Lawa a wúlu-bɔlen 9:3 - LAWA A BOO SONBORE

³ Bɛ kio, n pɛ Izirayeli minin lɛn dɔn manɛ mà ǹ butumu goon kũ, ǹ baa sii baraa sawaa ǹ wúlu màn lɛa. Ǹ lɛ̀ goon diin nɛ laanka lɛ̀ goon sère nɛ dɔ kũ, wɔ̀lɔ̀ ná a ba ǹ kɔn ganaa wa, ǹ bɛn baa wúlu màn tiɛ̃ lɛa.

LAWA A BOO SONBORE 2011

³ Bɛ kio, n pɛ Izirayeli minin lɛn dɔn manɛ mà ǹ butumu goon kũ, ǹ baa sii baraa sawaa ǹ wúlu màn lɛa. Ǹ lɛ̀ goon diin nɛ laanka lɛ̀ goon sère nɛ dɔ kũ, wɔ̀lɔ̀ ná a ba ǹ kɔn ganaa wa, ǹ bɛn baa wúlu màn tiɛ̃ lɛa.

Lawa a wúlu-bɔlen 9:3 Iomraidhean Croise

Siin Giala 37:31

Ǹ nə́ Zozɛfu a dɔnkɛ lɛ saa, ǹ nə́ butumu goon bɔlɔ kuru, ǹ nə́ sã bɛa mà li.

Ɛsidrasi 10:19

Ǹ nə́ lɛ kɔ, mà ǹsɛn tá ǹ gɔn boe ǹ lɔn lɛn ganaa, ǹsɛn nə sère gɔ̀lɔ̀ bɔ ǹ zɛ̀rɛ lɛ a sawaa ǹ wúlu màn lɛa.

Ɛsidrasi 6:17

Maǹ nə́ dii gɔ̀lɔ̀ paabiɛ bɔ, sère gɔ̀lɔ̀ biɛpaa nɛ, ka sère ten biɛsii ni, Lawa a kion lɛ a kɔ Lawa la ǹ wɔ lɛa. Maǹ nə́ butumu fulupaa bɔ, Izirayeli tɔrɔn lɛn lɛ yii li, Izirayeli kuturu a sii baraan sawaa ǹ wɔ lɛa.

Bɔ bɛ̀rɛbaa nɛ 12:5

Ka tɔɔ bɔ, wɔ̀lɔ̀ ná a ba a ganaa wa, lɛ̀ goon pia lɛa. Ka bɔ sère nɛn hinlaa bòe nɛn bii.

Izayii 53:10

Dɛnaa Lawa na á goã li a yɔyɔrɛ ka fuu ni. A bɛ́ á n din kɔ zɛ̀rɛ si Lawa la ǹ *wúlu màn lɛa, á re tɔrɔn yii, a yii á re goɛ̃ koo a belebɔ. Sii mɛn bɛ́ kɔɔ̃n Dɛnaa Lawa-a, bɛ lɛ n die n zɛnɛɛ.

Lawa a wúlu-bɔlen 10:16

Ǹ butumu mɛn kɔ sii baraa sawaa ǹ wúlu màn lɛa, Muizu nɔ̀n da ka bɛ dɔ a sii ni. A bɛ́ re màn mɛn miɛ̃, mà ǹ ná a siĩ tã. Aarɔn a nɛgiĩn mɛnɛn lɛn nə goã ǹ yii n koo, Eleyazaara laanka Itamaara nɛ, a foo yoo bɛn li. Á tɔ́n pɛ ǹ nɛ:

Lawa a wúlu-bɔlen 12:6

Bɛ̀ a gɔ̀ bɔma-a ǹ lɛawaan lɛn lɛ pã, tà nɛginin hinlaa nɛlɔ na á yɛ, a da lɛ̀ goon sère nɛ kɔ Lawa a wúlu-bɔle la, *wúlu màn tiɛ̃ lɛa, ka zɛrɛkantoan hinlaa wuruun ni, a bɛ baa sii baraa sawaa ǹ wúlu màn lɛa, kɔn yɛ ka Lawa nɛ ǹ kion kɛ a kiɛnlɛ-a.

Lawa a wúlu-bɔlen 14:10

A lɛawaa kiwisibaa ǹ wɔ pinaa, a sère nɛ gɔ̀lɔ̀n paa kũ, wɔ̀lɔ̀ ná a ba ǹ ganaa wa, ka lɛ̀ goon sère nɛ luun ni, wɔ̀lɔ̀ ná a ba a ganaa wa. A *wùsu sonbore kilo manangɔrɔ yaa ka nyɔɔ nɛ, Lawa gɔ ǹ wɔ lɛa, a bɛ dɔ saa ka nyɔɔ litiri talɛɛ nɛ.

