Lawa a wúlu-bɔlen 8:23 - LAWA A BOO SONBORE

²³ Muizu tɔ́n tɔɔ lɛ bɔlɔ kuru, a ná a mà si á lɔ Aarɔn too lɛwɔn ganaa, á ǹ kɔn lɔ a gusin a gɔn a gòon mìi gole ganaa, á ǹ kɔn lɔ a gusin a gòã a gòon mìi gole ganaa.

LAWA A BOO SONBORE 2011

²³ Muizu tɔ́n tɔɔ lɛ bɔlɔ kuru, a ná a mà si á lɔ Aarɔn too lɛwɔn ganaa, á ǹ kɔn lɔ a gusin a gɔn a gòon mìi gole ganaa, á ǹ kɔn lɔ a gusin a gòã a gòon mìi gole ganaa.

Lawa a wúlu-bɔlen 8:23 Iomraidhean Croise

Bɔ bɛ̀rɛbaa nɛ 29:20

N sère gɔ̀lɔ̀ lɛ bɔlɔ kuru, n na a mà bɔ, n da Aarɔn gusin a too lɛwɔn ganaa, n da a nɛgiĩn lɛn dɔn too lɛwɔnɔn ganaa. N da ǹ gusin a gɔn a gòon mìi gole ganaa, ka ǹ gusin a gòã wɔ nɛ. N mà lɛ gialakun pɛsɛ̃ wúlu bɔ ǹ bǎã lɛ gɔ̀nɔn tumaa ganaa.

Bɔ bɛ̀rɛbaa nɛ 29:21

N mà kɛ saa wúlu bɔ ǹ bǎã lɛ la, ka min koa Lawa wɔ lɛa ǹ nyɔɔ lɛ nɛ, n nə ǹ pɛpɛsɛ̃ Aarɔn ganaa, ka a mɔnaan nɛ. N pɛpɛsɛ̃ a nɛgiĩn lɛn dɔn ganaa ka ǹ mɔnaan nɛ. Bɛa yɔrɔ kɛ la, ǹ tá re masɛ wɔn biɛ: Aarɔn nɛ ka a mɔnaan nɛ, a nɛgiĩn ni ka ǹ mɔnaan nɛ.

Lawa a wúlu-bɔlen 14:14

Wúlu-bɔle zɛ̀rɛ si Lawa la ǹ wúlu màn lɛ saa, a ǹ kɔn lɔ gɔ̀ bɔ din ganaa wole lɛ gusin a too lɛwɔn ganaa, a gusin a gɔn a gòon mìi gole ne, ka a gusin a gòã a gòon mìi gole ne.

Lawa a wúlu-bɔlen 14:17

Nyɔɔ lɛ a mɛn bɛ́ goɛ̃ a gɔn, a bɛ kɔn lɔ gɔ̀ bɔ din ganaa wole lɛ a gusin a too lɛwɔn ganaa, a ǹ kɔn lɔ a gusin a gɔn a gòon mìi gole ganaa, ka a gusin a gòã a gòon mìi gole ne, zɛ̀rɛ si Lawa la ǹ wúlu màn lɛ a mà lalan.

Lawa a wúlu-bɔlen 14:25

A zɛ̀rɛ si Lawa la ǹ sère nɛ lɛ bɔlɔ kuru, a na a mà si, a ǹ kɔn lɔ gɔ̀ bɔ din ganaa wole lɛ a gusin a too lɛwɔn ganaa, a ǹ kɔn lɔ a gusin a gɔn a gòon mìi gole ganaa, ka a gusin a gòã a gòon mìi gole ne.

Lawa a wúlu-bɔlen 14:28

Wúlu-bɔle lɛ zɛ̀rɛ si Lawa la ǹ wúlu màn lɛ a mà lɔ gɔ̀ bɔ din ganaa wole lɛ paǹan mɛnɛn ganaa, nyɔɔ mɛn lɛ bɛ́ a gɔn, a bɛ dɔ lɔ bɛa bǎãn lɛn ganaa: a gusin a too lɛwɔn nɛ, a gusin a gɔn a gòon mìi gole ne, ka a gusin a gòã a gòon mìi gole ne.

