Loen 127:3 - LAWA A BOO SONBORE

³ Ka ga, Dɛnaa Lawa na á nɛnyaanan kɔ sumu a kíɛ̃ lɛa, là gole ne Dɛnaa Lawa kɔ.

LAWA A BOO SONBORE 2011

³ Ka ga, Dɛnaa Lawa na á nɛnyaanan kɔ sumu a kíɛ̃ lɛa, là gole ne Dɛnaa Lawa kɔ.

Loen 127:3 Iomraidhean Croise

Siin Giala 1:28

Lawa barka da ǹ ganaa, á pɛ ǹ nɛ kɛnɛn: «Ka nɛnyaanan yɛ, ǹ mɔnaa, ǹ tán pã, ǹ giã a mìi la. Ǹ goã kɔ̀ mu li ǹ zɔ̀n mìi la, ka bàanan laanka màn yiikoonaa mɛn tumaa bɛ́ tɔ we tán la.»

Siin Giala 24:60

Ǹ nə́ lɛn bǐɛ̃ bíi li, bɛ̀ ǹ tá pii: «Miãnɛn, Lawa die a toa n minbuiin duu damata a náa baa. Min mɛnɛn bɛ́ n tɔrɔn biɛ zɔ́ɔ, Lawa die a toa, n tɔrɔn nə bɛn giã ǹ bǎã a dɛnan baa.»

Siin Giala 33:5

Bɛ kio, Ezawu nə́ n yii saa, á lɔn lɛn laanka nɛnyaanan lɛn yɛ. Á tɔ́n nɔ̀n da Zakɔba la: «Dien man ka kɛn nɛ kunun n ni?» Zakɔba ná a lɛ si: «Lawa ma gɔ ka nɛnyaanan mɛnɛn nɛ, bɛn lɛn manɛ.»

Siin Giala 4:1

Aadã laanka a lɔ Ɛvu lɛ kɔn dɔ̃. Ɛvu nɔ̀ si á nɛ yɛ, ǹ nə́ bíi Kanyɛ (bɛ giala mà "Lawa pàã"). Á tɔ́n kɛ pɛ bɛa biikoo li: «Má giĩ yɛ ma da kanaa, ka Lawa pàã nɛ.»

Siin Giala 48:4

Á pɛ ma-n kɛnɛn: «Ma á re n buluboe, ma n nɛnyaanan mɔnaa, ma n baa tɔrɔ gigiã lɛa. Ma á re gána kɛ lɛ koe n tɔrɔn la, a ǹ wɔ baa duuduu.

Samayeli2 3:5

A sɔrɔbaa ǹ wɔ n ka Yitramu ni, Davida bɛ yɛ a lɔ Egla ganaa. Bɛn lɛn man Davida a nɛnyaanan lɛa, ǹ nə́ yɛ Ebrɔn kiwi.

KZS1 8:40

Ulaamu a nɛnyaanan man nə́ goã zia-baali foo taãnaan lɛa, ǹ nə́ boe sa zuĩ la. Ǹ nə́ nɛ didi laanka nɔ̀ɔn didi yɛ. Maǹ min paabiɛ ka posooro (150). Bɛn lɛn tumaa na á goã Bɛnzamɛn tɔrɔn lɛa.

Zɔbu 1:2

A nɛnyaanan mɛnɛn yɛ, nɛgiĩ sɔbaa ka nɛlɔ min sɔɔ nɛ.

Izayii 13:18

Ǹ kiɛn man nɛ tenən dii, Ǹ ba nɛnyaan tiɛɛ̃nɛn makara doɛ̃ wa. Ǹ ba ǹ nɛgiĩn makara doɛ̃ wa.»

Izayii 8:18

Á ke, masɛ laanka Dɛnaa Lawa nɛnyaanan mɛnɛn kɔ ma la, wɔ ǹ sii a kɔnboe laanka gɔn waa lɛa Izirayeli gána nɛ ka Dɛnaa Lawa Pàãyiidɛnaa tɔ nɛ, asɛ mɛn bɛ́ giã-n *Siɔn kele la.

Timəə dí-pɛn 28:11

Dɛnaa Lawa nə n lɛ kɔ ka digolon la mà á re bǎã mɛn lɛ koe ka la, á re yii-nyɛɛ koe ka la bɛa gána lɛ nɛ: á re toɛ ka gɔ́ɔ̃gɔ́ɔ̃ ǹ nɛnyaanan nə mɔnaa taãn-taãnɛ, kaa tɔɔn nɛ, ka ka bɛ́ màn mɛn yii kaa tán dí gɔ́ɔ̃ nɛ.

Timəə dí-pɛn 28:4

Á re ka gɔ́ɔ̃gɔ́ɔ̃ ǹ nɛnyaanan mɔnɛɛ, a kaa bɔ don bǐɛ̃ kɔ. Á re kaa diin mɔnɛɛ, kaa sèren ne, ka kaa bòen ne.

Sii yɔrɔ-bɔlen 12:9

Nɛgiĩ pɔsɔɔ laanka nɛlɔ pɔsɔɔ na á goã a lon. A nɛlɔn kɛn, á bɛn kɔ Izirayeli tɔrɔ kɔsɔn la. Á Izirayeli tɔrɔ kɔsɔn nɛlɔn wɔ, á ǹ kɔ a nɛgiĩn lɛn la. Á Izirayeli minin lɛn sii yɔrɔ bɔ lɛ̀ sɔbaa gɔ́ɔ̃ nɛ.

Samayeli1 1:27

Man má goã Lawa nyankoe nɛ kɛ lɛ taman yii. Ma màn mɛn nyankɔ Dɛnaa Lawa lon, á bɛ kɔ ma la.