Lawa a wúlu-bɔlen 8:25 - LAWA A BOO SONBORE

²⁵ Tɔɔ lɛ a paǹan mɛnɛn bɛ́ nyɔɔ lɛa, Muizu bɛn goa: a muigoã nɛ, nyɔɔ mɛn tumaa bɛ́ a gɔ́ɔ̃ nɛ, a foo lɛwɔn nɛ, a dɔ̀ɔ̃ koron màn paa kɛ laanka nyɔɔ mɛn bɛ́ doa-n kɔn, ka a gusin a nyàa nɛ.

LAWA A BOO SONBORE 2011

²⁵ Tɔɔ lɛ a paǹan mɛnɛn bɛ́ nyɔɔ lɛa, Muizu bɛn goa: a muigoã nɛ, nyɔɔ mɛn tumaa bɛ́ a gɔ́ɔ̃ nɛ, a foo lɛwɔn nɛ, a dɔ̀ɔ̃ koron màn paa kɛ laanka nyɔɔ mɛn bɛ́ doa-n kɔn, ka a gusin a nyàa nɛ.

Lawa a wúlu-bɔlen 8:25 Iomraidhean Croise

Bɔ bɛ̀rɛbaa nɛ 12:9

A siĩ kɔ́n a fumaa baran wɔ ka lɛ-n wa, ka baran kɔrɛ ka mu dɔ-n wa. Sɛnɛ, yǎa a paparɛɛ, a mìi ni, a keren ne ka a màn baaran nɛ.

Bɔ bɛ̀rɛbaa nɛ 29:13

Nyɔɔ mɛn bɛ́ tɔɔ lɛ gɔ́ɔ̃ nɛ, a nànan lɛnpɛnɛ, n bɛ bɔ, ka a foo ne, ka a dɔ̀ɔ̃ koron màn paa kɛ nɛ, ka nyɔɔ mɛn bɛ́ ǹ ganaa, n tã wúlu bɔ ǹ bǎã lɛ nɛ.

Suusun 23:26

Maa nɛ, n foo doa ma ganaa. Kɔ maa giã ǹ gɔn lɛ ka foo kɔɔ̃n nɛ.

Izayii 53:10

Dɛnaa Lawa na á goã li a yɔyɔrɛ ka fuu ni. A bɛ́ á n din kɔ zɛ̀rɛ si Lawa la ǹ *wúlu màn lɛa, á re tɔrɔn yii, a yii á re goɛ̃ koo a belebɔ. Sii mɛn bɛ́ kɔɔ̃n Dɛnaa Lawa-a, bɛ lɛ n die n zɛnɛɛ.

Lawa a wúlu-bɔlen 3:9

Barka da Lawa nɛ ǹ màn lɛ a paǹan mɛnɛn bɛ́ nyɔɔ lɛa, ǹ nə́ die tiɛ̃ Dɛnaa Lawa wɔ lɛa, bɛn man ka kɛn nɛ: a muigoã ke, bɛ̀ ǹ na, bɛ̀ ǹ bɔ kɔn ka a kii ni, bɛ tumaa, a nyɔɔ mɛn tumaa bɛ́ pɛnɛɛ nɛ a nàn ganaa,

Lawa a wúlu-bɔlen 8:24

Bɛ kio, Muizu Aarɔn a nɛgiĩn bíi á daa ǹ nɛ. Á mà lɛ kɔn lɔ ǹ dɔn gusin a too lɛwɔnɔn ganaa, á ǹ kɔn lɔ ǹ gusin a gɔn a gòon mìi golen ganaa, á ǹ kɔn lɔ ǹ gusin a gòã a gòon mìi golen ganaa. Bɛ kio kəni, á mà lɛ a gialakun kɛ pɛpɛsɛ̃ wúlu bɔ ǹ bǎã lɛ ganaa, a ná a lɛnpɛnɛ nɛ.

Lawa a wúlu-bɔlen 8:26

Yɔ bùbaã buuru kaa ǹ kankaan mɛn bɛ́ koa-n Dɛnaa Lawa yɔrɔ-a, á buuru kɔn bɔ walan: ǹ mɛn bɛ́ yɔ bù ná a ba li wa, ǹ mɛn dɔ bɛ́ ǹ nə́ zɛnaa ka nyɔɔ nɛ, ka mɔ̀mɔ kɔn nɛ, á ǹ kaa tɔɔ lɛ a nyɔɔ bǎãn laanka a gusin a nyàa lɛ lalan.