hinlaa ziabaa ǹ wotoro la, bɛn tá re boe ka bɛa kiɛnlɛn lɛn nɛ duduu. Ǹ gána nyɛɛnaandɛnan nɛ, Zudaa minin ni, ka Zeruzalɛmu minin ni, bɛn man die boe ka walan nɛ. Minin man die goɛ̃ bɛa kiwi lɛ nɛ yǎa duduu.

Zeremii 22:2

N tá re pii ni: «Nsɛ Zudaan kii ke giã-n Davida a kii dankan la, ń too kɔ Dɛnaa Lawa a boo li. Bɛa boon lɛn manə n gána nyɛɛnaandɛnan wɔ lɛa, ka zaman kɛ nɛ boe kii kion a kiɛnlɛn nɛ.»

Matiə 1:1

Yezu *Krita n kii Davida laanka Abrahamu tɔrɔ lɛa. Ǹ digolon tɔn nə́ ke:

Matiə 12:42

Kiri kurii pinaa, lɔ mɛn bɛ́ á goã kii lɛa Saabaa gána nɛ, bɛ á re yui kun ka pelo minin kɛn nɛ, a ǹ zɛ̀rɛ baa. A giala, a na á bɔ kanaa bǎã sɔsɔɔ nɛ, á daa n too kɔ Salomɔn a sii-doɛ̃ boon kɛn ganaa. Màn tá kànaa á gole á la Salomɔn nɛ dɛ!

Matiə 28:18

Yezu nə́ n zɔ̃ á dɔ, á pɛ ǹ nɛ: «Lawa pàã tumaa kɔ ma la lon, á kɔ ma la tán.

Matiə 3:11

Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.

Marki 14:61

Sɛnɛ, Yezu nə́ n lɛ tã, a boo kɔ́n da wa. Lawa a wúlu-bɔlen kiã wusoo á nɔ̀n da la: «N din lɛ n Minin Nyin-sili lɛa? Lawa sonbore kɛa Nɛgiĩ nə n nɛ?»

Marki 5:7

á n lɛ dɛ kɔsɛkɔsɛ á pɛ: «N wàa dí n masɛ ganaa, Yezu, Lawa gole a Nɛ? Ma nə n gòã kuĩ ka Lawa tɔ nɛ, n nyan fuu nyaa ma-n wa.»

Luku 1:15

A giala, bɛa nɛ kɛ lɛ n die min barkadɛnaa biɛ Lawa gɔn. Duvɛ̃ baran wɔ a lɛ-n wa, màn woo màn, a n we min yii ni, bɛ kɔ́n baran wɔ a lɛ-n wa. Nɛ lɛ n die piɛ̃ ka Lawa a Yiri Fu ni, bɛ̀ á tɔn nə ǹ dan gɔ́ɔ̃ nɛ.

Luku 1:35

Lon a dia dí-a wole lɛ tɔ́n na a lɛ si á pɛ: «Lawa a Yiri Fu n die gisĩ n la, Lon a Lawa gole n die a din pàã gisĩ n la. Bɛ lɛ taman yii, n bɛ́ die nɛ mɛn yii, maǹ die bíi "Lawa wɔ", ka bɛ dɔ-n doo "Lawa a Nɛgiĩ".

Luku 1:76

Nsɛ nɛnyaan tiɛɛ̃n lɛ dɔ ganaa, maǹ die n bíi lon a Lawa gole a boo gii-dali, ma n die die wɔa Dɛnaa nyɛɛnɛ, ma n die wɔa Dɛnaa a ziin zɛnɛɛ.

Luku 3:16

ZAÃ na á goã ǹ tumaa lɛ sii kɛnɛn: «Masɛ n má batɛmu da ka ganaa mu li, sɛnɛ, min tá die, bɛa dɛnaa pàã á gole á la masɛ wɔ nɛ, haalɛ masɛ nə n zuməə, ma a kɔsɔ biɛn fore, masɛ mìi á kiɛɛrɛ bɛ ganaa. Bɛa dɛnaa kɛ lɛ n die ka kiɛ Lawa a zii ni, ka Yiri Fu pàã nɛ, a dɔlɔ bɔ ka tɛ nɛ.

Luku 6:35

Sɛnɛ, bɛ̀ ka tá li ka n baa Lon a Lawa Gole a nɛnyaanan lɛa sonbore, ka saraa gole yɛ, ka siin kɛn zɛnaa: Ka kaa zɔ́ɔn narɛ, ka bǐɛ̃ zɛnaa, min mɛnɛn bɛ́ pàã ba ǹ lon ǹ giɔ̀mɔ dòo saraa wa, ka giɔ̀mɔ da bɛn-a, a giala Lawa lɛ sɛ n bǐɛ̃ zɛnɛɛ bǐɛ̃-doɛ̃ baãnaan laanka min baraan manɛ.

Zaã a sɛ́wɔ 12:34

Zaman lɛ tɔ́n pɛ Yezu ni: «Wɔ́ yɛ dí-pɛn sɛ́wɔ nɛ, mà Minin Nyin-sili lɛ n die goɛ̃ a yii n koo miɛ̃ a ná a ba giɛ̃ wa. Wàa na á baa nsɛ dɔ á pii, mà yǎa ǹ Min a Nɛgiĩ siɛ lon? Bɛa Min a Nɛgiĩ lɛ, die n ka bɛ nɛ?»

Zaã a sɛ́wɔ 6:69

Wɔsɛn nə́ golee li, wɔ́ dɔ̃ dɔn, wáa Lawa din a dia dí-a wole sonbore nə n ne.»

Nya ǹ dín 16:17

A na á goã koe wɔ kio lɛ, wɔ laanka Pooli ni, bɛ̀ a nə́ n lɛ dii: «Minin kɛn man Lon a Lawa Gole a dí-nyalin lɛa. Maǹ kirisibaa ǹ zii boo pii ka nɛ.»

Nya ǹ dín 2:30

Sɛnɛ, Davida na á goã Lawa a boo gii-dali lɛa, á dɔ̃ mà Lawa nə́ n liɛ asɛ nɛ ka sonbore tumaa nɛ, mà á re a tɔrɔ min boe a nɛnyaanan bii, a koa a kii dankan la.

Nya ǹ dín 2:36

Izirayeli minin tumaa doamaa nɛ ǹ dɔ̃ taãn-taãnɛ mà ǹ Yezu mɛn dere gɔn-a ke lɛn, mà Lawa na á bɛ lɛ baa minbuiin tumaa a Dɛnaa laanka a Nyin-sili lɛa.

Nya ǹ dín 7:48

Sɛnɛ, Lon a Lawa Gole lɛ bie giɛ̃ minbuiin nɛn gɔn kion doe-n wa. Ka Lawa a boo gii-dali bɛ́ á pɛ lɔn:

Rɔmu minin 1:4

a na á goã Lawa a Nɛgiĩ dɔ lɛa. Lawa a Yiri Fu na á bɛ nyaa, ka pàã gole ne, ka bɛa Yezu lɛ a yii-kaa a bɔ geren bii barka nɛ.

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: «Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke: