Lawa a wúlu-bɔlen 8:26 - LAWA A BOO SONBORE

²⁶ Yɔ bùbaã buuru kaa ǹ kankaan mɛn bɛ́ koa-n Dɛnaa Lawa yɔrɔ-a, á buuru kɔn bɔ walan: ǹ mɛn bɛ́ yɔ bù ná a ba li wa, ǹ mɛn dɔ bɛ́ ǹ nə́ zɛnaa ka nyɔɔ nɛ, ka mɔ̀mɔ kɔn nɛ, á ǹ kaa tɔɔ lɛ a nyɔɔ bǎãn laanka a gusin a nyàa lɛ lalan.

LAWA A BOO SONBORE 2011

²⁶ Yɔ bùbaã buuru kaa ǹ kankaan mɛn bɛ́ koa-n Dɛnaa Lawa yɔrɔ-a, á buuru kɔn bɔ walan: ǹ mɛn bɛ́ yɔ bù ná a ba li wa, ǹ mɛn dɔ bɛ́ ǹ nə́ zɛnaa ka nyɔɔ nɛ, ka mɔ̀mɔ kɔn nɛ, á ǹ kaa tɔɔ lɛ a nyɔɔ bǎãn laanka a gusin a nyàa lɛ lalan.

Lawa a wúlu-bɔlen 8:26 Iomraidhean Croise

Bɔ bɛ̀rɛbaa nɛ 29:23

Bɛ kio kəni, ga buuru kankaan kɛ lɛ nɛ masɛ Dɛnaa yɔrɔ-a, n buuru luurii bɔ, ka kiɔmɔsɔ̃ nyɔɔnaa nɛ, ka mɔ̀mɔ nyɔɔnaa nɛ.

Lawa a wúlu-bɔlen 8:25

Tɔɔ lɛ a paǹan mɛnɛn bɛ́ nyɔɔ lɛa, Muizu bɛn goa: a muigoã nɛ, nyɔɔ mɛn tumaa bɛ́ a gɔ́ɔ̃ nɛ, a foo lɛwɔn nɛ, a dɔ̀ɔ̃ koron màn paa kɛ laanka nyɔɔ mɛn bɛ́ doa-n kɔn, ka a gusin a nyàa nɛ.

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Nya ǹ dín 5:12

Dia dí-a wolen lɛn man nə́ goã kaãbaa ǹ sii dadara gigiã zɛnɛɛ minin bii. Ǹ tumaa, dia dí-a wolen laanka Lawa-nyankɔle gialakunun kɛn man nə́ goã kun, bɛ̀ ǹ golee Salomɔn a Siã Bǎã kɛ nɛ.

Timote1 2:5

A giala, Lawa goon toto na a tan, zɛlɛ goon toto dɔ na a tan Lawa laanka minbuiinin bii ni, minbuiin nɛ lɛa: Yezu *Krita nɛ.