Lawa a wúlu-bɔlen 8:21 - LAWA A BOO SONBORE

²¹ Muizu tɔɔ lɛ a nàn laanka a kèrèn pii, á ná a tumaa tã wúlu bɔ ǹ bǎã kɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa, á n tã a wɔ lɛa, ka a din bɛ́ á goã á pɛ Muizu-n lɔn.

LAWA A BOO SONBORE 2011

²¹ Muizu tɔɔ lɛ a nàn laanka a kèrèn pii, á ná a tumaa tã wúlu bɔ ǹ bǎã kɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa, á n tã a wɔ lɛa, ka a din bɛ́ á goã á pɛ Muizu-n lɔn.

Lawa a wúlu-bɔlen 8:21 Iomraidhean Croise

Siin Giala 8:21

Dɛnaa bɛa wúlu màn gìĩ kɔ́ɔ̃n lɛ ma, á tɔ́n pɛ a din gɔ́ɔ̃ nɛ kɛnɛn: «Ma a re lɛn pipiã bíi tán li doo duduu, minbuiin nɛ a zɛnaa ǹ sii taman yii wa. Minbuiin nɛ n yui tán ka sii baraa zɛnaa nɛ a foo-n sɛn, sɛnɛ, ma a re dɔlɔ boe màn yiikoonaa tumaa ganaa doo duduu, ka ma bɛ́ má zɛnaa lɔn wa.

Bɔ bɛ̀rɛbaa nɛ 12:9

A siĩ kɔ́n a fumaa baran wɔ ka lɛ-n wa, ka baran kɔrɛ ka mu dɔ-n wa. Sɛnɛ, yǎa a paparɛɛ, a mìi ni, a keren ne ka a màn baaran nɛ.

Bɔ bɛ̀rɛbaa nɛ 29:18

N sère gɔ̀lɔ̀ lɛ tumaa tã wúlu bɔ ǹ bǎã lɛ nɛ, a goã *wúlu màn tiɛ̃ lɛa Dɛnaa wɔ lɛa. Wúlu màn tiɛ̃ wole ne, a gìĩ n kɔɔ̃n masɛ Dɛnaa ganaa.

Bɔ bɛ̀rɛbaa nɛ 40:16

Muizu yoo á dí lɛ nya, á zɛnaa sɔnbɔraanɛ ka Dɛnaa bɛ́ á pɛ-n lɔn.

Lawa a wúlu-bɔlen 1:13

Ǹ na a nànan laanka a kèrèn pii, wúlu-bɔle lɛ goon tɔn nə ǹ nyaa Dɛnaa Lawa nɛ. Bɛ kio, a tɔn na a tumaa tã wúlu bɔ ǹ bǎã lɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 1:17

Ǹ bàan lɛ yu kɔn paa, ǹ nə́ ǹ ba niɛ̃ ǹ bɔ kɔn wa. Bɛ kio, wúlu-bɔle lɛ da wúlu bɔ ǹ bǎã lɛ a tɛ gɔnɔn lɛn la a tã. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 1:9

Ǹ na a nànan laanka a kèrèn pii, wúlu-bɔle lɛ goon tɔn na a tumaa tã wúlu bɔ ǹ bǎã lɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 2:9

Wúlu-bɔle yiri gisĩ sii ni ǹ wɔ bɔ bɛ lɛ nɛ, a tã wúlu bɔ ǹ bǎã lɛ la. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 8:13

Bɛ kio, Muizu Aarɔn a nɛgiĩn bíi ǹ nə́ daa. Dɔnkɛ sonboren kɛn nyàn nə́ ǹ ganaa, á bɛn wɔ ǹ-a, á bii yii ǹ màn da ǹ la, á Lawa a wúlu-bɔlen bafolon kɛn wɔ ǹ gogoonmaa mìi-a, ka Dɛnaa Lawa goã á pɛ Muizu-n lɔn.

Lawa a wúlu-bɔlen 8:9

Á mìi yii ǹ mɔnaa gɔn kɛ yii a mìi-a, sana ke da buũ a kɔnboe lɛa, á bɛ da mɔnaa gɔn kɛ ganaa a nyanlɛ-a. Bɛ n nyɛɛ mà ǹ nə́ Aarɔn bɔ ǹ nə́ koa Dɛnaa Lawa wɔ lɛa, ka Dɛnaa Lawa bɛ́ á goã á pɛ Muizu-n lɔn.

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.