Lawa a wúlu-bɔlen 7:37

Wúlu màn tiɛ̃ nɛ, Lawa gɔ ǹ màn nɛ, sii baraa sawaa ǹ wúlu ni, zɛ̀rɛ si Lawa la ǹ wɔ nɛ, wúlu-bɔlen koa ǹ wɔ nɛ, ka barka da Lawa nɛ ǹ wɔ nɛ, ǹ bɔ ǹ gɔn lɛ n ka bɛ nɛ.

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Rɔmu minin 6:13

Ka baran ka dinin kɔ sii baraa la doo, ka sii baraa zɛnaa ǹ mànan baa wa. Sɛnɛ, ka ka dinin kɔ Lawa la, ka min mɛnɛn bɛ́, ǹ yii kaa ǹ nə́ n bɔ geren bii. Ka ka gɔ̀nɔn paǹ din tumaa kɔ la, peperebaa sii zɛnaa ǹ mànan lɛa.

Rɔmu minin 6:19

Man má bɛ̀rɛbaa saa sii a kɔnboe lɛa, má nyaa ka nɛ, màn mɛn bɛ́ toɛ, ka boo la ka a giala ma. Gɔgɔrɛbaa laanka kɔkɔrɔbaa mɛn bɛ́ min diɛ Lawa bɔlɔ tii ganaa a wo-n nyɛɛnɛ, táa ka n ká ǹ dinin kɔ bɛn la lɛlɛ, ka ǹ bɛ̀rɛn baa. Sisia, bɛa yɔrɔ kɛ lɛ la, Lawa dùũ siin mɛnɛn zɛnaa bɛ́ min *yoreen koe, ka doamaa nɛ ka ka dinin kɔ bɛn la, ka ǹ dɔn bɛ̀rɛn baa.

Korɛnti1 1:2

Kasɛn lɛn man Lawa a sɔmɔ lɛa Korɛnti kiwi. Lawa na á ka bɔ, á ka kaa ka gɔrɔn Yezu Krita pàã ganaa, mà ka goã a din a minin lɛa. Wɔ n sɛ́wɔ kɛ diɛ ka laanka Lawa-nyankɔlen tumaa la, ǹ mɛnɛn bɛ́ bǎã tumaa nɛ ǹ nə́ Yezu Krita bíi Dɛnaa, ka wɔsɛn bɛ́ lɔn.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti1 6:20

Lawa ka pii, á ka giɔ̀mɔ saraa. A bɛ́ miɛ̃, ka ka gɔ̀nɔn lɛ baa Lawa tɔ gole kɔ ǹ màn lɛa.

Filipi minin 1:20

Sonbore, masɛ gɔ́ɔ̃ nɛ, ma yiri na a ganaa, máa ma nyan sii kɔ́n zɛnaa a n sìi diɛ ma din ganaa ka duduu wa. Man giɛ li, máa ma goã piɛ̃-n ka foo tãbaa-n baraanɛ, sanparɛ sisia kɛ nɛ, ta man liɛ, ta man giɛ̃, Krita a gugurubaa yɛ maa minbuiinbaa tumu gɔ́ɔ̃ nɛ.

Filipi minin 2:17

Bɛ̀ a n doa wa, bɛ̀ má gɛ̀-wɔle baa, ma mà á re goɛ̃ kun ka kaa *wúlu màn kɛ nɛ, ka n koe Lawa la ka goleemali ni. Bɛ̀ bɛ́ taãn baa, ma foo n die kɔɔ̃n koe, ma ka dɔn tumaa gii da maa foo kɔɔ̃n kɔ kɛ nɛ.

Tesaloniki1 5:22

Ka n bɔ sii baraa tɔrɔ tumaa nɛ.

Ebrəə 2:10

Sonbore, Lawa din na á màn tumaa zɛnaa, a din dɔ n màn tumaa tamaɛ. A na á goã giɛ li, mà a nɛnyaan gigiã dɔ a din a kiibaa guguru bǎã kɛ nɛ. Bɛ lɛ nɛ á zɛnaa, Yezu mɛn nə ǹ nyɛɛnaan bɔ kirisibaa ǹ zii lɛ la, bɛa sii tumaa lɛ pã fuu gɔ́ɔ̃ nɛ. Bɛ na á kɔnpɛ ka Lawa din sɔ̀n nɛ.

Ebrəə 5:8

A laanɛ á goã Lawa a Nɛ lɛa, a na á n daraa Lawa bɔlɔ sii ganaa a nɔmaa ǹ siin gɔ́ɔ̃ nɛ.