Lawa a wúlu-bɔlen 9:4 - LAWA A BOO SONBORE

⁴ Dii gɔ̀lɔ̀ goon laanka sère gɔ̀lɔ̀ goon dɔ kũ, n nə ǹ baa barka da Lawa nɛ ǹ wúlu màn lɛa, n nə ǹ dɛ kɔn yɛ ǹ kion kɛ yɔrɔ-a. Ka da ka wùsu-diɛ dɔ nɛ nyɔɔ n li, Lawa gɔ ǹ wɔ lɛa. A giala, pelo lɛ nɛ, Dɛnaa Lawa á die n din nyɛɛ ka nɛ.

LAWA A BOO SONBORE 2011

⁴ Dii gɔ̀lɔ̀ goon laanka sère gɔ̀lɔ̀ goon dɔ kũ, n nə ǹ baa barka da Lawa nɛ ǹ wúlu màn lɛa, n nə ǹ dɛ kɔn yɛ ǹ kion kɛ yɔrɔ-a. Ka da ka wùsu-diɛ dɔ nɛ nyɔɔ n li, Lawa gɔ ǹ wɔ lɛa. A giala, pelo lɛ nɛ, Dɛnaa Lawa á die n din nyɛɛ ka nɛ.

Lawa a wúlu-bɔlen 9:4 Iomraidhean Croise

Bɔ bɛ̀rɛbaa nɛ 16:10

Aarɔn bɛ́ boo diɛ zaman lɛ nɛ, ǹ nə́ n yɔrɔ bɔyaa ǹ nə́ dia don la, Dɛnaa a fulu tɛ-pɛle tɔn nə n din nyaa tɛmaa bara lɛ bii.

Bɔ bɛ̀rɛbaa nɛ 19:11

ǹ nə n yɔrɔ bɔ lɛawaa sɔɔbaa ǹ wɔ kɛa lɛa. A giala, Dɛnaa n die gisĩ Sinayii kele kɛ la lɛawaa sɔɔbaa ǹ wɔ pinaa kɛ nɛ, zaman lɛ tumaa yɔrɔ-a.

Bɔ bɛ̀rɛbaa nɛ 24:16

Dɛnaa a gugurubaa goã Sinayii kele lɛ la, tɛmaa lɛ nə́ n kɔ lɛ miɛ̃, yǎa lɛawaa sɔrɔ. A lɛawaa sɔbaabaa ǹ wɔ li, Dɛnaa nə n toa tɛmaa lɛ bii, á Muizu bíi.

Bɔ bɛ̀rɛbaa nɛ 29:43

«Man die n diɛ Izirayeli nɛnyaanan lɛ bǎã kɛ lɛ nɛ, ma din bɔ, má maa gugurubaa koa a nɛ.

Ezekieli 43:2

Á ke, ma bɛ́ giɛ, bɛ̀ Izirayeli a Lawa a gugurubaa á ke á n toa lɛ̀giala li, á n die. A wuu na á goã boe ka mu gole wuu bɛ́ lɔn, a tɛ-pɛ kanaa tumaa fúlu.

Ezekieli 43:27

Bɛ̀ bɛa lɛawaan lɛn nə́ kiɛ̃, a saa a lɛawaa kiwisibaa ǹ wɔ ganaa a woo kəni, Lawa a wúlu-bɔlen lɛn tá boe la, ǹ wúlu màn tiɛ̃ laanka barka da Lawa nɛ ǹ wúlu mànan sii yɔrɔ bɔ wúlu bɔ ǹ bǎã lɛ lalan. Bɛa biikoo li kəni, ma á re n too koe ǹ lon. Ma din Dɛnaa Lawa a da ǹ boo ne.»

Lawa a wúlu-bɔlen 2:1

Bɛ̀ min mɛn tá li a Lawa gɔ ǹ wɔ bɔ a tán-kɔsiɛ màn nɛ, ǹ dɛnaa doamaa nɛ a *wùsu sonbore bɔ, a bii ǹ nyɔɔ kaa li, a da yon gìĩ kɔɔ̃n da la.

Lawa a wúlu-bɔlen 3:1

Bɛ̀ min tá die barka da Lawa nɛ ǹ wúlu boe, bɛ̀ tɔɔ golee ne, ta a sa nɛ, hinlaa ǹ dan nɛ, a da nɛ kɔn yɛ ka Dɛnaa Lawa nɛ ǹ kion kɛ yɔrɔ-a. Sɛnɛ, wɔ̀lɔ̀ doamaa bie a goã a ganaa wa.

Lawa a wúlu-bɔlen 9:23

Muizu laanka Aarɔn kaa kɔn yɛ ka Lawa nɛ ǹ kion. Bɛ kio, ǹ nə́ soo, ǹ nə́ barka da zaman lɛ ganaa. Bɛa biikoo li, Dɛnaa Lawa ná a gugurubaa nyaa zaman lɛ tumaa nɛ.

Lawa a wúlu-bɔlen 9:3

Bɛ kio, n pɛ Izirayeli minin lɛn dɔn manɛ mà ǹ butumu goon kũ, ǹ baa sii baraa sawaa ǹ wúlu màn lɛa. Ǹ lɛ̀ goon diin nɛ laanka lɛ̀ goon sère nɛ dɔ kũ, wɔ̀lɔ̀ ná a ba ǹ kɔn ganaa wa, ǹ bɛn baa wúlu màn tiɛ̃ lɛa.

Lawa a wúlu-bɔlen 9:5

Muizu mànan mɛnɛn pɛ, ǹ nə́ daa ka bɛn nɛ, kɔn yɛ ǹ kion lɛ a kiɛnlɛ-a. Bɛ kio, zaman lɛ tumaa nə́ n zɔ̃ á dɔ, á golee Dɛnaa Lawa yɔrɔ-a.

Lawa a wúlu-bɔlen 9:6

Muizu tɔ́n pɛ: Dɛnaa Lawa màn mɛn pɛ ka nɛ, a din nə ka kɛ nɛ. Ka bɛ lɛ zɛnaa, màn mɛn bɛ́ toɛ, Dɛnaa Lawa na a gugurubaa nyaa ka nɛ.

Minin nimi 14:10

Zaman lɛ tumaa na á goã, mà ǹ kɔlɔ kaã bɔ ǹ ganaa, sɛnɛ bǎã goon ne, Dɛnaa Lawa a gugurubaa daa n din nyaa Izirayeli minin lɛn manɛ kɔn yɛ ka Lawa nɛ ǹ kion kɛ la.

Minin nimi 16:19

Koree lɛ ná a kiodɛnan lɛn tumaa mìi sɔkɔn Muizu laanka Aarɔn li, kɔn yɛ ka Lawa nɛ ǹ kion lɛ a kiɛnlɛ-a. Dɛnaa Lawa a gugurubaa daa n din nyaa zaman lɛ tumaa nɛ.