Lawa a wúlu-bɔlen 16:15

Bɛa kiɛ̃ kio, butumu mɛn bɛ́ zaman lɛ a sii baraa sawaa ǹ wúlu màn lɛa, á bɛ bɔlɔ kuru, a wo ka a mà nɛ kion bii kuru kɔn-a ǹ mɔnaa lɛ nyɛɛnɛ. A sii mɛn zɛnaa ka dii gɔ̀lɔ̀ lɛ a mà nɛ, a bɛ lɛ miã zɛnaa ka butumu lɛ dɔ a mà nɛ. A pɛsɛ̃ goo lɛ lɛpii ganaa, a pɛsɛ̃ goo lɛ yɔrɔ-a.

Lawa a wúlu-bɔlen 16:5

A pɛ Izirayeli zaman lɛ nɛ, ǹ butumu màn paa kɔ la, a die a bɛn baa sii baraa sawaa ǹ wúlu màn lɛa, ka sère gɔ̀lɔ̀ goon ne, a die a bɛ baa wúlu màn tiɛ̃ lɛa.

Lawa a wúlu-bɔlen 23:12

A din pinaa lɛ dɔ nɛ, lɛ̀ goon sère nɛ mɛn bɛ́ wɔ̀lɔ̀ ná a ba a ganaa wa, ka bɛ kɔ masɛ Dɛnaa Lawa la *wúlu màn tiɛ̃ lɛa.

Lawa a wúlu-bɔlen 4:23

A sii baraa mɛn zɛnaa, bɛ̀ min yɛ á pɛ nɛ, goledɛnaa lɛ doamaa nɛ a butumu bɔ, wɔ̀lɔ̀ ná a ba a ganaa wa.

Lawa a wúlu-bɔlen 4:3

Min mɛn bɛ́, ǹ nə́ bɔ ǹ nə́ koa wúlu-bɔlen kiã lɛa, bɛ̀ bɛ́ sii baraa zɛnaa, a na á zɛ̀rɛ saa á zaman lɛ tumaa gɔ nɛ. A sii baraa mɛn zɛnaa, a doamaa nɛ a dii gɔ̀lɔ̀ bɔ, wɔ̀lɔ̀ ná a ba a ganaa wa, a kɔ Dɛnaa Lawa la sii baraa lɛ a sawaa ǹ *wúlu màn lɛa.

Lawa a wúlu-bɔlen 9:2

Á pɛ Aarɔn nɛ: Ga diin nɛ banɛɛn laanka sère gɔ̀lɔ̀ goon li, wɔ̀lɔ̀ ná a ba ǹ kɔn ganaa wa. N die n diin nɛ banɛɛn lɛ baa sii baraa sawaa ǹ *wúlu màn lɛa, n sère gɔ̀lɔ̀ lɛ baa wúlu màn tiɛ̃ lɛa, Dɛnaa Lawa yɔrɔ-a.

Lawa a wúlu-bɔlen 9:4

Dii gɔ̀lɔ̀ goon laanka sère gɔ̀lɔ̀ goon dɔ kũ, n nə ǹ baa barka da Lawa nɛ ǹ wúlu màn lɛa, n nə ǹ dɛ kɔn yɛ ǹ kion kɛ yɔrɔ-a. Ka da ka wùsu-diɛ dɔ nɛ nyɔɔ n li, Lawa gɔ ǹ wɔ lɛa. A giala, pelo lɛ nɛ, Dɛnaa Lawa á die n din nyɛɛ ka nɛ.

Rɔmu minin 8:3

Wɔa Lawa a dí-pɛn doɛ̃ kɛ bie toɛ wɔ n si sii baraa la wa, a giala, wɔ boo la wɔ bɛa dí-pɛn kɛn lɛn bɔlɔ si wa. Sɛnɛ, Lawa na á dí kɔsɔ nya wɔa kirisibaa ǹ wɔ lɛa. Sii baraa mɛn bɛ́ dùũ sii babaraan nɛ, á bɛ pàã nya. A na á ná a Nɛgiĩ dia bɛ lɛ zɛnɛɛ. Yezu lɛ dɔ na á daa ka minbuiin nɛ dùũ siin ni a lon. Asɛ a gɛ̀ barka nɛ, Lawa na á kiri kuru sii baraa la dùũ siin kɛn lɛn nɛ.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.