Luku 1:15 - LAWA A BOO SONBORE

¹⁵ A giala, bɛa nɛ kɛ lɛ n die min barkadɛnaa biɛ Lawa gɔn. Duvɛ̃ baran wɔ a lɛ-n wa, màn woo màn, a n we min yii ni, bɛ kɔ́n baran wɔ a lɛ-n wa. Nɛ lɛ n die piɛ̃ ka Lawa a Yiri Fu ni, bɛ̀ á tɔn nə ǹ dan gɔ́ɔ̃ nɛ.

LAWA A BOO SONBORE 2011

¹⁵ A giala, bɛa nɛ kɛ lɛ n die min barkadɛnaa biɛ Lawa gɔn. Duvɛ̃ baran wɔ a lɛ-n wa, màn woo màn, a n we min yii ni, bɛ kɔ́n baran wɔ a lɛ-n wa. Nɛ lɛ n die piɛ̃ ka Lawa a Yiri Fu ni, bɛ̀ á tɔn nə ǹ dan gɔ́ɔ̃ nɛ.

Luku 1:15 Iomraidhean Croise

Siin Giala 12:2

Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Siin Giala 48:19

Sɛnɛ, ǹ di lɛ nə́ n piã, á pɛ nɛ: «Maa nɛgiĩ, ma á doɛ̃. Manaasee dɔ tɔrɔn tá re mɔnɛɛ, a tɔ á re gole koe. Sɛnɛ, ǹ diɛ̃ lɛ tɔ á re gole koe, a la a wɔ nɛ, a tɔrɔn dɔn tá re mɔnɛɛ, ǹ la a wɔn manɛ.»

KZS1 17:8

N wo bǎã mɛn tumaa nɛ, má goã kunun nni. Má n zɔ́ɔn tumaa dɛ n yii ni, man die n tɔ boe ka tán a min dadaran wɔ bɛ́ lɔn.

Loen 22:9

Maǹ pii ma ganaa: N bɛ́ n nə n foo doa Dɛnaa Lawa ganaa, a kiɛ̃ a n si kəni. A bɛ́ n narɛ, a kiɛ̃ a n kirisibaa kəni.

Zeremii 1:5

«Ma laan bɛ̀ ma n da n dan gɔ́ɔ̃ nɛ, bɛ̀ ma tá n doɛ̃. N laan bɛ̀ n yɛ, má n bɔ má n koa, máa n maa dí nya, n maa boo gii-dali baa tɔrɔn bii.»

Zeremii 35:6

Sɛnɛ, ǹ ná a lɛ si: «Wɔ a duvɛ̃ mii wa. A giala, wɔ digolo Zonaadaabu ke Rekabu a nɛgiĩ lɛa, bɛ na á n gɔn waa wɔ-n kɛnɛn: Ka nyan duvɛ̃ mi duduu wa, ka dinin ni, ka kaa nɛnyaanan nɛ.

Lawa a wúlu-bɔlen 10:9

N din laanka n nɛgiĩn lɛn nɛ, bɛ̀ ka tá re we kɔn yɛ ǹ kion kɛ nɛ, ka nyan toa ka duvɛ̃ wɔ ka lɛ-n wa, ka nyan toa yɔ kakaarɛ kɔn wɔ ka lɛ-n wa. Bɛ̀ ka zɛnaa miɛ̃, ka a re giɛ̃ wa. Bɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ná a ba n bɔyɛɛ wa.

Zakarii 9:15

Dɛnaa Lawa Pàãyiidɛnaa á re a zaman tamɛɛ. Ǹ tá re boe ǹ zɔ́ɔn la, ǹ nə ǹ baragii kɔlɔn yɔyɔrɛ. Ǹ tá re màn mii, ǹ bìn diɛ gole wɔ ka yɔ bɛ min yii ganaa lɔn. Ǹ tá re piɛ̃ ka *wúlu màn mà bɛ́ lɔn paan nɛ, hinlaa ka mà mɛn bɛ́ ǹ kaa *wúlu bɔ ǹ bǎã karan ganaa.

Luku 1:14

N foo á die kɔɔ̃n koe bɛ gɔ́ɔ̃ nɛ parsiini, ka bɛ dɔ nɛ, minbuiin gigiã á die n nyɛnyɛɛ nɛ lɛ a yɛ gɔ́ɔ̃ nɛ.

Luku 7:28

Yezu pɛ: «Masɛ n pii ka nɛ, min mɛn tumaa yɛ lɔ la, min ba bɛn bii á n gole ZAÃ -n wa. Ka bɛ lɛ din tumaa dɔ nɛ, min mɛn bɛ́ re goɛ̃ min tumaa a boɛɛn lɛa *Lawa a kiibaa ǹ bǎã kɛ nɛ, bɛ á gole á la ZAÃ nɛ.»

Luku 7:33

Sonbore, Zaã, batɛmu-dali goã n lɛ soɛ biikoo gigiã li, a duvɛ̃ mi duduu wa, ka lɛ n boe mà nɔ̀ɔnɔn manɛ a ganaa!

Zaã a sɛ́wɔ 5:35

ZAÃ na á n baa ka bolon bɛ́ lɔn, ǹ ná a lɛ siɛ̃, a n wɔlɔ fúli. Ka n ká lɛ kɔ, ká n nyɛnyɛɛ a fúlu li biikoo boɛɛn gɔ́ɔ̃ nɛ.

Nya ǹ dín 2:4

Lawa a Yiri Fu daa ǹ tumaa kũ, yǎa ǹ mɛ la ǹ nə́ bɔlɔ kɔsɔn pii, a n kɔnpii ka Yiri Fu lɛ din a boo wɔ ǹ lɛ-n nɛ.

Galaasi minin 1:15

Sɛnɛ bɛ kio, Lawa lɛ kɔ mà ma a Nɛgiĩ dɔ̃, màn mɛn bɛ́ toɛ, ma a sii nyaa tɔrɔn tumaa nɛ. Bɛ lɛ a lɛa nɛ, á ma bɔ gɔrɔ, bɛ̀ ma tɔn yɛ dinin wa. A din a bǐɛ̃baa gɔ́ɔ̃ nɛ, á ma bíi, mà ma dí nya asɛ nɛ. Bɛ bɛ́ á n zɛnaa, ma nɔ̀n da min kɔ́n la ka yiri-n wa.

Efɛɛzi minin 5:18

Ka baran duvɛ̃ mi a yoo ka yii-a wa, bɛ á re toɛ ka sii lɔlɔkɔn. Sɛnɛ, ka toa ka pã ka Yiri Fu ni.

Zozoe 3:7

Dɛnaa Lawa pɛ Zozoe ne: «Pelo, man die a giala koe, ma n tɔ saa lon Izirayeli minin lɛn tumaa yɔrɔ-a. Bɛ á re toɛ ǹ dɔ̃, mà ma á re goɛ̃ kunun n ni ka ma bɛ́ má goã kun ka Muizu-n lɔn.

Zozoe 4:14

Bɛa pinaa kɛ lɛ nɛ, Dɛnaa Lawa nyaa Izirayeli minin lɛn tumaa nɛ, mà asɛ din na á tɔ kɔ Zozoe la. A saa bɛ lɛ ganaa lɔn, ǹ nə́ nyɛ́ɛ baa Zozoe ne, ka ǹ bɛ́ ǹ nə́ goã nyɛ́ɛ biɛ Muizu-n lɔn a tá kanaa lɛawaa tumaa gɔ́ɔ̃ nɛ.