Lawa a wúlu-bɔlen 8:3 - LAWA A BOO SONBORE

³ Bɛ kio, n zaman lɛ tumaa bíi n da ǹ nɛ kɔn yɛ ǹ kion lɛ a kiɛnlɛ-a.

LAWA A BOO SONBORE 2011

³ Bɛ kio, n zaman lɛ tumaa bíi n da ǹ nɛ kɔn yɛ ǹ kion lɛ a kiɛnlɛ-a.

Lawa a wúlu-bɔlen 8:3 Iomraidhean Croise

KZS1 13:5

Davida tɔ́n Izirayeli minin tumaa sɔkɔn, a saa Ezipti a lɛ̀giala gɔn la tà kɛ ganaa yǎa Lebo-Amaati, gɔsɛ a lɛ̀gɔn la, màn mɛn bɛ́ toɛ ǹ wo Lawa a goo lɛ saa Kiriati-Yarimu ǹ da nɛ.

KZS1 15:3

Bǎã mɛn nə n bɔ á n koa Dɛnaa Lawa a goo lɛ wɔ lɛa, Davida Izirayeli tumaa sɔkɔn Zeruzalɛmu, màn mɛn bɛ́ toɛ ǹ wo goo lɛ-n walan.

KZS2 30:13

Lɛ̀ a mui paabaa ǹ wɔ li, min gigiã nə́ n sɔkɔn Zeruzalɛmu ǹ nə́ *yɔ bùbaã buuru zɔ́n zɛnɛɛ. Ǹ nə́ mɔnaa parsiini.

KZS2 30:25

Min tumaa n nyɛnyɛɛ la. Zudaa minin ni, Lawa a wúlu-bɔlen ne, Levii tɔrɔn nɛ, min mɛnɛn nə bɔ Izirayeli gána nɛ kɔnlɛ ka tiin mɛnɛn nə bɔ Izirayeli hinlaa ǹ nə́ giã-n Zudaa gána nɛ.

KZS2 5:2

Bɛ kio, Salomɔn tɔn Izirayeli zaman a min golen sɔkɔn a din li Zeruzalɛmu, Izirayeli tɔrɔ tumaa a nyɛɛnaandɛnan nɛ ka sumu tumaa a nyɛɛnaandɛnan nɛ, maǹ Dɛnaa Lawa a *lɛ kɔ kɔn la ǹ goo lɛ saa "Davida a kiwi" kɛ nɛ ǹ nə́ bíi *Siɔn.

KZS2 5:6

Izirayeli a zaman mɛn tumaa goã á n sɔkɔn Salomɔn li, bɛn nə́ goã ǹ tan kun ni goo lɛ yɔrɔ-a, ǹ nə́ wúlu bɔ ka tɔɔ bisinin laanka tɔɔ dadaran nɛ. Min nə goã boe la a tá tɔɔn lɛn nimii doɛ̃ a n lɛ dɔ̃ wa, ǹ mɔnaabaa gɔn.

Nehemii 8:1

Lɛ̀ a mui sɔbaabaa ǹ wɔ a lɛawaa sɔbaabaa ǹ wɔ, zaman lɛ tumaa kɔn ma, ǹ nə́ woo n lɛ sɔkɔn Zeruzalɛmu, bǎã kɛ nɛ mu kiɛnlɛ kɛ yɔrɔ-a. Ǹ nə́ tɔ́n pɛ landa sii-daraali Ɛsidrasi ni, mà a da ka dí-pɛn sɛ́wɔ kɛ nɛ, Dɛnaa Lawa goã á kɔ Muizu la Izirayeli tɔrɔn wɔ lɛa. Ɛsidrasi daa ka bɛa sɛ́wɔ lɛ nɛ zaman lɛ yɔrɔ-a. Giĩn laanka lɔn maǹ nə́ goã bǎã lɛ nɛ, ka min mɛn tumaa goã boe la, ǹ nə́ boo giala miɛ.

Loen 22:25

A giala a n piã, á yii koe-yɛle lɛ toa nɔmaa gɔ́ɔ̃-n wa, a n yɔrɔ bɔyaa á bɔ la wa. Á na á lɛ dia ma.

Lawa a wúlu-bɔlen 14:11

Lawa a wúlu-bɔle mɛn bɛ́ gɔ̀ bɔma-a ǹ landa lɛ zɛnɛɛ, bɛ gɔ̀ bɔ a din ganaa wole lɛ laanka a mànan lɛn koa Dɛnaa Lawa yɔrɔ-a, kɔn yɛ ǹ kion kɛa kiɛnlɛ-a.

Lawa a wúlu-bɔlen 8:2

Aarɔn laanka a nɛgiĩn bíi. Lawa a wúlu-bɔlen mɔnaan kɛn, ka ǹ bɔ a koa ǹ nyɔɔ kɛ nɛ, a pɛ minin manɛ, ǹ bɛn goa, ǹ da ǹ nɛ. Dii gɔ̀lɔ̀ ke sii baraa sawaa ǹ *wúlu màn lɛa, ka sère gɔ̀lɔ̀ màn paa kɛ nɛ, ǹ da ka bɛn dɔn nɛ. Kankaan ke buuru ná a nɛ, yɔ bù ná a ba li wa, ǹ da ka bɛ dɔ nɛ.

Lawa a wúlu-bɔlen 8:4

Dɛnaa Lawa pɛ Muizu-n lɔn, Muizu zɛnaa miɛ̃. Zaman lɛ daa n lɛ sɔkɔn kɔn yɛ ǹ kion lɛ a kiɛnlɛ-a.

Minin nimi 20:8

«N bàlà lɛ saa, n laanka n dɔɔ̃ngiĩ Aarɔn nɛ, n Izirayeli zaman lɛ sɔkɔn. Ka die ka boo da ka gɛ̀fu kɛ nɛ zaman lɛ yii ni, mu á die soe a nɛ. N tá re mu boe gɛ̀fu lɛ nɛ, n kɔ zaman lɛ laanka ǹ tɔɔn la ǹ mi.»

Minin nimi 21:16

Bɛ kio, Izirayeli minin lɛn nə́ yoo ǹ nə́ woo bǎã kɛ nɛ, ǹ nə́ bíi "Tù". Walan lɛ nɛ, Dɛnaa Lawa pɛ Muizu ni mà a zaman lɛ sɔkɔn, màn mɛn bɛ́ toɛ asɛ mu kɔ ǹ la.

Minin nimi 8:9

N die n Levii tɔrɔn kɛn wɔlɔ kunu kɔ kɔn yɛ ka Lawa nɛ ǹ kion kɛ yɔrɔ-a, n Izirayeli zaman lɛ tumaa sɔkɔn.

Nya ǹ dín 2:1

Zɔ́n mɛn bɛ́ n zɛnɛɛ kiɛ̃mala ǹ wɔ kɛ a kiɛ̃ lɛawaa posooro pinaa, a tɔ n *Pantikɔti, bɛ dɔ. Kialandɛnan lɛn tumaa lɛ na á goã soe-n kɔn kun.